Mąątɛ̨nɛ̨ 123:1 - Yálá laawoo hɛɓɛ (dc)

¹ Ɲee mąąhəɠɛɛ tɛ wələ. Ŋą́ą́ ɲɛ̨́i muhəɠə ə́ pɔ pələ, Yɛ́i heeni yələkɔlɔn ɉu;

Yálá laawoo hɛɓɛ

¹ Ɲee mąąhəɠɛɛ tɛ wələ. Ŋą́ą́ ɲɛ̨́i muhəɠə ə́ pɔ pələ, Yɛ́i heeni yələkɔlɔn ɉu;

Bible

¹ Óo Yâwɛɛ, yá nɔ́ ƃé ŋ́ɛi káa yâ, yái íkaa íkâloŋ see-sɛŋ ŋá ŋ̀elei sui.

Mąątɛ̨nɛ̨ 123:1 ပူးပေါင်းရင်းမြစ်များ

Tɔɔɓɛlaa dɔlɔɔ 8:30

Nɛ̨ɛ̨mąą wooi ə́ wɔ tímun da Israɛlə nu huwu di kaa vəi, di ɲɛ̨i hiɛ gɛɛnąą ŋɛ̨i pələ, nɛ̨ɛ̨ yɛ́, ə́ wəli tɔɔ mą. Ɓɛi ə́ kaa laa yələkɔlɔn ɉu, ə́ ə́ wəli tɔɔ laa, ə́ ku mąąhvaalɛɛ.

Mąątɛ̨nɛ̨ 11:4

Yai-Laa kaa nwɔ tɔɔ pɛlɛ́ mąąhəɠɛɛi mu, Yai-Laa kaa nwɔ tɔɔ kpəlin hu, yələ kɔ́lɔnɉu, ɲɛ̨i həɛ yɛnɛ̨ɛ̨ ɓa. Ɲɛ̨i kwəleen yɛ nu kan nonnii túwɔ pələ hu kaa.

Mąątɛ̨nɛ̨ 115:3

Ku wɔ Yálái kaa yələ kɔ́lɔn ɉu, mɛ̨nįi lɔpee a nɛ̨ɛ̨ mą, a gɛ.

Mąątɛ̨nɛ̨ 120:1

Ɲee mąąhəɠɛɛ tɛ wələ. Gwə́i pilɛɛ kɛ mą́ą́, ŋį́ Yai-Laa təli, ə nwóó mu hon.

Mąątɛ̨nɛ̨ 121:1

Hiɛ mąąhəɠɛɛ kulɔ wələ. Ŋą́ nwún muhəɠə, ŋį́ ɲɛ̨́i hee ɲeeɠaa diɛ, mįnɛ̨ ɓə nwɔ́ kpɔnmąą a pɛli həɠəi laa?

Mąątɛ̨nɛ̨ 122:1

Ɲee mąąhəɠɛɛ tɛ wələ. Davidə nwɔ wələ. Da kɛ mą́ą́: «'Gwə li Yai-Laa yəi bɛlɛn!» Gwə́i a nɛ̨ɛ̨!

Mąątɛ̨nɛ̨ 124:1

Davidə nwɔ hiɛ kulɔ wələ Akɛ kɛ Yai-Laa hvo kɛ a dɔɔ ku pului, gbɛɛ ɓə li kɛ ku pulu. Israɛlə! Pənə ə́ mo kpɔ tii!

Mąątɛ̨nɛ̨ 125:1

Ɲee mąąhəɠɛɛ tɛ wələ. Nuąi di kilitɔɔi Yai-Laa ɓa, di kaa yɛ Siɔn yee, yai hɛn da hva ɉəɠə dɔɔi, gaa lɔ laa a yələ kəlee.

Mąątɛ̨nɛ̨ 126:1

Ɲee mąąhəɠɛɛ tɛ wələ. Ɓɛlɔwai Yai-Laa ə kɛi pənə yɛ paa la, a Siɔn lonnii kɛ luwɔlaa hu, ə kɛ lɔ yɛ kwa kɛi hį́į kaa!

Mąątɛ̨nɛ̨ 127:1

Ɲee mąąhɛɠɛɛ tɛ wələ. Salomɔn nwɔ wələ. Pɛlɛ́i Yai-Laa laa hvo dɔɔ mɛ̨nį hu, dɔɔ nuą kaa kpɛli kɛlɛi. Yai-Laa a wala ɲɛ̨i kɛ taa ɓa, nuąi mąąkpɛi, di kaa yíikpəlin ɉəɠəi kpɛli-kpɛli.

