Mąątɛ̨nɛ̨ 119:10 - Yálá laawoo hɛɓɛ (dc)

¹⁰ Gáá ə́ kwɛlii a nį́i kəlee, 'Hvó nɛ́ɛ́ laa, mą́ą́ hvo kwɛa ə́ wɔ tɔn nwooɠaai diɛ.

Yálá laawoo hɛɓɛ

¹⁰ Gáá ə́ kwɛlii a nį́i kəlee, 'Hvó nɛ́ɛ́ laa, mą́ą́ hvo kwɛa ə́ wɔ tɔn nwooɠaai diɛ.

Bible

¹⁰ Ŋa íkɔ̂rii a ŋ́gili kélee. Ífe nɛ̀ɛ naa ŋá ítɔ̂ŋ-ŋai kara.

Mąątɛ̨nɛ̨ 119:10 ပူးပေါင်းရင်းမြစ်များ

Kɔlɔnikɔ Veerɛi 15:15

Ɉuda nuą kəlee kwəi ə nɛ̨ɛ̨, di kwɛla mɛ̨nįi tii hu. Di kwɛlai di mo di kwəi tɔ̨nɔ̨ mɛ̨i, diɛ pa lɛɛi la Yai-Laa pulu a di kwəi kwəlɛɛ, əgɛ, ə gbɔwɔ lɛɛ laa di gaa. Ə liilaa tɛɛ di pɔ pələ kəlee hu.

Mąątɛ̨nɛ̨ 119:118

Nuąi daa di mąą kwɛa ə́ laawoo ɓa, ə́ di pili, mąąhɔlɔɓo, di kɛ mɛ̨nįɠaa ə kɛ lɔ a lɛɛ.

Mąątɛ̨nɛ̨ 119:133

Váŋąlɔ a ə́ wɔ tɔn nwooɠaai, 'hvó mɛ̨nį ɲɔ̨n nɛɛ laa hvo hee mą́ą́.

Mąątɛ̨nɛ̨ 119:176

Gáá lɔ lia li nwún ma, yɛ ɓɛlaa haai aa pili, 'hvilɛn, ə́ ə́ wɔ tímun kwɛli, mąąhɔlɔɓo, və́ lɛ̨ą li ə́ wɔ tíɓoɠaai diɛ.

Mąątɛ̨nɛ̨ 119:2

Nuąi da lɛɛ nwɔ yɛnɛ̨ɛ̨ hon bələ pulu, diɛ gwɛli di kwəi tɔ̨nɔ̨ mɛ̨i, di nwun na nɛ̨ɛ̨i.

Mąątɛ̨nɛ̨ 119:21

Gbɔwɔ ɲąąkɛ̨nɛ̨ nuąi tii da kɛ di mąą kwɛai, ə́ wɔ tíɓoɠaa diɛ, a diɛi tii di nɛ̨ŋɛ̨n naai, Yá ə́ pamą diɛ.

Mąątɛ̨nɛ̨ 119:34

Kiliŋą laa mąą tɛɛ bɔ́, əgɛ, gɛ́ pɛli lɛɛ ə́ wɔ tɔn nwooi pulu, gɛ́ bɔ mɛ̨nį kɛ gwə́i tɔnɔ̨ mɛ̨i.

Mąątɛ̨nɛ̨ 119:58

Gáá kpɔ tɔɔi a nwą́nąi, ŋą́ ə́ líiɓa kɛ, kpɔnmąą tɛɛ bɔ́, yɛ ɓələi ə́ mo la.

Mąątɛ̨nɛ̨ 119:69

Kpɔwɔ ɲąąkɛnɛ̨ nuą daa náá kala a di wɔ lɛɛ wooɠaa, nwɛ́i, gáá ə́ wɔ tiɓoɠaai pulu gwə́i tɔ̨nɔ̨ mɛ̨i.

Mąątɛ̨nɛ̨ 125:5

Kɛlaa, nuąi daa həɠə bələ mɛ̨i, di hiɛ pələ kpɛli kpəlaanŋąąi, Yai-Laa ə di kpɛ, da mɛ̨nį ɲɔ̨n gɛ nuą; Liilaa ə kɛ Israɛlə mɛ̨i.

Mąątɛ̨nɛ̨ 23:3

Yɛ nį́ilɔ. Tələnmo pələ mɛ̨i ɓə a vílɛn naa, Naa mąąwiaa, mąą mɛ̨nį ɓa.

Mąątɛ̨nɛ̨ 78:37

Di kili hvo kɛ tɔɔ li mą a neelee, di hvo kɛi di kilitɔɔ mįnɛ̨i da diɛni di ɉəɠə mą.

Hanwon 2:13

ɛlɛɛ, nuąi da pələ haŋąą lɛɛ laa, diɛ hiɛ kpinį hu, hva hvilɛn too di pɔ.

Hanwon 21:16

Nui a həɠə kili pələ mɛ̨i, gaa pai lii vįitɔɔi haa nuą lɔwai.

Azaya 35:8

Di kaa pai pələ laai laa, diɛ kɛ mą pələ mąąhəɠɛɛ, nui mąąliɓiɛ, hvo pai tɛɛ laa, mąąhɔlɔɓo, Yai-Laa yaa kpinįi ɓə pai tɛɛ laa tɔlɔɔ; kilikpɛɛgwəi nuą di hva lan di hvo kɔ́wɔ hvilɛn bələi tii mɛ̨i.

Ɉeremi 3:10

Mɛ̨nįɠaa tii kəlee di mą kɛ, Ɉuda ŋɛ̨i hvo nwoo pulu, yaai a Israɛlə gaayɔwɔ, hvo pənə li hvo pa bɔ́ gwəi tɔ̨nɔ̨ mɛ̨i; yaamun, mɔ̨nɔ̨ ɓə ə kɛi naa mą́ą́. Ɲą́ą́ Yai-Laa nwoo li.

Izikiɛ 34:6

Nwɔ taatɛlɛɛ kpului kaa lɔ lii nwun ma, ɲeeɠaa kəlee nwuɔ̨; yee kpu kpu kəlee nwuɔ̨. Nwɔ taatɛlɛɛ kpului hu a taɠa nɔi kɔ́lɔ kəlee, ɛlɛɛ, nu hvo mą, yɛ di kwɛli; nu hvo mą, yɛ hvilɛn di pulu.

Osia 10:2

Di kwəi hvo kwələ li, ɉu mɔ̨nɔ̨ mį́i hiɛ li di yəi; Yai-Laa yaa kpinįi gaa pai di wɔ haláá kulɔiɠaai woloi, yɛ di wɔ haliɠaai hu kala.

Maafîu 6:24

«Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Kolosə 3:22

Luwɔɠaa, ká nąmįnąi ɓɛ lɔi mɛ̨i, ká lɛɛ di woo mu mɛ̨nį kəlee hu. 'Ká hvo tí lɔ diɛ, mąąhɔlɔɓo, di ɲɛ̨i kaa káá; yɛ, ká kɛi ká wɛli too bələ kwɛli diɛ; kɛlaa, yɛ nuąi di liinɛ̨ɛ̨i di kwəi, diɛ tí gu Ną́mu ɓa a ɲɔw mąą laa.

Zɔ̂ŋ Maa-ŋuŋ 2:15

'Ká hvo yɛnɛ̨ɛ̨ wɛlila kɛ, ə mą kɛ, ɉu hɛnŋaa. Nui a yɛnɛ̨ɛ̨ wɛlilakɛ, kɛ tii Nąn Yálá nwɔ wɛlikɛmąąlaa hvo ɉu.

Samuɛlə dɔlɔɔ 7:3

Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»