Mąątɛ̨nɛ̨ 112:9 - Yálá laawoo hɛɓɛ (dc)

⁹ A mɛ̨inɛ̨ɛ̨ kpɛa-kpɛa kɛ yeehowolo mun ma, nwɔ tələnmolaa kaa a yələ kəlee mɛ̨nį, a nwun muhəɠə a ɲɛ̨i pono.

Yálá laawoo hɛɓɛ

⁹ A mɛ̨inɛ̨ɛ̨ kpɛa-kpɛa kɛ yeehowolo mun ma, nwɔ tələnmolaa kaa a yələ kəlee mɛ̨nį, a nwun muhəɠə a ɲɛ̨i pono.

Bible

⁹ Ǹyée lá ƃôɔi sɛŋ tɛɛ mɛni ma ǹúui pɔ́ pɔ̂ri mâa fé mìi. Ŋɔmɛni lɛ́lɛɛi káa nɔ́ naa wɔ́lɔ-wɔlɔ da wɔlɔ-wɔlɔ. A pâi kɛ̂i a ŋ̀wála-walaa, nûa díkɛ ŋumɛ mâa tɛ̀ɛ bɔ́.

Mąątɛ̨nɛ̨ 112:9 ပူးပေါင်းရင်းမြစ်များ

Mąątɛ̨nɛ̨ 111:3

Gɛ mɛ̨nį kəlee lɛlɛɛi ɲɛ̨i pɔ̨nɔ̨ɔ̨, nwɔ tələnmolaa ə ɓo laa a yələ kəlee mɛ̨nį.

Mąątɛ̨nɛ̨ 112:3

Ɲəi bɛlɛ́n ɉɛnŋąą ɓaa yeelahvoloon hɛn gɔw da nwun na nɛ̨ɛ̨, nwɔ tələnmolaa ɲɛ̨n və mą.

Mąątɛ̨nɛ̨ 75:10

Ɲą́ą́ nwɛ́i, gáá pai kɛi Ɉakɔbə Yálái laa tɛi a yələ kəlee, gɛ́ wələ too mą.

Mąątɛ̨nɛ̨ 92:10

Yai-Laa! Ə́ yowoɠaa kaa li! Ə́ yowoɠaa kaa li, di nwun na pili hiɛ li; mɛ̨nį ɲɔ̨n gɛ nuą kəlee taɠa hiɛ li.

Mąątɛ̨nɛ̨ 92:11

Yáá nwún muhəɠə yɛ láŋ mįnɛ̨ mąą, yɛ́ mą́ą́tí a wulɔ nįnɛ̨ mąą kun nɛ̨ɛ̨.

Hanwon 14:24

Kilimąą nuą di wɔ tɔɔɓɔlɔ ɓaa di wɔ hɛn gɔwi, Kɛlaa, kilikpɛɛgwəi nuą di wɔ hupumąą laai, ɓowo lɔ ɓə.

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Hanwon 21:26

A kɛ lɔ ɲɛ̨i kulɔi hɛnŋąą pɔ a yələ kəlee. Tələnmomun a kɔ́ɓo kɛ hva bulu kaa.

Ikilisiati 11:6

Yili ɓa, 'humó a ə́ wɔ hihɛn ɉiɛ, ə həɠə yələ wala pɔ ɓa, ə həli la yələ wulii ɓa, hvo kpɛla mą. Mąąhɔlɔɓo, ə́ kɛ kólóɠaai tii lɔwai, yii pai kɛi a nɛlɛɛ hvo gɔlɔn, ɛlɛɛ, akɛ gəlee ɓə tɔ̨nɔ̨ kaa pai kɛi ɉu, hvó gɔlɔn.

Ikilisiati 3:6

Hɛn gwɛli yələ kaa mą, ɉɛn tii lan ɲələ yɛ ɓo mą. Hɛn naaikɛ yələ kaa mą, bili yələ yɛ ɓo mą.

