Mąątɛ̨nɛ̨ 119:34 - Yálá laawoo hɛɓɛ (dc)

³⁴ Kiliŋą laa mąą tɛɛ bɔ́, əgɛ, gɛ́ pɛli lɛɛ ə́ wɔ tɔn nwooi pulu, gɛ́ bɔ mɛ̨nį kɛ gwə́i tɔnɔ̨ mɛ̨i.

Yálá laawoo hɛɓɛ

³⁴ Kiliŋą laa mąą tɛɛ bɔ́, əgɛ, gɛ́ pɛli lɛɛ ə́ wɔ tɔn nwooi pulu, gɛ́ bɔ mɛ̨nį kɛ gwə́i tɔnɔ̨ mɛ̨i.

Bible

³⁴ Ítɔ̂ŋ ŋáa lɛ́ ḿâ, ŋa pâi m̀ɛi kâai. Ŋa pâi m̀ɛi kâai a ńii kélee.

Mąątɛ̨nɛ̨ 119:34 ပူးပေါင်းရင်းမြစ်များ

Kɔlɔnikɔ Maa-ŋuŋ 22:12

Gɛ́! Yai-Laa ə mɛ̨nį hukpɛ kili tɛɛ ə́ pɔ, ə bɛlɛ nwun gɛ ɉu laa ɓa, ɓɛlɔwai gaa pai ə́ heei la Israɛlə nwun na; əgɛ, ə́ Yai-Laa ə́ wɔɔ Yálái nwɔ tɔ́n naahɔnmo!

Zôo 28:28

Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Mąątɛ̨nɛ̨ 111:10

Kili kɛ ɲəi kpalatɔɔi ɓaa, nu ə ɲɔw Yai-Laa ɓa, nuąi da yili kɛ, yɛnɛ̨ɛ̨ hon bələ mąą gbąnąlaa kaa di yəi; di kaa pai kɛi dɛ̨nɛ̨i a yələ kəlee.

Mąątɛ̨nɛ̨ 119:10

Gáá ə́ kwɛlii a nį́i kəlee, 'Hvó nɛ́ɛ́ laa, mą́ą́ hvo kwɛa ə́ wɔ tɔn nwooɠaai diɛ.

Mąątɛ̨nɛ̨ 119:100

Mɛ̨nį kulɔɉu kɛ kili kaa ɲə́i dɛɛ galanɉonŋaa diɛ, mąąhɔlɔɓo, ŋą́ ə́ wɔ tɔn nwooɠaai pɔ yíiɓo.

Mąątɛ̨nɛ̨ 119:104

Ə́ wɔ tɔn nwooɠaai daa mɛ̨nį hukpɛ kili tɛɛ bɔ́, yili mąą mɛ̨nį ɓa, lɛɛ pələɠaa kəlee wɛli aa kpɛɛ mą́ą́.

Mąątɛ̨nɛ̨ 119:125

Gáá a ə́ wɔ tímun, mɛ̨nį hu kpɛ kili tɛɛ bɔ́, gɛ́ pɛli ə́ hvaa wooɠaa kɔ́lɔn ɉii la.

Mąątɛ̨nɛ̨ 119:130

Ə́ laawoo, kili ɲąpono, a kili tɛɛ lɛapɛlɛɛ pɔ.

Mąątɛ̨nɛ̨ 119:144

Mɛ̨nįɠaai yá mo, gəlee hąŋąąi ɲɛ̨n deei və mą, mɛ̨nį hukpɛ kili tɛɛ bɔ́, gɛ́ pɛli nú kɛi.

Mąątɛ̨nɛ̨ 119:169

Ee kə Yai-Laa! Dómą woo ə həli kpɔ ə́ lííla wɛ! Mɛ̨nį hukpɛ kili tɛɛ bɔ́, yɛ bələi ə́ mo lai.

Mąątɛ̨nɛ̨ 119:2

Nuąi da lɛɛ nwɔ yɛnɛ̨ɛ̨ hon bələ pulu, diɛ gwɛli di kwəi tɔ̨nɔ̨ mɛ̨i, di nwun na nɛ̨ɛ̨i.

Mąątɛ̨nɛ̨ 119:58

Gáá kpɔ tɔɔi a nwą́nąi, ŋą́ ə́ líiɓa kɛ, kpɔnmąą tɛɛ bɔ́, yɛ ɓələi ə́ mo la.

