Mąątɛ̨nɛ̨ 130:7 - Yálá laawoo hɛɓɛ (dc)

⁷ Israɛlə! 'Ə́ kilitɔɔ Yai-Laa ɓa, mąąhɔlɔɓo, mɛ̨inɛ̨ɛ̨ kaa ɲee pɔ, nwun mąąɓo ə ɓo ɲəi a ɉukɛnɛ̨ɛ̨.

Yálá laawoo hɛɓɛ

⁷ Israɛlə! 'Ə́ kilitɔɔ Yai-Laa ɓa, mąąhɔlɔɓo, mɛ̨inɛ̨ɛ̨ kaa ɲee pɔ, nwun mąąɓo ə ɓo ɲəi a ɉukɛnɛ̨ɛ̨.

Bible

⁷ Óo Eezuɛ, íkili tɔ́ɔ Yâwɛɛ ma, kpɛ́ni fêi, ŋɔwɔ́lɔ-wɔlɔ wɛli-kɛ-maai káa nɔ́ naa, ǹyaŋ, gbîŋ kpɛtɛ̂ɛi a gɛɛ é núu ŋuŋ maa ƃó.

Mąątɛ̨nɛ̨ 130:7 ပူးပေါင်းရင်းမြစ်များ

Mąątɛ̨nɛ̨ 130:4

Kɛlaa, mąąhvaalɛɛ woo kaa ə́ la, ɛlɛɛ, nu yɛ ɲɔ̨w la yɛ́.

Mąątɛ̨nɛ̨ 131:1

Ɲee mąąhəɠɛɛ tɛ wələ. Davidə nwɔ wələ. Yai-Laa! Kpɔwɔ ɲąąkɛnɛ̨ kili hvo gwə́i, Vá ɲɛ̨́i kulɔ mɛ̨nįi gɛnɛ̨ɛ̨ dɛɛ mą́ą́, bɔ. Vá hvilɛn mɛ̨nį kpɛa-kpɛaɠaa pulu, a mɛ̨nį kpɛa-kpɛaɠaa tii di tɛɛ mą́ą́i.

Mąątɛ̨nɛ̨ 131:3

Israɛlə! Ə́ kilitɔɔ Yai-Laa ɓa, ə həɠə yiihu ɓa, ə lɛɛ ɉu ɲɛ̨n deei hvo mą.

Mąątɛ̨nɛ̨ 40:3

Aa gúlɔ ɓoloon ɲɔ̨nwɔ̨ɔ̨ hu, da palayá kpon ɉu kwɛaa hu; ə ɉáŋą ə dɔ́ɔ́, ə gɔ́wɔ́ hvilɛn kwɛni mɛ̨i, ə gɔ́wɔ́ɠaa hukɔlɔ mú.

Mąątɛ̨nɛ̨ 71:5

Yɛ́ ɓə gílitɔɔ yɛ́, Yai-Laa Nąmu Yálá, ə həɠə múhəɠə yələ ɓa, yɛ́ ɓə ya nwéli pulu lɛɛ a naɠiɛ.

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Sofoni 3:12

Gáá pai ɲéé kanąn ɉii nu huwu logolo tiikpə ɓa, ə́ wɔ lɔi hu. A nuąi di kaa a yeehvowolo nuą, di ɓɛlɛɛ, Yai-Laa laa hu ɓə di kaa pai kɛi di mąą kilɛi laa.

Lukə 14:22

«Nąą ta wolo əgɛ lɔ, góló kɛmun ə pənə ə pa, yɛ nąmu ɓa: ‹Mɛ̨nįi ə́ mo, ŋą́ą́ gɛ, kɛlaa, heei aa nwɔ̨nɔ̨ lɛɛ.›

Lomaŋ 8:24

Mąąhɔlɔɓo, gu nwun mąąɓoɔi, kɛlaa, kilitɔɔ mąą woo lɔ li. Mɛ̨nįi nu kilitɔɔ mą, yá kɛli kɛa gaa, kilitɔɔmąą hvə li. Mɛ̨nįi nu ɲɛ̨i a gaai, yá ə́ kilitɔɔ kɛa mą ləi?

Hebreu 10:35

Ka hvo lɛ̨ą ka wɔ kilitɔɔmąą laa ɓa, hvɛla kulɔ kɛnɛ̨ɛ̨ kaa ɉu.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą