Mąątɛ̨nɛ̨ 126:3 - Yálá laawoo hɛɓɛ (dc)

³ A tɛ̨ą, Yai-Laa aa mɛ̨nį ɲɛ̨i kɛnɛ̨ɛ̨ kɛ ku mąą mɛ̨nį hu, ku kɛ lɔ kwəinɛ̨ɛ̨ hu.

Yálá laawoo hɛɓɛ

³ A tɛ̨ą, Yai-Laa aa mɛ̨nį ɲɛ̨i kɛnɛ̨ɛ̨ kɛ ku mąą mɛ̨nį hu, ku kɛ lɔ kwəinɛ̨ɛ̨ hu.

Bible

³ Tɔ̃yâ kpîŋ ma, è mɛni kpaya-kpaya lɛ́lɛɛ kɛ̀ kûɛ. Ǹyaŋ kúlii lâai dí mɛni ma.

Mąątɛ̨nɛ̨ 126:3 ပူးပေါင်းရင်းမြစ်များ

Mąątɛ̨nɛ̨ 18:50

Yili mąą mɛ̨nį ɓa, Yai-laa! Ŋą́ Ə́ mąmąɓo yɛnɛ̨ɛ̨ hį́iɠaa kəlee lɔwai; gɛ́ ə́ laa too a wələ.

Mąątɛ̨nɛ̨ 31:19

Nɛɛ laaləiɠaai tii, di pɛlɛ mą diɛi tii da hvaa Tələnmolon ɉu, a tɛɠɛɓo ɉu, a ɲɛ̨i tɛ, a ɓɛlɛkpɛɛmąąlaa.

Mąątɛ̨nɛ̨ 68:22

Kɛlaa, Yálá a ɲowoɠaa nwun ganin nwolo, a nuąi kpɔ tii, di yee kaa lɔ mɛ̨nį ɲɔ̨n ɉui, di nwun gbilɛɛɠaai tii, nu paa nwunŋaai tii, a di wolo.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Azaya 66:14

Ka káá pai nąą kaai, ka lii yɛ nɛ̨ɛ̨ ka kwəinɛ̨ɛ̨, ka kɔ́wɠaa diɛ pu di ninɛ̨ kɔ́lɔi, yɛ kala tiliin. Yai-Laa kaa pai ɲee hvąŋą lɛi nwɔ tínuąi diɛ, Kɛlaa, gaa pai nii hvolii ɲowoɠaa pɔ.

Zooɛ 2:20

Ka yowo a həɠə ɲánwuɔ̨ pələ, ŋį́ mąą kwɛa kaa, gɛ́ bili lɔi kpoloon ɉu kpalaa hu. Di mąąkpɛɛ nuąi di tɔwɔ pələ, gɛ di pili voló həɠəi pələ gboloyá hu. Yiiɠaa di pulu pələ, gɛ di pili ɉɛɠɛi pələ gboloyá hu, di powa lulɔ kun yɛ tɛ a ɲɔ̨nwɔ̨ɔ̨, di kun yɛ ɲɔ̨n bɛlɛ nuą diɛ. Nuąi kpɔ ka di mɔ̨nɔ̨ ɓo tii, bələ ɓə da haa la.» A tɛ̨ą Yai-Laa aa mɛ̨nį ɲɛ̨i kɛnɛ̨ɠaa kɛ.

Zooɛ 2:21

Lɔi! Hvo ɲɔw! Kwɛinɛ̨ɛ̨ kulɔ ə́ pili yələi a kwəinɛ̨ɛ̨. Mąąhɔlɔɓo, Yai-Laa aa mɛ̨nį kɛnɛ̨ kɛ.

Lukə 1:46

Mari ə mo kɛa yɛ mą: «Gáá Ną́mu Yálá nwɔ kɛnɛ̨ laa mąątɛ̨nɛ̨i kpɔ kɛnɛ̨.»

Lukə 1:49

Mąąhɔlɔɓo, Huwalawala Kəlee Ną́mu Yálá aa hvaa mą, aa mɛ̨inɛ̨ɛ̨ kɛnɛ̨ kɛ mą́ą́; Naa ɓaa a: Yálá hvulú.

M̀ɛni-lɛɛi 12:10

Yili pulu, ŋį́ woo kɛnɛ̨ ta mɛ̨n yələ kwəi, yɛ kɛ mą: «Nu ɓalo yələ ka, gu wɔɔ Yálái ŋą tɔɔlaa yələ ka, da ŋą yəi kɛnɛ̨laa, ɛlɛɛ, Kristə ŋą Hééɓolaa yələ ka; mąąhɔlɔɓo, nui kɛ a gu nąn nonnii kálámąɓomun, daa bili, a yai kɛli di kálámąɓo Yálá ɓa a kpinį da hvóló.