Mąątɛ̨nɛ̨ 134:2 - Yálá laawoo hɛɓɛ (dc)

² 'Ka ká yee haŋą nwɔ pɛlɛ́i pɔ pələ, 'ka Yai-Laa mąąwiɛ!

Yálá laawoo hɛɓɛ

² 'Ka ká yee haŋą nwɔ pɛlɛ́i pɔ pələ, 'ka Yai-Laa mąąwiɛ!

Bible

² Ka káyee tɛ́ ɣelêi gwaa maa waai ma ká Ɣâla fɛli, ká Yâwɛɛ láa maa tɛ́.

Mąątɛ̨nɛ̨ 134:2 ပူးပေါင်းရင်းမြစ်များ

Nehemi 8:6

Ɛsdrasə ə Yálá mąątɛ̨nɛ̨, yaai gaa a Yálá kɛnɛ̨. Nɔi lonnii kəlee di mu hon, di di yee tɛ yələ, diɛ mą: «Yálá ə kɛti! Yálá ə kɛti!» Yili pulu, di di nwun vilɛn, di pɛlɛ Yai-Laa lííla, tɔwɔla hvilɛn ŋąą nɔi ɓa.

Mąątɛ̨nɛ̨ 141:2

Nwɔ́ hvɛli wooi ə kɛ ə́ lííla yɛ lansan, Ɛlɛɛ, ŋą́ ɲééɠaa hąŋąn, ə ɓo yɛ yələ wilii haláá.

Mąątɛ̨nɛ̨ 26:6

Gáá ɲə́i waai, gɛ́ nwɔ́ kwəi kwələlaa lɛ la, əgɛ, gɛ́ pɛli kɛa haláá kulɔi yɛ́ Yai-Laa.

Mąątɛ̨nɛ̨ 28:2

Ə́ mąąnɛ̨ɛ̨i gáá moi, ə́ wəli tɔɔ nwóó ɓa, ɓɛlɔwai gáá tomąi la ə́ pɔ pələ, gɛ́ ɲéé tɛ ə́ pɔ pələ, ɓɛi ə́ kaa laa ə́ wɔ pɛlɛ́ mąąhəɠɛɛi mui.

Mąątɛ̨nɛ̨ 63:2

Yálá, nwɔ́ Yálá ɓaa a yɛ́, ŋą́ humon a ə́ mąą lii hɛlɛn ɉəɛ, ə́ mąą pulu yɛ ɉon, yɛ ɉúwɔ hu kpɛlin, yɛ lɔi hu kpalaai, yá hvo laa.

Mąątɛ̨nɛ̨ 63:4

A tɛ̨ą, ə́ wɔ wɛlikɛmąąlaa hviɛla ɓoɔi yɛnɛ̨ɛ̨ ɓa, yili ɓə a gɛ, gɛ́ pa kɛi ə́ laa tɛi la a wələ.

Mąątɛ̨nɛ̨ 63:5

Yili ɓa, ŋą́ ə́ laa tɛ́, nwɔ́ yɛnɛ̨ɛ̨ kəlee yee mu, gɛ́ ɲéé tɛ yələi, gɛ́ ə́ laa tɛ.

Woolaa 2:19

'Hvó kpɛla wɔlɔɔ ɓa da ə́ woo laa ɓa kpįnį kəlee yeemu; Ə́ yee laa kwələ hee Yai-Laa ɓa, ə́ kwəi mɛ̨ni hu lɛ mą, ə́ lonnii di wɔ yɛnɛ̨ɛ̨ mąą mɛ̨ni ɓa, diɛi pulu kaa di paai bələɠaa nwun na.

Woolaa 3:41

'Ká gu gu yee da gu lii kəlee tɛ, yələkɔlɔn ɉu Yálá ɓa.

Timote dɔlɔɔ 2:8

Yii kani gáá bɔ, ya ɓaa, ɓɛi lɔpee, hinąą da kɛi Yálá hvɛli laa, di di yee mąąhəɠɛɛ tɛ, lííholi hva kɛ diɛ, yəliháá hvo kɛ di lɔwai da nu ta.