Mąątɛ̨nɛ̨ 115:4 - Yálá laawoo hɛɓɛ (dc)

⁴ Di wɔ yáláɠaai kaa a hɛni, da wali, a diɛi a nukanŋaa yee pɔɔi.

Yálá laawoo hɛɓɛ

⁴ Di wɔ yáláɠaai kaa a hɛni, da wali, a diɛi a nukanŋaa yee pɔɔi.

Bible

⁴ Díɣâla-ŋai kpɛtɛɛ̂i a káne-ŋa da gôo-ŋa. Núu-kpune-ŋa ƃé díkpɛ̀tɛ a díyee.

Mąątɛ̨nɛ̨ 115:4 ပူးပေါင်းရင်းမြစ်များ

Tɔɔɓɛlaa dɔlɔɔ 18:26

Di di wɔ nįŋɛ̨i həɠə, ɛlɛɛ di baa; yili pulu, di di woo tɛ Baalə pɔ pələ, ə həɠə yələwala ɓa, ə lɛɛ ɉu hvóló ə haŋą; diɛ kɛ mą: «Baalə, ku woo pulu pənə!» Kɛlaa woo ta hvo tɔɔ, nu ta hvo kpɛli mɛ̨nį ta ɓo, di kɛi mąną di wɔ haláá kulɔi di bɛli níila.

Tɔɔɓɛlaa dɔlɔɔ 18:29

Hvóló paa kɛa nwun ma, di kɛi lɔ tomą, ə lɛɛ ɉu ə həli la yələwulii haláá kulɔi lɔwai ɓa. Kɛlaa woo ta hvo tɔɔ, di hvo woo ɲąą pənə hɔlɔɓo, mɛ̨nį ta hvo kɛ.

Tɔɔɓɛlaa veelɛ 19:18

Daa yiliɠaa di wɔ haliɠaai kəlee kələn, kɛlaa, kɛ ɓə di mo a nu kanŋaa di wɔ yɛlɛ kóló kɛɛ, di ɓo a wuluɠaa, da kwɛni haɠaaɠaa, ya ɓə gɛ, Asiri tɔɔɓɛlaa diɛ di hukala.

Kɔlɔnikɔ Veerɛi 32:19

Di kɛi Ɉerusalɛmə nwɔ Yálái mąą mɛ̨nį ɓo yɛ bələi di kɛi yɛnɛ̨ɛ̨ nɔiɠaa di wɔɔ haliɠaai di bɛli a di yee, mąą mɛ̨nį ɓo la.

Mąątɛ̨nɛ̨ 97:7

«Nwumɛ̨ ə tɛ a hali kɔ́ nuą, diɛi da di nwun dɛ a kpɛli kpɛli hɛnŋaa. 'Yáláɠaa kəlee, ka kwɛli hvilɛn Yai-Laa ɓa!»

Azaya 37:19

Di di wɔ haliɠaai kələn, kɛlaa ɉaliɠaai tii di hvo kɛ a Yálá. Di kɛ lɔ a nu yee kɛ kolóɠaa, a wulu, a wala kɛti a kwɛni; ɛlɛɛ Asiri tɔɔɓɛlaa di di hu kala.

Azaya 42:17

Nuąi tii kɛli di kilitɔɔ haliɠaa diɛ, di kaa yalii di pulu a nwumɛ̨ kɛnɛ̨, nuąi da kɛ kwɛli kpɛli kpɛli hɛnŋaa diɛ: «Kaa ɓə ɓaa ku wɔ yáláɠaa!»

Azaya 44:10

Gbɛɛ ɓə a ta hali mąą nįnįn ɉaɠa, a wala kɛtii, ə ɲɔw a kwɛli, yii yaan hvo tɔ̨nɔ̨ kwɛli li ɉu?

Azaya 44:20

Luwu kpɛli-kpɛli ɓə kanąn ŋąą mą, gili ɲąą pɛlɛ pələ, yɛ gbɔwɔ nwun ɉu lan; hvo pai kulɔi ɉu! Yələ ta, hvo pai kɛi diɛ: «Ɉɛn ɲɛ̨i ɲə́i, aa ɓowo hɛn gbɛli kpɛli ɓəi?»

Azaya 44:9

Hali pɛli nuą kəlee kaa lɔ a nu kpɛli kpɛliɠaa, ɉaliɠaai tii a di lííɓa hɛn, di tɔlɔ lɔpee hvo diɛ, ɉɛn di kilitɔɔ mą, hva mɛ̨nį kpaɠala kaa, yili mąą mɛ̨nį ɓa, nwumɛ̨ kaa pai tɛi diɛ.

Danîa 3:5

Yɛ diɛ: Ɓɛlɔwai ka káá pai Nįŋɛ̨ mįnɛ̨ tulu woo mɛ̨n ɉii la, da ɓɔɔ tulu, ə lɛɛ da gologwɛni, ə mą kɛ bɛlɛgwəi gwɛnįn, da kornəmusə tulu woo, da hvɛli kɛ hɛnŋaa lɔpee gəlee woo, ka pɛlɛ nɔi ɓa, ka kwɛli hvilɛn tɔɔmun nwɔ mąąnįnįn ɉaɠaai ŋɛ̨i ɓa.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Osia 8:6

Mąąhɔlɔɓo, ə həɠə Israɛlə pələ, yɛlɛ mun da ɓə bɛli, Yálá hvo li; a tɛ̨ą Samari nwɔ nįŋɛ̨ lon hu kaa ɓuwɔi a gbuɔ kpuɔ.

Gɛlaɠaa 19:26

ɛlɛɛ yaan, ya ka tii ka káá nąą kaai, awala kɛ tii, káá bələ mɛ̨n, hvo lɔ a Efɛsə yaa tɔ̨nɔ̨, kɛlaa Asi lɔi nąą kəlee, Polə aa pili nu kpulu kɛnɛ̨ɛ̨ wəlii a nwɔ kalan nwooi, yai a kɛ la diɛ: ‹Ɲáláɠaai gwa kɛ di pɛlii a gu yee, di hvo a yáláɠaa.›

Gɛlaɠaa 19:35

Yili pulu, daa hɛɓɛ́ kɛ mun mə ɲee ə pɛli nu kpulu ɲąą yɛɛi, yɛ diɛ: «Efɛsə nuą! Nu ta kaa mɔ̨ɔ̨ laa, kili hvo ɉu yɛ kɛ, Efɛsə taa kaa a Artemisə kɛnɛ̨ɛ̨, da mąąnįnįn kulɔ yələi pələ yɛ too, di wɔɔ taa mąąhəɠɛɛ?

Dutɛrɔnome 4:28

Ka kɛ laa haliɠaa yee mu yii nuą di bɛli a di yee, di ɓo a wulu, a kwɛni; di hva pɛli kɛɛ kaai, di hva pɛli mɛ̨nį mɛ̨n ɉii, di hva pɛli kɔ̨nɔ̨n mįi, di hva pɛli hɛn gun mɛ̨n ɉii.