Mąątɛ̨nɛ̨ 119:66

Kiti haŋąą da mɛ̨nį kɔ́lɔn ŋąą di tɔlɔ lɛ mą́ą́, mąąhɔlɔɓo, náái ə́ wɔ tiɓoɠaai la.

Mąątɛ̨nɛ̨ 119:69

Kpɔwɔ ɲąąkɛnɛ̨ nuą daa náá kala a di wɔ lɛɛ wooɠaa, nwɛ́i, gáá ə́ wɔ tiɓoɠaai pulu gwə́i tɔ̨nɔ̨ mɛ̨i.

Mąątɛ̨nɛ̨ 119:73

Ə́ bɛ́li a ə́ yee, ə́ ɉúwala wala, 'gɔ́ a kili, gɛ́ pɛli ə́ wɔ tiɓoɠaai hukpɛi.

Mąątɛ̨nɛ̨ 39:2

Ŋą́ kɛi kɛ diɛi: «Gáá ɉiɛ pələ mąąkpɛɛi, 'və́ pa nəi nɛ̨ŋɛ̨n ɉəɠə váá woo hu. Yii kpɔ nui a nwoo kala, gaa gwɛ́lɛ, hvo kɛli ŋą́ ɲə́ə́ kɛ náálee ɓa.»

Maafîu 5:19

Yili ɓə gaa mą, nui a dɔ́n ŋɛ̨i nogolo kpɛli kala, əlɛɛ, yɛ nu takpɛliɠaa kalan a tɔ́n gala mɛ̨nį yɛ yaa, mąą nui tii ɓə di kaa pai kɛi mą: lokolo Yálá-taa tɔɔlaa hu. Kɛlaa, nui a dɔ́n ɉɔn, əlɛɛ, ya nu takpɛliɠaa kalan a dɔ́n ɉɔn mɛ̨nį yɛ yaa, ya ɓə di kaa pai kɛi mą: nu kɛnɛ̨ Yálá-taa tɔɔlaa hu.

Maafîu 7:24

«Yili ɓa, mɛ̨nįɠaai ŋɛ̨i gáá moi, nui a mɛ̨n, ə bɔ mɛ̨nį kɛ, a kɛ yɛ kilimąą mun yii a nwɔ pɛlɛ́ tɔɔ kwɛni mɛ̨i.

Ɉaan 7:17

Nui hvaa Yálá liiɓa kɛ mɛ̨nį ɓa, a gbaɠala kaa akɛ mɛ̨nįi ŋɛ̨i gáá mo, ə həɠə Yálá pɔ, awala kɛ tii, gbɔ́wɔ́ woo li.

Dutɛrɔnome 4:6

Mąąnɛ̨ɛ̨ ka ka yee kɛ diɛ, ka di pɔ mɛ̨nį kɛ. Yili ɓə a ka kɛ a kilimąą nuą da mɛ̨nį hukpɛ nuą, nuąi pai dɔ́nŋąą tii mɛ̨n ɉii di ɲɛ̨i ɓa, diɛ kɛ diɛ: «Nu kpulu kɛnɛ̨i ŋɛ̨i kaa a nu huwu kilimąą, diɛ ɓo a mɛ̨nį hukpɛ nuą.»

Zĩi 1:25

Kɛlaa yaamun, nui a ɲɛ̨i hee dɔn gbɔ-kpɔɔ hu, yai a nu lɛɛ gbɔwɔ ɓa, hva ɲɛ̨i hee lɔ ɉu, ɉee wɛli ɓa, mąą nu a bɔ mɛ̨nį kɛi, a nwun na nɛ̨ɛ̨ hɔlɔɓo bɔ yíiɓoɔ hu.

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Zĩi 4:11

'Ká hvo mɛ̨nį ɲɔ̨n mo a ká kee laa, ną́n nonnii. Nui a mɛ̨nį ɲɔ̨n mo a nu ta laa, a wala kɛ tii, ə gití tee, aa mɛ̨nį ɲɔ̨n mo a dɔ́n naa, ɛlɛɛ, aa dɔn gití tee. Kɛlaa, yɛ́n, yá dɔn giti teei, yáá kɛ a kití teemun, ɛlɛɛ hvó kɛli a dɔ́n bɔ yíiɓomun.