Mąątɛ̨nɛ̨ 139:2 - Yálá laawoo hɛɓɛ (dc)

² Ŋą́ kɛ laani-o, ŋį́ múhəɠə-o, gbaɠala kaa Yɛ́; Yá gwə́i mɛ̨nįɠaa lɛɛ kwɛaa la, ə́ gɔlɔn.

Yálá laawoo hɛɓɛ

² Ŋą́ kɛ laani-o, ŋį́ múhəɠə-o, gbaɠala kaa Yɛ́; Yá gwə́i mɛ̨nįɠaa lɛɛ kwɛaa la, ə́ gɔlɔn.

Bible

² Í tãi kɔ́lɔŋ ŋa kɛ́ ḿvii tɔɔ̂i la, kpáa máŋ ŋà kɛ̀ tíi kɛ̂i. Ya lɛ̂ɛ kwaa kôyaa ma í ŋá kili-ŋa sîai kélee kɔ́lɔŋ.

Mąątɛ̨nɛ̨ 139:2 ပူးပေါင်းရင်းမြစ်များ

Zɛnɛse 16:13

Hagarə ə gbɔɠɔ mąąnikɛ, yɛ mą: «Akɛtii nui ŋɛ̨i mɛ̨́i kaai, ɲɛ̨́i ə tɔɔ mą ɓə ti?» Naai tii ɓə Hagarə ə ɉee Yai-Laa ɓa, di lawoo hu, yɛ kɛ mą: «Ə́ kaa a Ɛlə-Roi Yálá yii ɲɛ̨i kaa mą́ą́.»

Tɔɔɓɛlaa veelɛ 19:27

Ə́ kɛɛ heeni, ə́ kɛɛ kulɔi yɛ́ lɔ, gəlee kpaɠala kaa mą́ą́, ə mą kɛ ɓɛi ə́ wɔ liiholi a muhəɠə laa bɔ́.

Tɔɔɓɛlaa veelɛ 6:12

Gɔkuláá tɔ̨nɔ̨ yɛ mą: «Nwɔ́ mɛ̨nį nąmu tɔɔmun, yili mąą nu ta hvo ku lɔwai. Kɛlaa, Elise ŋɛ̨i a Yálá kwəi mɛ̨nį hukulɔ mun Israɛlə lɔi hu, ya ɓə a kɛ mɛ̨nįi tii kɛi, ɉə kaa mą, wooɠaa kpɔ yá kɛ moi ə́ yəi bɛlɛ́n ə́ laai lɔwai, ə gəlee hukulɔ Israɛlə tɔɔmun mą.»

Mąątɛ̨nɛ̨ 44:22

Yálá hvəli mɔ̨ɔ̨ kɛ gbaɠala kaa, a yai tii loo mɛ̨nįɠaa hu kɔ́lɔn nu kwəi?

Mąątɛ̨nɛ̨ 56:8

Mɛ̨nį ɲɔ̨n tii mąą mɛ̨nį ɓa, da mɔ̨ɔ̨ pɛli kulɔi ɉu? Yálá ə́ wɔ liiholi ə nuąi tii hukala tai.

Mąątɛ̨nɛ̨ 94:11

Yai-Laa ə nu kwəi kiliɠaa kɔ́lɔn, gaa lɔ a hvaŋą.

Hanwon 15:3

Yai-Laa ɲɛ̨i kaa kɛɛnąą kəlee, yɛ nwąnąlɔɔ nuą da nu lɛlɛɛɠaa mąąkpɛɛ.

Azaya 37:28

Ə́ kaa heei-yoo, ə́ kaa kulɔi-yoo, ə́ kaa lɔ́i-yoo, gbaɠala kaa mą́ą́, ə mą kɛ ɓɛlɔwai yá kɛ hvɛɛi la mą́ą́, yɛ́ kpɛlin a líiholi.

Izikiɛ 11:5

Yai-Laa ə nwɔ Kilii tɛɛ bɔ́, yɛ mą́ą́: «'Mo yɛ́ diɛ: Mɛ̨nii Yai-Laa kaa moi ya ka, yɛ: Israɛlə nuą, mɛ̨nįi ka kɛi moi ŋą́ gɔlɔn, ɛlɛɛ, giliŋąhiɛi a kɛ tooi kaa ŋą́ gɔlɔn.

Izikiɛ 38:17

Mɛ̨nįi Mɛ̨nį kəlee ŋą Hééɓomun Yálá kaa moi ya ka, yɛ: Yɛ́ ɓə ŋį́ kɛi ə́ mąą mɛ̨nį ɓo; wɔlɔ wɔlɔ mɛ̨nį li; gwə́i mɛ̨nį hu kulɔ nuą, diɛ gwə́i mɛ̨nį ɓo, yɛ hvilɛn yɛ́; kwɛlan damąą yee mu, diɛ kɛ gáá pai pai a yɛ́, yɛ́ pɛlɛ diɛ a kɔ́.

Zakari 4:10

Gbɛɛ ɓə kɛi tɛɠɛɓo volói ku mɛ̨nįɠaa kpala tɔɔ la a viikpɛɛ, di hu? 'Di kwəinɛ̨ɛ̨ kulɔ kani, bɛlɛ́ tɔɔ kinɛ̨ kɔ́w kaa Zorobabɛlə yəi. Nwulɔ nwɔ̨n mɛ̨ihveelɛi, di kaa a Yai-Laa ɲɛ̨i kɔ́w mąą nįnįn, yai a lɔi mɛ̨i kəlee kaa la.»

Maafîu 9:4

Yii kɛa Jesus ə di wɔ kiliŋąhiɛi tii kaa, ə mo diɛ, yɛ diɛ: «Lə mɛ̨nį ɓa ka káá ka kiliŋąhiɛi a ɲɔ̨nwɔ̨ɔ̨?

Lukə 9:47

Jesus ə gbaɠala kaa, ə nɛɛ mą ə lokolo ta həɠə ə ɉee gwɛlɛ.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Dutɛrɔnome 31:21

Yili a kɛ tii, ɓɛlɔwai mɔ̨nɔ̨ kpɛa kpɛa da mɛ̨nį nwąnąą kpɛa kpɛa da pa laai la diɛ, nwələi ŋɛ̨i lɔ ɓə a di kilaa pɔ̨nɔ̨ di hɔn mąą mɛ̨nį hu. Nwələi ŋɛ̨i ɓə gaa a kɛla kwa diɛni ku lɔwai. Mąąhɔlɔɓo, di huwu hvo pai kpɛlai nwələi ŋɛ̨i toɔ ɓa. Və́ kpɛli nii di lɔ li nɔi tii hu, mɛ̨nįi di kwəi, ŋą́ą́ mąn gɔlɔn.»