Mąątɛ̨nɛ̨ 126:2 - Yálá laawoo hɛɓɛ (dc)

² Nąąlowai Ku kɛ lɔ yɛlɛ mɛ̨nį hu, kwəinɛ̨ɛ̨ wələ lɔ ɓə kɛ ku la; Lɔiɠaa di kɛi kɛ diɛ: «Aiyoo Yai-Laa aa mɛ̨nį lɛlɛɛ kɛ diɛ!»

Yálá laawoo hɛɓɛ

² Nąąlowai Ku kɛ lɔ yɛlɛ mɛ̨nį hu, kwəinɛ̨ɛ̨ wələ lɔ ɓə kɛ ku la; Lɔiɠaa di kɛi kɛ diɛ: «Aiyoo Yai-Laa aa mɛ̨nį lɛlɛɛ kɛ diɛ!»

Bible

² Kúkɛ̀ ɣɛlɛ̂i, kúkɛ wule tóo a koi-nɛ̃ɛ pere. Nya ƃe ǹɔii-ŋuŋ da kpɛ́ni-ŋai dí mò dîyɛɛi, “Yâwɛɛ aâ mɛni kpaya-kpaya lɛ́lɛɛ kɛ́ dîɛ.”

Mąątɛ̨nɛ̨ 126:2 ပူးပေါင်းရင်းမြစ်များ

Ɛsdrasə 3:11

Di kɛi nwələ too, diɛ di kee woo mu hon, diɛ kɛ mą: mąąwiɛ da kɛnɛ̨ laa kaa Yai-Laa ɓa; Mąąhɔlɔɓo, nwɔ mɛ̨inɛ̨ɛ̨, da nwɔ lii nɛɛ gwəi laa kpon ɉu kwɛaai Israɛlə ɓa. Di kɛi yili ɓo tii, mąąhɔlɔɓo, di kɛi Yai-Laa hee pɛlɛ́ tɔɔ.

Nehemi 6:16

Bələ mɛ̨n ku yowoɠaa kəlee di mo, nɔiɠaai kpɔ kɛ ku kwɛlɛ, gəlee di ɲɔw, ɛlɛɛ, di nwunmɛ̨ di kpɔɔ yəi. Di gbaɠala kaa, diɛ kɛ golói tii ə kɛ, mąąhɔlɔɓo, ku wɔ Yálái ɓə kɛ bɔ́.

Zôo 8:21

Gaa pai ə́ laahvɛɛi a yɛlɛ, yɛ́ ə́ laa ɓo a kwəinɛ̨ɛ̨ woo.

Mąątɛ̨nɛ̨ 14:7

Gbɛɛ ɓə a lɛɛ Siɔn yɛ gɔ́ nɛ̨ɛ̨ Israɛlə ɓa? Ɓɛlɔwai Yai-Laa a pənə, yɛ pa laa a nwɔ nuąi kɛ nuwɔlaa hu, Ɉakɔbə ɲɛ̨i a kɛ ɲąŋąi, Israɛlə yɛ pili yələi a kwənɛ̨ɛ̨!

Mąątɛ̨nɛ̨ 51:14

'Málo mɛ̨nį ŋą kwəinɛ̨ɛ̨ too ɉú. 'Lii kpələ kili tɛɛ bɔ́.

Mąątɛ̨nɛ̨ 53:6

Diɛ ka ɓɛ, di mąą yɛ kpɛlin, ya pa, nu mąą kpɛlin mɛ̨nį hvo laa. Mąąhɔlɔɓo, nuąi kɔ́ pɛlɛi yɛ́, Yálá aa di kɔ́wɠaa hu taɠa-taɠa. Yá yɛlɛ kulɔ di hu kɛa, mąąhɔlɔɓo Yálá aa di pili.

Mąątɛ̨nɛ̨ 71:19

Ə́ wɔ tələnmolaa kɛnɛ̨ pələ hvo a yola, nwɔ́ Yálá! Yɛ́i ya mɛ̨nį ɲɛ̨ikɛnɛ̨ɠaa kɛ! Yálá, gbɛɛ kpɔɔ ɓə ka yaa ka pɛliɛ tii-yoo?

Azaya 35:10

Nuąi Yai-Laa ə di nwun mąąɓo, di kaa pənəi diɛ pa, di kaa pai kɛi lɔi Siɔn, diɛ tómą a kwəinɛ̨ɛ̨, diɛ yɛlɛ a kwəinɛ̨ɛ̨ huwu yii nu hva pɛli ɉukulɔi, nwun na nɛ̨ɛ̨ da kwəinɛ̨ɛ̨ di kaa pai di laa kwiɛn ɉii, liikələn gwəi da wɔlɔ woo diɛ pu a gilɛ.

Azaya 51:11

Nuąi Yai-Laa ə di nwun mąąɓo, di kaa pai pənəi di pa, di kaa pai lɔi Siɔn, nuą diɛ di yee lɔwa diɛ, diɛ kwəinɛ̨ɛ̨ kulɔ yii kpɛɛ hva kɛ mą, kwəinɛ̨ɛ̨ da mąną di hvilɛn ŋąą di pulu, a kɛ tii kɛa wɔlɔ da ɲin ŋą mįi daa li.

Ɉeremi 31:7

Mɛ̨nįi Yai-Laa kaa moi, ya ka, yɛ diɛ: «'Ká ka yee lɔwa Ɉakɔbə ɓa a kwəinɛ̨ɛ̨, ka lɔiɠaa ɲąąwooɓomun laakwiɛn a ɲɛ̨i kɛnɛ̨, ka tomą ka kwəinɛ̨ɛ̨ kulɔ, kaa diɛ: ‹Yai-Laa nwɔ nu kpəlii aa lɛɛ a Israɛlə, gaa di nwun mąąɓoi›.»

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Izikiɛ 36:36

Nɔiɠaai tii pai kɛi ka kwɛlɛ, da gili kɔ́lɔn gea, diɛ kɛ ɲą́ą́ ɓə gáá a Yai-Laa. Ɉɛn di nwolo, ɲą́ą́ ka tii pənə gɛ́ dɔɔ; ɉɛn di gala, gɛ́ pənə gɛ́ ɉin. Ɲą́ą́ Yai-Laa, ɲą́ą́ ɓə mo, ɛlɛɛ, gáá gɛi.

Lonon mo 23:23

Tɔlukpɛɛ hvo Ɉakɔbə pɔɔli. Ɲɛ̨ąkpɛ mɛ̨nį hvo Israɛlə pɔɔli. Mɛ̨nįi Yálá a gɛ, a ɓo Ɉakɔbə ɓa. A ɓo Israɛlə ɓa a guu.

Lomaŋ 11:15

Yaan, akɛ di mąą tɛi ŋɛ̨i di mo pulu, yili ɓə gɛ Yálá da yɛnɛ̨ɛ̨ nuą di yee yɛ lɔ gee hui, akɛ da pənə da di mąą lɛɠɛ Yálá ɓa, lə ɓə kɛa a kɛ? Yii a kɛ kɛa ya ɓaa: Nuąi kɛ mąąnɛ̨ɛ̨ di haa, da yɛnɛ̨ɛ̨ hɔlɔɓo.