Mąątɛ̨nɛ̨ 13:2 - Yálá laawoo hɛɓɛ (dc)

² Ee Yai-Laa! Ə́ kaa pai lɛ̨ąi mą́ą́, ə lɛɛ ɉu mįnɛ̨ lɔwai ə ɉələ? Ə́ kaa pai lɛɛi ə́ ɲɛ̨́lai looi mą́ą́, ə lɛɛ ɉu mįnɛ̨ lɔwai ə ɉələ?

Yálá laawoo hɛɓɛ

² Ee Yai-Laa! Ə́ kaa pai lɛ̨ąi mą́ą́, ə lɛɛ ɉu mįnɛ̨ lɔwai ə ɉələ? Ə́ kaa pai lɛɛi ə́ ɲɛ̨́lai looi mą́ą́, ə lɛɛ ɉu mįnɛ̨ lɔwai ə ɉələ?

Bible

² Ŋa pâi ńii kpelêi mɛni-soli su tãi ɣɛɛlu yée mu? Tãi ɣɛɛlu ƃé ŋa pâi kɛ̂i la lii-too pôlu su a kpíni da foloi? Tãi ɣɛɛlu ƃé ya pâi ǹɛɛ̂i naa ŋ́gbɔara-ƃelai yée é tɛ́ɛ ḿâi?

Mąątɛ̨nɛ̨ 13:2 ပူးပေါင်းရင်းမြစ်များ

Nehemi 2:2

Nąąlɔwai, tɔɔmun yɛ mą́ą́: «Lə ɓə kɛ, yai ə́ ɲįnąą yiliɛi? Ɲɔ̨n mə yɛ́? Ə́ lii ŋą ɓə yaa nwąną?» Nąąlɔwai, ŋį́ ɲɔw kpɔ kɛnɛ̨.

Zôo 10:15

A nɛ̨ɛ̨ mą́ą́ ŋį́ ɉɔ́n gɛ, yili nwɛi gbɔ́ɔ́ mɛ̨nį li. Hɔn ə mą wala kɛ mą́ą́, va nwún muhəɠə, ŋą́ą́ pilɛ nwumɛ̨ hu, laanɔ̨nwɔ̨ aa gɛ́lɛ yɛ lɔɔ.

Mąątɛ̨nɛ̨ 10:18

Yɛ́ təlilon nwɔ tɛ̨ą ɓo, da nui daa hee mɛ̨i, ɛlɛɛ, nui daa mɛlɛ kpɛɛmą; hva kɛa hvaa mą, nu kan hvo mɛlan mąąɲɔw!

Mąątɛ̨nɛ̨ 116:3

Ɲílɛɛi kɛ a haa nwɔ yɛliɠaa, ɲąmuątaa nwɔ kpɔ̨nɔ̨ɠaai daa kɛ ɉón, liihɛlɛn, liikələn gwəi, daa kɛ hee mą́ą́.

Mąątɛ̨nɛ̨ 17:9

Mą́ą́ kwɛa nwąnąlɔ nuą diɛ, a diɛi kɛi too mɛ̨́i; da nuąi daa mą́ą́tinɛ̨n, yowolaa kɛnɛ̨ ə ɓo di kwəi.

Mąątɛ̨nɛ̨ 31:18

Yai-Laa, ə́ təlii gáá moi, və́ nwumɛ̨ ɉu, Kɛlaa, nwumɛ̨ ə lɛɛ a nuąi di hva ə́ mąąwiɛ di wɔɔ; di laa pɛlɛ mą, diɛ yɛɛ ɲąmuątaa pələ.

Mąątɛ̨nɛ̨ 38:17

Ŋą́ kɛ yɛ́: «Nuąi di líiɓa ɓaa dóó mɛ̨nį, 'hvó gɛ́, a di wɔ yɛlɛkulɔɉu hɛn, ɓɛlɔwai ŋą́ gɔ́wɔ́ tuwɔ la.»

Mąątɛ̨nɛ̨ 42:4

Kpinį da hvóló, gáá lɔ ɲɛ̨́iyá hu, gɔ̨nɔ̨n nɔ li, a yələ kəlee; da kɛ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 6:4

Ɉú kaa kpɛlin ɉi, Kɛlaa, Yai-Laa, yɛ́ ə lɛɛ ɉu, mįnɛ̨ lɔwai ə ɉəli la?

Mąątɛ̨nɛ̨ 7:2

Yai-Laa, nwɔ́ Yálá, yɛ́ ɓə ŋą́ mą́ą́kilɛ ə́ hvaŋąn mu, nuąi kpɔ di hvilɛnŋąą búlu a kɔ́, 'málo, 'gulɔ di yəi!

Mąątɛ̨nɛ̨ 74:10

Ee kə Yálá, ə́ yowo kaa pai lɛɛi ə́ ɓɛlɛ tooi, ə lɛɛ ɉu mįnɛ̨ lɔwai ə həli? Ə́ yowo kaa pai lɛɛi naa pui ə́ laa hu ə lɛɛ ɉu lə yələ ə həli?

Mąątɛ̨nɛ̨ 74:18

Yai-Laa, mąąnɛ̨ɛ̨ ə́ kili ə pu ɉu yɛ́ diɛ, ə́ yowo kaa ə́ ɓɛlɛ too woo ɓoi; nwun gbɛɛ ɉu nu huwu aa ɓɛlɛkpɛɛ ə́ laa ɓa.

