Mąątɛ̨nɛ̨ 132:9 - Yálá laawoo hɛɓɛ (dc)

⁹ Ə́ wɔ haláá laa həli nuąi, di kwąną həɠə ə kɛ a tələmolaa, ə́ yee pɔ nuą di tómą a kwəinɛ̨ɛ̨.

Yálá laawoo hɛɓɛ

⁹ Ə́ wɔ haláá laa həli nuąi, di kwąną həɠə ə kɛ a tələmolaa, ə́ yee pɔ nuą di tómą a kwəinɛ̨ɛ̨.

Bible

⁹ Gɛ́ zâla láa soŋ-ƃelai díkɛ a teniŋ ƃô-ƃela a tãi kélee. Tɔɔ ínûai díkɛ koi-nɛ̃ɛ wule tòo a tãi kélee.

Mąątɛ̨nɛ̨ 132:9 ပူးပေါင်းရင်းမြစ်များ

Kɔlɔnikɔ Veerɛi 6:41

'Ə́ muhəɠə yiihu! Yai-Laa, 'pa Ə́ hvįitɔɔ pɛlɛ mu! Yɛ́ ka gəhii Ə́ hvąŋą kaa ɉui! Yai-Laa, Yɛ́ haláá laa həlinuąi mąąyili a di nwun mąąɓo həɠə! Ɛlɛɛ Yɛ́ Yee-too-lonnii 'di kwəinɛ̨ɛ̨ kulɔ nwun na nɛ̨ɛ̨ hu!

Zôo 29:14

Tələnmolaa ɓə kɛ a mą́ą́yili həɠə, tɛ̨ą ə ɓo a nwúɔ ɓɔlɔ.

Mąątɛ̨nɛ̨ 104:1

Nį́i, Yai-Laa mąąwiɛ, Yai-Laa nwɔ́ Yálá! Ə́ kɛnɛ̨ɛ̨i tai! Ə́ mąąyiliɛ a lɛlɛ da ɲɛ̨ipono.

Mąątɛ̨nɛ̨ 132:16

Gɛ́ nwɔ haláá laa həli nuą mąąyili həɠə kɛ a ɓalo mɛ̨nį, ɛlɛɛ, ɉu lonnii diɛ tómą a kwəinɛ̨ɛ̨.

Mąątɛ̨nɛ̨ 149:5

Ɲee pɔnuą di mąną a mąąwiɛ pələ, 'di tómą a kwəinɛ̨ɛ̨ di laa haɠaɠaa mɛ̨i.

Mąątɛ̨nɛ̨ 47:1

Nwələ ɲɛ̨itɔwɔmun, Kore lonnii di wɔ wələ.

Mąątɛ̨nɛ̨ 68:3

Bələi lɔ nwɔ̨n nulu a lɔ la sɔɛɛ, bələ lɔ ɓə yá di lɔ la sɔɛɛ, bələi lɔ kwɛ̨igban a həɠəən na, nwɔ̨n ɉu, bələ lɔ ɓə, nuąi di hva kulɔ di woo ɓa, di nwun na a pili la ɲɛ̨itɔwɔ.

Mąątɛ̨nɛ̨ 70:4

Nuąi da kɛ yɛlɛ kulɔ ɉu kɛi, di pənə də li a nwumɛ̨ kɛnɛ̨.

Mąątɛ̨nɛ̨ 93:1

Yai-Laa ɓə a Heeɓomun, mąąɲįnɛ̨n mə a mąąhəɠə! Yai-Laa aa mąąyili, aa ɉuyili a huwalawalalaa. A tɛ̨ą lɔi tɔɔi kpɔ tin tumun və mą.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Azaya 65:14

Nwɔ́ tínuąi kaa pai kɛi tómąi a kwəinɛ̨ɛ̨, mąąhɔlɔɓo, di kaa di nɛ̨ɛ̨ hu kɛnɛ̨, Ka wɛi, kaa tómą a wɔlɔ woo, ka lii kələn bələ ɓa ka kwəi a mɔ̨nɔ̨, a tɛ̨ą, ka lii kaa pai yalii ka kwəi, kaa gboo təli!

Sofoni 3:14

Siɔn hɛlakpɛla, 'tómą a kwəinɛ̨ɛ̨! Israɛlə, 'huluun a kwəinɛ̨ɛ̨, Ɉerusalɛmə nɛ̨ɛ̨gbɛla, 'kwəinɛ̨ɛ̨ kulɔ a ə́ lii kəlee.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

M̀ɛni-lɛɛi 19:8

daa mąą laa tɛɛ bɔ, ə gɛ, ə mąąyili a həɠə kwɛlɛɛ lɛlɛɛ, yɛ lən, hɛn da pɔɔ hvo ɉu, mąąhɔlɔɓo, ɉəɠə kwɛlɛɛ tii, tələnmo nuą, da nu mąąhəɠɛɛɠaa di kɛ-mɛ̨nį lɛlɛɛɠaa tii li.»

Nwun mąąɓo 5:31

«Yai-Laa, pələ ɓə ə́ yowoɠaa kəlee nwun na a pili la, Kɛlaa, ə́ wɛlikɛmąą nuą, da lən yɛ hvóló a tɛ nwun ma.» Bələ ɓə Israɛlə lonnii di líilaa hɔlɔɓo la, kwɛlan bow nąąn ɲee mu.