Mąątɛ̨nɛ̨ 124:1 - Yálá laawoo hɛɓɛ (dc)

¹ Davidə nwɔ hiɛ kulɔ wələ Akɛ kɛ Yai-Laa hvo kɛ a dɔɔ ku pului, gbɛɛ ɓə li kɛ ku pulu. Israɛlə! Pənə ə́ mo kpɔ tii!

Yálá laawoo hɛɓɛ

¹ Davidə nwɔ hiɛ kulɔ wələ Akɛ kɛ Yai-Laa hvo kɛ a dɔɔ ku pului, gbɛɛ ɓə li kɛ ku pulu. Israɛlə! Pənə ə́ mo kpɔ tii!

Bible

¹ Eêi kɛ̀ Yâwɛɛ fé kú pôlu a tãi kúkpɔara ƃelai dí pɛ̀lɛ la kûai, óo Eezuɛ ye mó yɛ̂ɛ,

Mąątɛ̨nɛ̨ 124:1 ပူးပေါင်းရင်းမြစ်များ

Zɛnɛse 31:42

Akɛ kɛ ną́n nwɔ Yálá, Abrahamə nwɔ Yálá, yai Isaakə a ɲɔw mą, hvo kɛli kɛ bɔ́, ŋį́ li həɠə ə́ pɔɔli a ɲéé howolo. Kɛlaa, Yálá ə nwɔ́ mɔ̨nɔ̨, da nwɔ́ tɔɔ a nwąnąi laa kaa; ya ɓə gɛ, wɛ́i kpinįi, ə hvaa ə́ pɔ mą́ą́ mɛ̨nį ɓa.»

Mąątɛ̨nɛ̨ 120:1

Ɲee mąąhəɠɛɛ tɛ wələ. Gwə́i pilɛɛ kɛ mą́ą́, ŋį́ Yai-Laa təli, ə nwóó mu hon.

Mąątɛ̨nɛ̨ 121:1

Hiɛ mąąhəɠɛɛ kulɔ wələ. Ŋą́ nwún muhəɠə, ŋį́ ɲɛ̨́i hee ɲeeɠaa diɛ, mįnɛ̨ ɓə nwɔ́ kpɔnmąą a pɛli həɠəi laa?

Mąątɛ̨nɛ̨ 122:1

Ɲee mąąhəɠɛɛ tɛ wələ. Davidə nwɔ wələ. Da kɛ mą́ą́: «'Gwə li Yai-Laa yəi bɛlɛn!» Gwə́i a nɛ̨ɛ̨!

Mąątɛ̨nɛ̨ 123:1

Ɲee mąąhəɠɛɛ tɛ wələ. Ŋą́ą́ ɲɛ̨́i muhəɠə ə́ pɔ pələ, Yɛ́i heeni yələkɔlɔn ɉu;

Mąątɛ̨nɛ̨ 125:1

Ɲee mąąhəɠɛɛ tɛ wələ. Nuąi di kilitɔɔi Yai-Laa ɓa, di kaa yɛ Siɔn yee, yai hɛn da hva ɉəɠə dɔɔi, gaa lɔ laa a yələ kəlee.

Mąątɛ̨nɛ̨ 126:1

Ɲee mąąhəɠɛɛ tɛ wələ. Ɓɛlɔwai Yai-Laa ə kɛi pənə yɛ paa la, a Siɔn lonnii kɛ luwɔlaa hu, ə kɛ lɔ yɛ kwa kɛi hį́į kaa!

Mąątɛ̨nɛ̨ 127:1

Ɲee mąąhɛɠɛɛ tɛ wələ. Salomɔn nwɔ wələ. Pɛlɛ́i Yai-Laa laa hvo dɔɔ mɛ̨nį hu, dɔɔ nuą kaa kpɛli kɛlɛi. Yai-Laa a wala ɲɛ̨i kɛ taa ɓa, nuąi mąąkpɛi, di kaa yíikpəlin ɉəɠəi kpɛli-kpɛli.

Mąątɛ̨nɛ̨ 128:1

Ɲee mąąhəɠɛɛ tɛ wələ. Nuąi kpɔ da ɲɔ̨w Yai-Laa ɓa, diɛ hiɛ nwɔ pələi mɛ̨i, di nwun na nɛ̨ɛ̨i!