Mąątɛ̨nɛ̨ 8:2

Yai-Laa, ku Nąmu, ee kə́! Ə́ laa mąąwia ɓə yɛnɛ̨ɛ̨ nąąkəlee, ə́ wɔ mąąwiɛ kɛ̨nɛ̨i, yɛ́ lan yələkɔlɔn mɛ̨i.

Mąątɛ̨nɛ̨ 9:6

Yáá hį́i lɔiɠaa hutɔɔ, yɛ́ ə́ yowo nwun na pili, yáá di laa hu pu a yələ kəlee mɛ̨nį.

Hanwon 15:13

Nu kwəinɛ̨ɛ̨ ɲɛ̨ilai kaa a wɛlikɛmąą ɲɛ̨ilai, Kɛlaa, nui a kɛ lii kələngwəi hu, ɲɛ̨i mąą a luwu.

Ikilisiati 5:17

Yii lɔ kɛa ŋą́ gaa a ŋąąkpɛɛi, ya ka: Yii viɛlaɓoɔi nu lonnii mąą mɛ̨nį ɓa, ya ɓaa: Nu nwɔ kɛ yɛnɛ̨ɛ̨ hu, ə naa mįi, ə gbələ, ə gɛ kóló ɲąąnɛ̨ɛ̨ kulɔ ɲɛnɛ̨ɛ̨ ŋɛ̨i Yálá ə dɛɛ bɔ ɉu; yili lɔ ɓə gaa a nu nwɔɔ nąą.

Ɉeremi 15:18

Lə ɓə kɛ yai, nwɔ́ mɔ̨nɔ̨i kpɛɛ hvə kɛ li mą-o? Mą́ą́ pala hali hva kɛ? A tɛ̨ą, yáá kɛ mą́ą́ a nu ɓowo yá nwun gulɔi, nu hva pɛli gilitɔɔi ɲai tii ɓa.

Ɉeremi 45:3

Máá aa wɛli, mɔ̨nɔ̨ɠaa daa laa mą́ą́, Yai-Laa kaa da laai mɛ̨i! Vį́į́ aa kpɛɛ, ŋą́ą́ wɔlɔ, ŋą́ą́ ɲiŋɛ; və́ hvįįtɔɔ hɔlɔɓoi.»

Ɉeremi 8:18

Gáá mɔ̨nɔ̨ hu, yii naai hvo mą, ɉú aa haa,

Woolaa 1:5

Mɔ̨nɔ̨ ɓo nuą yee aa tɛɛ mą, ɲowoɠaa kwəi aa nɛ̨ɛ̨. Yai-Laa aa mɔ̨nɔ̨ laa mɛ̨i, nwɔ túwɔ́ pələ ɲɔ̨n damąą mąą mɛ̨ni ɓa. Ɲowoɠaa daa li a nonnii kəlee luwɔlaa hu.

Woolaa 1:9

Nwɔ mąąliɓii hɛlɛnŋąą mąą həɠə won mą. Gili hvo kɛ mą, yɛ kɛ ɲąą kaa pai kɛ kpɛɛi ŋɛ̨i. Aa too kpɔ, muhəɠə mun və mą, «Yai-Laa! Ə́ ɲɛ̨i hee mą́ą́ tai! Ɲówó yee aa tɛɛ mą́ą́!»

Woolaa 5:20

Lə mɛ̨ni ɓa ku kili a kpɛɛ ə́ ɲą kpɔ tii a ɉukwɛaa-o! Ɛlɛɛ, yɛ́ lənə la kuɔ a yələ kəlee?

Maafîu 26:38

Ə mo galan nɛa diɛ, yɛ diɛ: «Níí kələn ŋąą kpɔ gwəi yɛ kɛ ə́ báá; 'kaa lɛɛ ɓɛ, 'ka hvo yii.»

Lukə 22:53

Ɓɛlɔwai ŋį́ kɛ la ka lɔwai a yələ kəlee, Yálá hee pɛlɛ́ mu, ka hvo kɛi tunwon mą́ą́. Kɛlaa, ka wɛi nąą lɔwai aa həli, ka kpinį nwɔ yeetɛɛmąą laa.

Ɉaan 16:6

Nwoo ŋɛ̨i ŋį́ mo kaa, aa ka liihɛlɛn.

Lomaŋ 9:2

Níi kələn ŋąąi gwə́i, ɛlɛɛ, níí holuɛ lɔ a yələ kəlee.

Filipə 2:27

A tɛ̨ą ə ɲɔ̨n gɛ kpɔ tii, ɉaai ə lɛɛ tiikpə, kɛlaa, Yálá ə ɲɛ̨imąąwɛli kaa, yaa tɔ̨nɔ̨ lɔ hvəə, ku nu hveelɛi ɓə ə ku ɲɛ̨imąąwɛli kaa, ə gɛ, nwɔ́ liihɛlɛn da hvo pa pɛlɛ mą.

Samuɛlə dɔlɔɔ 18:29

Ɲɔwii Saulə ə kɛi mo Davidə ɓa, da ə pɛlɛ nwɔ̨nɔ̨ mą. Saulə ə gɛ kpɔ kɛa a yowolaa kpɔ kpɔɔ.

Samuɛlə dɔlɔɔ 24:19

Yáá ə́ wɔ mɛ̨nį lɛlɛ pələ lɛ, a dúwɔ́ taaləi ŋɛ̨i yáá mo a ɲą́ą́i haakələi. Yai-Laa aa kɛ nɔ́ ə́ yee ŋą, kɛlaa, hvo báá li.