Mąątɛ̨nɛ̨ 116:1 - Yálá laawoo hɛɓɛ (dc)

¹ Yai-Laa wɛli kaa mą́ą́, mąąhɔlɔɓo a ɲee hee nwɔ́ nɛ̨ɛ̨mąąhvə woo mu.

Yálá laawoo hɛɓɛ

¹ Yai-Laa wɛli kaa mą́ą́, mąąhɔlɔɓo a ɲee hee nwɔ́ nɛ̨ɛ̨mąąhvə woo mu.

Bible

¹ Ŋá Yâwɛɛ wɛ́lini, kpɛ́ni fêi, a ŋ̀óli tɔ̀ɔ ŋ́oo ma, gɛ́ ŋáfɛli-wooi mɛ̀ni.

Mąątɛ̨nɛ̨ 116:1 ပူးပေါင်းရင်းမြစ်များ

Zɛnɛse 35:2

Ɉakɔbə ə mo ɲəi bɛlɛ́n nuą diɛ da bɔ nuą, yɛ diɛ: «Ɉaliɠaai ka yəi, ka ka yee kulɔ gəlee hu, ka ka mąąhəɠə, ka ka mąą həɠəɠaa mąąhvalin.

Tɔɔɓɛlaa dɔlɔɔ 9:3

Yai-Laa yɛ Salomɔn ɓa: «Vɛli woo da nɛ̨ɛ̨mąą wooi ŋɛ̨i ə́ naa həli mą́ą́, ŋą́ą́ mɛ̨n, bɛlɛ́i ŋɛ̨i ə́ dɔɔ, ŋą́ą́ gɛ a pɛlɛ́ mąąhəɠɛɛ. Náá kaa pai kɛi mą a yələ kəlee, nwɔ́ kɛɛ kaa da nwɔ́ kiliŋąhiɛ yɛ ɓo mɛ̨i a yələ kəlee.

Mąątɛ̨nɛ̨ 119:132

Ə́ ɲɛ̨i lɛlɛɛ hee mą́ą́, ə́ mą́ą́ hvaalɛɛ, nuąi ə́ laa wɛli kaa diɛ, bələ ɓə mąąnɛ̨ɛ̨ ə́ di hon na.

Mąątɛ̨nɛ̨ 28:6

Lúwɔ́ kɛ Yai-Laa ɓa, mąąhɔlɔɓo aa nwəli tɔɔ nwóó ɓa.

Mąątɛ̨nɛ̨ 40:1

Nwələ ɲɛ̨itɔwɔmun, Davidə nwɔ wələ.

Mąątɛ̨nɛ̨ 69:33

Kpɔwɔ mąą yɛɛ nuą da yili nąą kaa, da di kwəinɛ̨ɛ̨, Kaai Yálá kwɛlii, ka yíi ə kwɛa.

Azaya 38:15

Ŋą́ pɛli kpɔ kɛi lə, yɛ́ pɛli nwoo mu hon ɉi, mąąhɔlɔɓo, ya kpinįi ɓə mɛ̨nį kɛi? Gáá pai nwɔ́ kwɛlan gəlee kɛi, a niikələn gwəi ŋɛ̨i aa hee mą́ą́i.

Woolaa 3:56

Ə́ kaa dómą woo ŋɛ̨i mɛ̨n ɉi; hvó kɛ ə́ kaa ə́ wəli laa kpului ɲįŋɛ̨ woo da nwɔ́lɔ woo tɔwɔ.

Zôna 2:3

Yɛ́ Yai-Laa, ɓɛlɔwai ŋą́ kɛ la ɲɛ̨ikɔw kpɔlu hui, ŋą́ wɔlɔ yɛ́, Ə́ nwóó mu hon; gɛ́ɛ́ haaɓɛlaa taa, ŋą́ ə́ təli, gɛ́ ə́ kpɔnmąą tɛɛ bɔ́ ə́ nwóó mu hon.

Lonon mo 21:3

Yai-Laa ə hvaa Israɛlə woo ɓa, ə di yee tɛɛ Kanaan nuą diɛ, Israɛlə ə di paa, ə di wɔ taaɠaai wolo. Di gɛɛnąąi tii laa hee a Hɔrma.

Markə 12:33

Yálá wɛli la kɛɛ a nu lii kəlee, da nu nwɔ kiliŋąhiɛ kəlee, ə mą kɛ nu nwɔ huwalawala kəlee; əlɛɛ, nu ə́ ə́ ɓɛlan gaa lon nwɛli la kɛ yɛ ə́ kpinį, yili hviɛlaɓoɔ ə tɛɛ haláá yii da gələn da haláá takpɛliɠaa kulaa ɓa.»

Ɉaan 16:24

Ka hvo ta hɛn da hvɛli li náá hu. Ka hɛn da hvɛli ka ɉɔlɔɓo, ya ɓə a gɛ ka wɔ kwəinɛ̨ɛ̨ laa ə kulɔ.»

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Zɔ̂ŋ Maa-ŋuŋ 4:19

Gu wɛi, gwa nwɛlila kɛ gbala ə tɔɔ, Yaa ɓə gbɛa gu wɛlila kɛ tɔlɔɔ.

Samuɛlə dɔlɔɔ 1:26

Anə yɛ Eli ɓa: «Nwɔ́ mɛ̨nį nąmu, ə́ nwun di báá nɛ̨ɛ̨nui tii ta kɛ ɓɛ, a yələ ta yɛ Yai-Laa hvɛli, kpɔɔlɔɔ gɛɛnąą ŋɛ̨i ɓa, ə́ kili kaa ɉu? Nwɔ mɛ̨nį nąmu, ə hvulú mąą ə lɛɛ, ɲą́ą́ ka tii kɛ.