Mąątɛ̨nɛ̨ 119:21 - Yálá laawoo hɛɓɛ (dc)

²¹ Gbɔwɔ ɲąąkɛ̨nɛ̨ nuąi tii da kɛ di mąą kwɛai, ə́ wɔ tíɓoɠaa diɛ, a diɛi tii di nɛ̨ŋɛ̨n naai, Yá ə́ pamą diɛ.

Yálá laawoo hɛɓɛ

²¹ Gbɔwɔ ɲąąkɛ̨nɛ̨ nuąi tii da kɛ di mąą kwɛai, ə́ wɔ tíɓoɠaa diɛ, a diɛi tii di nɛ̨ŋɛ̨n naai, Yá ə́ pamą diɛ.

Bible

²¹ Ya zu-mɛni kɛ̂tɛ-ƃelai kula maa kɛ, diai dífa ítɔ̂ŋ-ŋai mɛi kâai, í dínaɣaŋ láa.

Mąątɛ̨nɛ̨ 119:21 ပူးပေါင်းရင်းမြစ်များ

Nehemi 9:16

«Kɛlaa, diɛ da ku nąnni, di gɛ a kpɔɔ ŋąą kɛnɛ̨, a nwun ɉuwalawala laa, di hvo di wəli tɔɔ ə́ wɔ tɔ́n nwooɠaa diɛ.

Nehemi 9:29

Ə́ di liɛwoo kɛ, yɛ́ di pənə di pa ə́ wɔ tɔ́n ma. Kɛlaa, di di kpɔɔ kɛ a huɲąŋą kɛnɛ̨ nuą, di hvo di wəli tɔɔ ə́ wɔ tɔ́n ma. Di nɛ̨ŋɛ̨n ɉəɠə ə́ wɔ liɛwooi ɓa, liɛwoo yii a yɛnɛ̨ɛ̨ kpɛɛ hvo mą tɛɛ ɉon nuą pɔ. Di di kwɛli tee, diɛ ɓowon dɛ diɛ, di di kpowo pulu walawala, di hvo gɛ di ɉon.

Mąątɛ̨nɛ̨ 119:10

Gáá ə́ kwɛlii a nį́i kəlee, 'Hvó nɛ́ɛ́ laa, mą́ą́ hvo kwɛa ə́ wɔ tɔn nwooɠaai diɛ.

Mąątɛ̨nɛ̨ 119:110

Ɲɛ̨ninuą di hɛlɛn dɛ dɔ́wɔ, Kɛlaa və́ mą́ą́ kwɛa ə́ wɔ tɔn nwooɠaai diɛ.

Mąątɛ̨nɛ̨ 119:118

Nuąi daa di mąą kwɛa ə́ laawoo ɓa, ə́ di pili, mąąhɔlɔɓo, di kɛ mɛ̨nįɠaa ə kɛ lɔ a lɛɛ.

Mąątɛ̨nɛ̨ 119:78

Gbɔwɔ ɲąąkɛnɛ̨ nuąi tii kɛi lɛɛ pɛlɛ mą́ą́, di nwumɛ̨, nwɛ́i, ə́ wɔ tiɓoɠaai ɓə ŋą́ gíliŋąhiɛ mą.

Mąątɛ̨nɛ̨ 138:6

Yai-Laa kaa hɛn gəlee nwun mɛ̨i yələi kwɛaa la! Nui kɔ́lɔn və mą, yɛ gaa! Yɛ humɛ̨ni kɛnɛ̨mun gaa kwɛaa la.»

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Lɛɛ gbɔwɔ ɓa 18:11

Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Azaya 42:24

Gbɛɛ ɓə Ɉakɔbə kwɛlɛ diɛ ɉukala? Yɛ Israɛlə tɛɛ toomɛ̨i kɛ nuą pɔ? A kɛ tii Yai-Laa hvəi, a yai tii gu nɛ̨ŋɛ̨n ɉəɠə mąi! A yai tii gu hvo gɛ gu hvo hvilɛn nwɔ pələi mɛ̨i! Ɛlɛɛ, gu hvo gɛ gu hvo gu wəli tɔɔ nwɔ tɔ́n nwooi ɓai?

Azaya 43:28

Yili ɓə gɛ, ɲą́ą́n gɛ́ ə́ wɔ tɔɔɓɛlaa mąąwiaaɠaai ɓɛlɛ kpɛɛ diɛ, ŋį́ Ɉakɔbə kulɔ a haláá, ŋį́ Israɛlə kɛ a laa puɉu hɛn.

Ɉeremi 44:16

«Bələi mąn ə́ kaa yili ɓoi la tii ku wɔ Yai-Laa laa hu, ku hvo ku wəli tɔɔi mą.

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Dutɛrɔnome 28:15

«Kɛlaa, akɛ Yai-Laa ka wɔ Yálái nwɔ tíɓoɠaa da nwɔ tɔ́nŋąąi gáá dɛɛi ka pɔ háákələi, ka wala ka wəli tɔɔ ɉu woo ɓa, ɛlɛɛ, ka wala tɔɔ a ka nwąnąi, kaa di pɔ mɛ̨nį kɛ, mɛ̨nį nwąnąɠaai pai həlii kaa, diɛ ɓɛla kaa a kpalo, diɛ ka:

Dutɛrɔnome 30:19

«Gáá háákələi yələkɔlɔn da lɔi di kɛi a kɛla ka mąą mɛ̨nį hu. Gáá ɓalo da haa laai ka ɲɛ̨i; lúwɔ́ da nɛ̨ŋɛ̨n naa. Yɛnɛ̨ɛ̨ həɠə ɉu, ə gɛ, kaa-o, ka huwu hu nuą-o ka lamun yɛnɛ̨ɛ̨.

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»