Mąątɛ̨nɛ̨ 119:98 - Yálá laawoo hɛɓɛ (dc)

⁹⁸ Ə́ wɔ tíɓoi aa gílí kɛ̨nɛ̨, aa dɛɛ ɲówóɠaa di wɛi ɓa, ŋą́ ɲéé hveelɛi hee mu, a yələ kəlee mɛ̨nį.

Yálá laawoo hɛɓɛ

⁹⁸ Ə́ wɔ tíɓoi aa gílí kɛ̨nɛ̨, aa dɛɛ ɲówóɠaa di wɛi ɓa, ŋą́ ɲéé hveelɛi hee mu, a yələ kəlee mɛ̨nį.

Bible

⁹⁸ Ítɔ̂ŋ káa ńyêei a tãi kélee, a gɛ́ ŋà táre a tɛɛ ŋ́gbɔara-ƃelai kélee dîa.

Mąątɛ̨nɛ̨ 119:98 ပူးပေါင်းရင်းမြစ်များ

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Mąątɛ̨nɛ̨ 119:30

Tɛ̨ą pələ ɓə ŋą́ ɉəɠə a nííɓa, vílɛnŋąąi lɔ ə́ wɔ tíɓoɠaai pulu, gɛ́ di kɛ.

Hanwon 2:6

Mąąhɔlɔɓo, Yai-Laa ɓə a kili tɛɛ nu pɔ. Ya ɓə nwun gɛ ɉu da mɛ̨nį kɔ́lɔn ŋąą da kulɔ na.

Hanwon 28:5

Nuąi da di kpɔwɔ tɛɛ mɛ̨nį ɲɔ̨n bɔ, di hvo mɛ̨nį haŋąą kɔlɔn. Kɛlaa, nuąi da Yai-Laa kwɛli, diɛ ɓə da mɛ̨nį kəlee kpaɠala kaa.

Dutɛrɔnome 4:6

Mąąnɛ̨ɛ̨ ka ka yee kɛ diɛ, ka di pɔ mɛ̨nį kɛ. Yili ɓə a ka kɛ a kilimąą nuą da mɛ̨nį hukpɛ nuą, nuąi pai dɔ́nŋąą tii mɛ̨n ɉii di ɲɛ̨i ɓa, diɛ kɛ diɛ: «Nu kpulu kɛnɛ̨i ŋɛ̨i kaa a nu huwu kilimąą, diɛ ɓo a mɛ̨nį hukpɛ nuą.»

Dutɛrɔnome 4:8

Lɔi lə kɛɛ ɓə laa, gɛnɛ̨, tɔ́nŋąą da yɛnɛ̨ɛ̨ hon bələ yɛ ɓo ɲəi, di haŋąą yɛ bələi dɔ́nŋąą ŋɛ̨i gáá dɛɛi ka pɔ di kaa la?

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Zĩi 1:25

Kɛlaa yaamun, nui a ɲɛ̨i hee dɔn gbɔ-kpɔɔ hu, yai a nu lɛɛ gbɔwɔ ɓa, hva ɲɛ̨i hee lɔ ɉu, ɉee wɛli ɓa, mąą nu a bɔ mɛ̨nį kɛi, a nwun na nɛ̨ɛ̨ hɔlɔɓo bɔ yíiɓoɔ hu.

Samuɛlə dɔlɔɔ 18:14

Gɔɠaai kpɔ ə kɛi doo, ə kɛi nɛ̨ɛ̨ mą; ə lɛɛ, Yai-Laa ə kɛ Davidə pɔ.

Samuɛlə dɔlɔɔ 18:30

Filisti kɔ́ nwun nąmįną di kɔ́ muhəɠə, kɛlaa, gɔ́ muhəɠə pələ tɛitɛi di yəi, gɔ́ ə kɛi nɛɛ Davidə ɓa, yɛ tɛɛ Saulə yee pɔ nuą kəlee diɛ. Davidə laa ə tɛ kpɔ kɛnɛ̨.

Samuɛlə dɔlɔɔ 18:5

Ɓɛi lɔpee Saulə ə kɛi Davidə tɔɔ laa kɔ́ mɛ̨i, gɔ́ ə kɛi lɔ nɛɛ Davidə ɓa. Yili ɓə gɛ, Saulə ə Davidə hee gɔ́ kɔ́ nuą nwun na. Davidə wɛli ə kɛ nɔi nuą kəlee diɛ; Ə mą kɛ Saulə yee pɔ nuą kpɛa-kpɛaa kəlee.