Mąątɛ̨nɛ̨ 128:1

Ɲee mąąhəɠɛɛ tɛ wələ. Nuąi kpɔ da ɲɔ̨w Yai-Laa ɓa, diɛ hiɛ nwɔ pələi mɛ̨i, di nwun na nɛ̨ɛ̨i!

Mąątɛ̨nɛ̨ 129:1

Ɲee mąąhɛɠɛɛ tɛ wələ. Ə həɠə kpɔ múhəɠə yələ ɓa, daa wɔlɔ pɛlɛ mą́ą́ a hvaa; Israɛlə pənə ə́ 'mo kpɔ tii.

Mąątɛ̨nɛ̨ 130:1

Ɲee mąąhəɠɛɛ tɛ wələ. Yai-Laa! Gáá ə́ təlii mɔ̨nɔ̨ kɛnɛ̨ hu, 'Pá kilɛ mą́ą́!

Mąątɛ̨nɛ̨ 131:1

Ɲee mąąhəɠɛɛ tɛ wələ. Davidə nwɔ wələ. Yai-Laa! Kpɔwɔ ɲąąkɛnɛ̨ kili hvo gwə́i, Vá ɲɛ̨́i kulɔ mɛ̨nįi gɛnɛ̨ɛ̨ dɛɛ mą́ą́, bɔ. Vá hvilɛn mɛ̨nį kpɛa-kpɛaɠaa pulu, a mɛ̨nį kpɛa-kpɛaɠaa tii di tɛɛ mą́ą́i.

Mąątɛ̨nɛ̨ 132:1

Ɲee mąąhəɠɛɛ tɛ wələ. Yai-Laa! Davidə kili 'ə kɛ ə́ ɲą, Ə́ kiliŋąhiɛ nwɔ mɔ̨nɔ̨ɠaa kəlee diɛ.

Mąątɛ̨nɛ̨ 133:1

Ɲee mąąhəɠɛɛ tɛ wələ. Davidə nwɔ wələ. Akɛ nąn gaaɠaa da hvaa mą di di yee lɔ gii yəi! Di hee kɛɛnąą tɔ̨nɔ̨! Ée kə! Lə mɛ̨nį ɲąąnɛ̨ɛ̨ ɓəi! Lə kɛ nwun nąnɛ̨ɛ̨ ɓəi!

Mąątɛ̨nɛ̨ 134:1

Ɲee mąąhəɠɛɛ tɛ wələ. 'Ka Yai-Laa mąąwiɛ! Kaai a Yai-Laa nwɔ tínuą.

Mąątɛ̨nɛ̨ 141:8

Ɲɛ̨́i həɛi lɔ yɛ́, Ną́mu Yálá, yɛ́ lɔ ɓə ŋą́ mą́ą́ kilɛ ə́ hvaŋąn mu, hvó nɛ̨́ɛ̨́ laa və́ haa.

Mąątɛ̨nɛ̨ 2:4

Nui hɛn gəlee nwun mɛ̨i yələ kɔ́lɔn ɉu, gaa yɛ́lɛ́i diɛ, Yai-Laa kaa yɛlɛ kulɔi di hu.

Mąątɛ̨nɛ̨ 25:15

Ɲɛ̨́i həɛi lɔ a yələ kəlee Yai-Laa pɔ pələ, mąąhɔlɔɓo, yaa lɔ ɓə gɔ́wɔ́ kulɔ hɛlɛn ɉu.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Maafîu 6:9

Bələi mąąnɛ̨ɛ̨ ka Yálá hvɛli la bələ ka, ka kɛ mą: «‹Ku Ną́n yɛ́i ə́ kaa yələkɔlɔn ɉu, Ə́ laa mąą ə həɠə.

Lukə 18:13

«Nįįhɔ̨nwɔ̨ kulɔ mun tii nwɛi, ə kɛ tɔɔni kwɛaa la, hvo kpɛli kɛ bɔ hvo ɲɛ̨i hee ɲələi. Kɛlaa, ə kɛi gəŋəi kɛlɛ, yɛ nwoo laa, yɛ kɛ diɛ: ‹Éé Yálá! Ɲɛ̨́i mąą wɛli kaa, gáá a nɛ̨ŋɛ̨n ɉəɠə mun.›»