Mąątɛ̨nɛ̨ 129:5 - Yálá laawoo hɛɓɛ (dc)

⁵ Nwumɛ̨ ə gəlee ɲɛ̨i paa! Nuąi kpɔ da wɛlikpɛɛmąąlaa kulɔ a Siɔn, di li a di pulu pələ.

Yálá laawoo hɛɓɛ

⁵ Nwumɛ̨ ə gəlee ɲɛ̨i paa! Nuąi kpɔ da wɛlikpɛɛmąąlaa kulɔ a Siɔn, di li a di pulu pələ.

Bible

⁵ Tɔ́ɔ diai dítɔɔ̂i Zãiyɔŋ mai, dí díyee mɛi ɣále, dílene pôlu a ŋumɛ-pere.

Mąątɛ̨nɛ̨ 129:5 ပူးပေါင်းရင်းမြစ်များ

Nehemi 6:16

Bələ mɛ̨n ku yowoɠaa kəlee di mo, nɔiɠaai kpɔ kɛ ku kwɛlɛ, gəlee di ɲɔw, ɛlɛɛ, di nwunmɛ̨ di kpɔɔ yəi. Di gbaɠala kaa, diɛ kɛ golói tii ə kɛ, mąąhɔlɔɓo, ku wɔ Yálái ɓə kɛ bɔ́.

Mąątɛ̨nɛ̨ 122:6

'Ka liilaa huhvɛli Ɉerusalɛmə mąą mɛ̨nį ɓa; əgɛ, Ə́ wɛlikɛmąą nuą diɛ pɛli yɛnɛ̨ɛ̨ kɛi a di wəli pulu laɠiɛ.

Mąątɛ̨nɛ̨ 40:15

Nuąi kpɔ di hvilɛn ŋąą búlu, diɛi diɛ di vɛ́ɠɛ nwɔ́ yɛnɛ̨ɛ̨ hu, di ɲɛ̨i ə paa a nwumɛ̨. A nuąi kpɔ dóó mɛ̨nį kaa a di liiɓa!

Mąątɛ̨nɛ̨ 71:13

Nuąi kɔ́ pɛlɛi nwɔ́ yɛnɛ̨ɛ̨ ɓa, di nwun na ə pili a nwumɛ̨; nuąi di kaa bɔ mą́ą́ ə wɛli, ɓáá ə kulɔ diɛ, ɲɛ̨ipaa ə lɛɛ a di wɔɔ.

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Azaya 29:8

Gaa pai kɛi lɔ yɛ pulu ną́mu a kɛi kɔ̨nɔ̨n mįi hį́i bələ, yili pulu a ɲįnąąɓo, goolon ə ɓo a voɠolo, a wala kɛti ə ɓo yɛ nui gwaną kpalaa, a hį́i ɓo, yɛ ya kpələ, yili pulu a ɲįnąąɓo, kpələ wɛli aa vii kpɛɛ, Bələ ɓə nuąi ŋɛ̨i damąą kɛ pələ kaa pai kɛi la, diɛi kɛi kɔ́ pɛlɛ Siɔn yee ɓa.

Azaya 37:22

Mɛ̨nįi Yai-Laa kaa moi, yɛ hvilɛn Senakeribə ɓa ya ka: «Siɔn nɛ̨ɛ̨gbɛla aa tɛɠɛɓo ə́ hu, yɛ yɛlɛ yɛ́, Siɔn nɛ̨ɛ̨gbɛla, mąąɲąŋąą, Ɉerusalɛmə nɛ̨ɛ̨gbɛla, kaa gɔn gbɛlaan ɉi a yɛ́, ə́ pulu pələ.

Azaya 37:35

Gáá pai daa ŋɛ̨́i mąąkɔ̨nwɔ̨i, ŋį́ nwun mąąɓo, ɲą́ą́ mą́ą́ mɛ̨nį ɓa, kwa nwɔ tímun Davidə.»

Mise 4:11

Kɛlaa yiihu, lɔi tamąą daa di muhəɠə yɛ́ a kɔ́, di kaa kɛi diɛ: «Siɔn ɓɛlɛ ə too, ə too kpɔ, ku ɲɛ̨i kɔ́w ə nąą kaa!»

Zakari 12:3

A tɛ̨ą, mąą yələ, ŋą́ Ɉerusalɛmə tɔɔ lɔi kəlee lííla, yɛ kwɛni kpuwulu, di hva pɛli muhəɠəi. Nui lɔpee pai kɛi bɔ ə mukpəŋə a ɲee kɔ́lɔɓo. Yili mąą mɛ̨nį ɓa, yɛnɛ̨ɛ̨ lɔiɠaa kəlee kaa pai kɔ́ pɛlɛi mą.

Zakari 12:6

Mąą yələi tii, ŋą́ Ɉuda ɲąąwooɓo nuą kɛ yɛ, da nwɔ̨n gɛnɛ̨ hee kpaɠa hu. Yɛ da kpalan dɔɔ, di nɔ dɛ̨ɛ̨ hu. Di kaa pai lɔiɠaa hukalai, di ɓa-mįi-yee hu pələ, da kɔ́ɓɛyee hu pələ, di kwɛlɛ kəlee ɓa. Kɛlaa, Ɉerusalɛmə a lɛɛ tɔɔni dɔɔi.

Korɛntə dɔlɔɔ 16:22

Nui gu Ną́mu wɛli hvo mą, mąą nu nɛ̨ŋɛ̨n naa ɓə. Maranata! (Mukulaa ɓaa: Ną́mu, pa!)