Mąątɛ̨nɛ̨ 129:1

Ɲee mąąhɛɠɛɛ tɛ wələ. Ə həɠə kpɔ múhəɠə yələ ɓa, daa wɔlɔ pɛlɛ mą́ą́ a hvaa; Israɛlə pənə ə́ 'mo kpɔ tii.

Mąątɛ̨nɛ̨ 130:1

Ɲee mąąhəɠɛɛ tɛ wələ. Yai-Laa! Gáá ə́ təlii mɔ̨nɔ̨ kɛnɛ̨ hu, 'Pá kilɛ mą́ą́!

Mąątɛ̨nɛ̨ 131:1

Ɲee mąąhəɠɛɛ tɛ wələ. Davidə nwɔ wələ. Yai-Laa! Kpɔwɔ ɲąąkɛnɛ̨ kili hvo gwə́i, Vá ɲɛ̨́i kulɔ mɛ̨nįi gɛnɛ̨ɛ̨ dɛɛ mą́ą́, bɔ. Vá hvilɛn mɛ̨nį kpɛa-kpɛaɠaa pulu, a mɛ̨nį kpɛa-kpɛaɠaa tii di tɛɛ mą́ą́i.

Mąątɛ̨nɛ̨ 132:1

Ɲee mąąhəɠɛɛ tɛ wələ. Yai-Laa! Davidə kili 'ə kɛ ə́ ɲą, Ə́ kiliŋąhiɛ nwɔ mɔ̨nɔ̨ɠaa kəlee diɛ.

Mąątɛ̨nɛ̨ 133:1

Ɲee mąąhəɠɛɛ tɛ wələ. Davidə nwɔ wələ. Akɛ nąn gaaɠaa da hvaa mą di di yee lɔ gii yəi! Di hee kɛɛnąą tɔ̨nɔ̨! Ée kə! Lə mɛ̨nį ɲąąnɛ̨ɛ̨ ɓəi! Lə kɛ nwun nąnɛ̨ɛ̨ ɓəi!

Mąątɛ̨nɛ̨ 134:1

Ɲee mąąhəɠɛɛ tɛ wələ. 'Ka Yai-Laa mąąwiɛ! Kaai a Yai-Laa nwɔ tínuą.

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Mąątɛ̨nɛ̨ 46:11

Yɛ kɛ diɛ: «'Ka gwɛlihɛnŋaa laa, 'ka gɔlɔn kaa diɛ ɲą́ą́ ɓə gaa a Yálá! Ŋą́ hį́iɠaa ɲąąwooɓo, gɛ́ lɔi ɲąąwooɓo.»

Mąątɛ̨nɛ̨ 46:7

Lɔiɠaa hu tin ə kɛi kulɔ, tɔɔlaaɠaa diɛ kɛ yɛɠɛ yɛɠɛ, Yálá ə woo tɛɛ, lɔi ə həɠeen.

Mąątɛ̨nɛ̨ 54:4

Ee kə Yálá! 'Ə́ wəli tɔɔ nwɔ́ hvɛli woo ɓa, 'ə́ wəli mąą laŋąn váá woo ɓa.

Mąątɛ̨nɛ̨ 56:10

Ɲówoɠaa kaa pai pui dɔ́wɔ, a ɲələi gáá pai ə́ təlii lai, gíli kaa tii ɉu gɛ́ diɛ Yálá tɔɔi búlu.

Mąątɛ̨nɛ̨ 56:9

Yáá nwɔ́ mɔ̨nɔ̨ɠaai kəlee lono, ə́ yee hiɛ ɲɛ̨́i, ə́ ɲɛ̨́iyá kələ kpɛli mąn; kɛlɛi yili kəlee pɛ̨ɛ̨ ə́ wɔ hɛɓɛ́i hu?

Mąątɛ̨nɛ̨ 94:17

Yai-Laa a wala kɛ mą́ą́kpɔn mąąɓo, ɲąmuątaa ɓəli kɛ a ɉéé pɛlɛ́.

Lɛɛ gbɔwɔ ɓa 15:1

Moisə da Israɛlə lonnii di nwələi ŋɛ̨i too Yai-Laa ɓa, diɛ kɛ mą: Gáá wələ tooi Yai-Laa ɓa, aa yeetɛɛmąą walawala kɛ, aa hoo da mɛ̨i nuą pili gboloyá hu.

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?