Mąątɛ̨nɛ̨ 130:2 - Yálá laawoo hɛɓɛ (dc)

² Yai-Laa! Ə́ wəli tɔɔ nwóó ɓa; Ə́ wəli tɔɔ kpɔ a nɛlɛɛ, nwɔ́ nɛ̨ɛ̨mąą hvə wooi ɓa!

Yálá laawoo hɛɓɛ

² Yai-Laa! Ə́ wəli tɔɔ nwóó ɓa; Ə́ wəli tɔɔ kpɔ a nɛlɛɛ, nwɔ́ nɛ̨ɛ̨mąą hvə wooi ɓa!

Bible

² Óo Ǹuu-namui, íwoli tɔ̂ɔ ŋ́oo ma. Íwoli tɔ́ɔ ŋákpera fêi wooi ma.

Mąątɛ̨nɛ̨ 130:2 ပူးပေါင်းရင်းမြစ်များ

Kɔlɔnikɔ Veerɛi 6:40

A kɛ tii kan, Ną́mu Yálá, 'Ə́ ɲɛ̨i hee, 'Ə́ wəli tɔɔ vɛli wooi ɲɛ̨i tɔɔi gɛɛnąąi ɲɛ̨i ɓa mą!

Nehemi 1:11

Ee Yai-Laa! Ə́ wəli tɔɔ ə́ wɔ tímun nwɔ hvɛli ɓo woo ɓa, ə́ wɔ tínuą di di wɔ hvɛli ɓo woo ɓa, diɛi da ɲɔw ə́ laa ɓa, hvaa mą, ɉulɔnui ŋɛ̨i ə ɲɛ̨i lɛlɛɛ hee ə́ wɔ tímun ma.» Nąąlɔwai, ɲą́ą́ ɓə kɛ a tɔɔmun nwɔ lɔɔi pɛlimun.

Nehemi 1:6

Ə́ wəli tɔɔ kpɔ kani, ɛlɛɛ, ə́ ə́ ɲəi hee, yɛ tímun nwɔ mąąwɛli wooi mɛ̨n. Volóɠaa ŋɛ̨i yee mu, gáá moi yɛ́ hvóló da kpinį, yɛ́ tínuą Israɛlə lonnii mąą mɛ̨nį ɓa, ŋą́ą́ hvaa di kɛ nɛ̨ŋɛ̨n mąą mɛ̨nį ɓa, yaai ku ɉəɠə yɛ́; ɲą́ą́ kwa gala mɔlɔni kwaa nɛ̨ŋɛ̨n ɉəɠə yɛ́.

Mąątɛ̨nɛ̨ 140:6

Kpɔwɔ ɲąąkɛ̨nɛ̨ nuą daa hɛlɛn dɛ dɔ́wɔ, daa diŋɛ̨n ɉee dɔ́wɔ, daa ɓaləɠaa tɛ dɛ́ɛ́ pələ hu.

Mąątɛ̨nɛ̨ 17:1

Davidə nwɔ Yálá hvɛli woo. Yai-Laa! Ə́ wəli tɔɔ, gáá wɔlɔi yɛ́; mɛ̨nįi gáá ɉuhvɛli yɛ́, ə́ wəli tɔɔ mą, ə́ wəli laa ɓo nwɔ́ hvɛli woo tɔwɔ; lɛɛ woo hvo ná.

Mąątɛ̨nɛ̨ 28:2

Ə́ mąąnɛ̨ɛ̨i gáá moi, ə́ wəli tɔɔ nwóó ɓa, ɓɛlɔwai gáá tomąi la ə́ pɔ pələ, gɛ́ ɲéé tɛ ə́ pɔ pələ, ɓɛi ə́ kaa laa ə́ wɔ pɛlɛ́ mąąhəɠɛɛi mui.

Mąątɛ̨nɛ̨ 5:3

Ə́ təlii gáá moi, ə́ wəli tinɛ̨n bɔ́ pələ, nwɔ́ tɔɔmun, nwɔ́ Yálá! Yɛ́ ɓə gáá ə́ təlii.

Mąątɛ̨nɛ̨ 64:1

Nwələ ɲɛ̨itɔwɔmun. Davidə nwɔ wələ.

Azaya 37:17

Yai-Laa! 'Ə́ wəli tɔɔ, ə́ nwóó mąn! 'Ə́ ɲɛ̨́i laaɓo, Yai-Laa, Senakeribə kaa, mɛ̨nįɠaai gaa moi ə́ di mąn, yai aa nuą tɔɔ diɛ Yálái hvulúmąą lalan.