Mąątɛ̨nɛ̨ 121:7 - Yálá laawoo hɛɓɛ (dc)

⁷ Yai-Laa a ɲɛ̨i kɛ yɛ́, mɛ̨nį ɲɔ̨n ɉuwu-huwu kəlee tɔwɔ, yɛ ə́ wɔ yɛnɛ̨ɛ̨ laa hɔnmo.

Yálá laawoo hɛɓɛ

⁷ Yai-Laa a ɲɛ̨i kɛ yɛ́, mɛ̨nį ɲɔ̨n ɉuwu-huwu kəlee tɔwɔ, yɛ ə́ wɔ yɛnɛ̨ɛ̨ laa hɔnmo.

Bible

⁷ Yâwɛɛ a pâi ímaa kɔ̃ɔ̂i é íkula mɛni kpɔ̂lu sii kélee su. A pâi íŋuŋ maa ƃôi.

Mąątɛ̨nɛ̨ 121:7 ပူးပေါင်းရင်းမြစ်များ

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Kɔlɔnikɔ Maa-ŋuŋ 4:10

Yaebɛsə ə Israɛlə ŋą Yálái hvɛli, yɛ kɛ mą: «Akɛ yá lúwɔ́ too mą́ą́, ə́ nwɔ́ lɔi hu kɛnɛ̨; yá tɔɔ búlú, ə́ mɛ̨nį ɲɔ̨n mąą kwɛa mą́ą́, mɔ̨nɔ̨ hvo laa mɛ̨́i!» Mɛ̨nįi tii ə ɉuhvɛli, Yálá ə gɛ mą.

Mąątɛ̨nɛ̨ 145:20

Yai-Laa a ɲɛ̨i kɛ nwɛlikɛmąą nuą diɛ, Kɛlaa nuąi di hva kulɔ di woo ɓa, a di hu kala.

Mąątɛ̨nɛ̨ 34:22

Mɛ̨nį ɲɔ̨n mə pai líiɲɔ̨n gwəimun baai, nuąi da yowolaa kulɔ a Tələnmolon, di kaa pai gulɔi di hu.

Mąątɛ̨nɛ̨ 41:2

Nwun nąnɛ̨ɛ̨mun maa, nui a gili lɛɛ mąąwɛli nuą hu! Yai-Laa a gulɔ mɛ̨nįi a mąąwɛli yələ.

Mąątɛ̨nɛ̨ 97:10

Kaai Yai-Laa wɛli kaa kaa! 'Ka mɛ̨nį ɲɔ̨n nwɛli kpɛɛ kaa, a nwɔ tələnmo nuą di wɔ yɛnɛ̨ɛ̨ laa hɔn mo, yɛ di kulɔ nwąnąlɔ nuąi yəi.

Hanwon 12:21

Mɛ̨nį ɲɔ̨n va həli tələnmomun ma, Kɛlaa, nwąnąlɔ nuą ɓə kpalo a di kaa.

Lonon mo 6:24

«‹Yai-Laa ə lúwɔ́ too kaa, ə ka mɛ̨i kaa.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Lomaŋ 8:28

Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Timote veelɛ 4:18

Gu Ną́mu kaa pai gúlɔi mɛ̨nį ɲɔ̨n gəlee yəi, ɛlɛɛ, ə málo ŋą yələkɔlɔn ɉu tɔɔlaai mąą mɛ̨nį ɓa. Mąąwiɛ ə kɛ mą a yələ kəlee kpɛɛ hvo mą! Yálá ə kɛti.