Mąątɛ̨nɛ̨ 122:6 - Yálá laawoo hɛɓɛ (dc)

⁶ 'Ka liilaa huhvɛli Ɉerusalɛmə mąą mɛ̨nį ɓa; əgɛ, Ə́ wɛlikɛmąą nuą diɛ pɛli yɛnɛ̨ɛ̨ kɛi a di wəli pulu laɠiɛ.

Yálá laawoo hɛɓɛ

⁶ 'Ka liilaa huhvɛli Ɉerusalɛmə mąą mɛ̨nį ɓa; əgɛ, Ə́ wɛlikɛmąą nuą diɛ pɛli yɛnɛ̨ɛ̨ kɛi a di wəli pulu laɠiɛ.

Bible

⁶ Ɣâla fɛli a gɛɛ Ɣâla é lii-see kɛ́ Zerusâlɛŋ ƃelai dîa. “Tɔɔ diai íwɛli-nii dí ƃûu ƃò.

Mąątɛ̨nɛ̨ 122:6 ပူးပေါင်းရင်းမြစ်များ

Zɛnɛse 12:3

Nui a lúwɔ́ too yɛ́, ŋą́ lúwɔ́ too mą, nui a ə́ nɛ̨ŋɛ̨n nąą, ŋą́ mąą nu nɛ̨ŋɛ̨n nąą. Hį́i kəlee kaa pai lúwɔ́ hɔlɔɓoi ə́ haalai.»

Nehemi 11:1

Nɔi ɲąąwooɓo nuą di kɛ heeni Ɉerusalɛmə. Nɔi lonnii di gɔ́ a kpɛɛ, di nu tɔ̨nɔ̨ həɠə nu pow lɔwai, yili yɛ pa heei Ɉerusalɛmə daa mąąhəɠɛɛ hu, mɛ̨inąąn dakpɛliɠaai tii di lɛɛ daaɠaa hu.

Nehemi 11:2

Nuąi kpɔ di laa tɛɛ di kpɔɔ ɓa, diɛ pa heei Ɉerusalɛmə daai, nɔi lonnii di lúwɔ́ too diɛ.

Mąątɛ̨nɛ̨ 51:18

Hvó ɲə́i haláá hɛn bɔ, hvó pai ə́ yee heei nwɔ́ haláá hɛnŋaai ŋą́ gəlee kələn da mu.

Azaya 62:7

'Ka hvo həɠə bulu, yaa kpɛlimąn, hvo kɛli a Ɉerusalɛmə pu nįnɛ̨ kɔ́lɔi. Hvo kɛli ə dɔɔ a mąątɛnɛ̨ wələ lɔi mɛ̨i.»

Azaya 66:10

'Ka kwəinɛ̨ɛ̨ kulɔ, kaai kpɔ Ɉerusalɛmə wɛli kaa kaa, ka diɛni 'ka pili yələi a kwəinɛ̨ɛ̨. 'Ka kɛ kwəinɛ̨ɛ̨ hu, ka diɛni, 'ka ɓələn a kwənɛ̨ɛ̨, kaai kpɔ kɛli wɔlɔ mąą mɛ̨nį ɓa.

Ɉeremi 29:7

Daa tii ka tɛɛ ɉu, mąą liihɛlɛn ə too kaa, ka Yai-La hvɛli daa tii mąą mɛ̨nį ɓa. Daa tii a kɛ nɛ̨ɛ̨hu, kaa kpɛli ka kɛ laa ka nɛ̨ɛ̨hu.

Ɉeremi 51:50

Israɛlə, kaai kulɔ Babilonə nwɔ gɔ́ kɔ́ ɓɔwa yee ŋą, 'Ka bələ həɠə! 'Ka hvo tɔɔ! Yai-Laa kili ə too ka ŋą, nwɛ̨ą lɔi hu kwɛa ŋɛ̨i hu, 'ka ka kili lɛɛ Ɉerusalɛmə hu.

Lonon mo 24:9

Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»

Ɉaan 17:21

Ə gɛ, di kəlee di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨. Gwa diɛni gu kɛ ɉu tɔ̨nɔ̨, ə gɛ, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́.

Ifisiɛŋ 4:3

'Ká tɔɔ a ká nwąnąi, ka kɛ ɉu tanɔ̨n Kili-Mąąhəɠɛɛi gaa ká lɔwai, ká ká yee kanąn mą, yai, ɉɛ̨ą yili yɛli ɓaa a liilaa.

Tɛsalonikə veelɛ 3:16

Gu Ną́mui a liilaa nąmu, yaa kpinįilee, ə ká kɔ a liilaa, a yələ kəlee, a pələ huwui lɔpee. Gu Nąmu ə kɛ ká kəlee ká pɔ.

Zɔ̂ŋ Maa-ŋuŋ 3:14

Gu wɛi, gu kili kaa ɉu guɔ gwaa kulɔ haa hu, gwaa lɔ yɛnɛ̨ɛ̨ hu, hvó gaai, gwa gu nąn nonnii wɛlilakɛ. Nui wɛlikɛmąąlaa hvo ɉu gaa ni haa hu.

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.