Azaya 32:8

Kɛlaa, kaalon nwɛi, kaalon giliŋąhiɛ ɓə gaa mą, ɲɛ̨i pɔ̨nɔ̨ mɛ̨nįɠaa lɔ ɓə a ɲee lɔ ɉu.

Azaya 58:10

Ya ə́ kɔ̨nɔ̨n gulɔ ə́ la, yɛ́ dɛɛ pulu həɠəmun bɔ, nui daa mąą wɛli, yɛ́ bilɛ a kɔ̨nɔ̨n, yɛ́ kɛɛ pɔ̨nɔ̨i kaa pai ɓɛlai kpinį, ɛlɛɛ, ə́ wɔ kpinį ə ɓo yɛ, hvóló tɔɔ nwun mą.

Azaya 58:7

'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.

Maafîu 6:4

Ya ɓə a gɛ, ə́ wɔ kɔ́ɓo hɛn ə lɛɛ a nooɔ. Ə́ Nąn Yálái a loo mɛ̨nį hu kaa, ya ɓə pai ə́ hvɛla kulɔi.»

Markə 14:7

Mąąhɔlɔɓo, ka yeehowolo nuą ka káá lɔ ka kee ɓa a yələ kəlee, ka pɛli ka mɛ̨nį nɛ̨ɛ̨ kɛ diɛ a lɔwai lɔpee ka káá la bɔ. Kɛlaa nwɛ́i, və́ pai kɛi ka pɔ a yələ kəlee.

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Lukə 16:9

Jesus ə mo, yɛ diɛ: «Gáá moi kaa, ka ɓɛlan naa kwɛli kaa, a ɲɛnɛ̨ɛ̨ ŋɛ̨i hu hɛn gɔw, ya ɓə a gɛ, ɓɛlɔwai hɛn və la ka yəi, ka ɓɛlaa tii, di di ɲee hee la ka mu, bɛlɛi hva kala mu.

Lukə 18:22

Yii kɛa Jesus ə nwoo tii mɛ̨n, ə mo mą, yɛ mą: «Mɛ̨nį tɔ̨nɔ̨ kaa laa yii mąąnɛ̨ɛ̨ ə́ gɛ, ya ɓaa: Li, ə́ ə́ yəi hɛnŋąa kəlee lɔwɔ́tɔɔ, ə́ nwali ŋąąkwɛlɛ yeehvowolo nuą diɛ. A kɛ tii, ya kɛ a hɛn gɔw nąmu Yálá-taa. Yili pulu, pa ə́ hvilɛn búlú.»

Ɉaan 13:29

Ə kɛ nu taɠaa kwəi yii Ɉudasə ɓə kɛi nwali laaikɛ, Jesus kaa kɛi ma: li, ə ɉɛli kɔ̨nɔ̨n da ya, a wala kɛ tii, ə wali tɛɛ mąąwɛli nuą pɔ.

Gɛlaɠaa 20:35

Mɛ̨nį kəlee hu, yii ŋį́ nɛ kaa ya ɓaa: Mąąnɛ̨ɛ̨ nu kəlee di kólo kɛ, ya ɓə a gɛ gu kpɔnmąą tɛɛ mąąwɛli nuą pɔ. Ka gu gu kili lɛɛ gu Ną́mu Jesus woo hu, yii ə mo yɛ diɛ: ‹Nui kɔ́ɓo kɛi, gwəinɛ̨ɛ̨i ə tɛɛ nui di kaa gɔi mą.›»

Gɛlaɠaa 4:35

diɛ dɛɛ gɛlaɠaa pɔ. Ɉɛn gɔwi ti ɓə di kɛi ɲąąkwɛlɛ nu kəlee ɓa, yɛ pələi di mąąkpaanŋąą kaa la.

Lomaŋ 12:13

Ká kaayɔwɔɠaai kanąn gaa diɛ, ka di mąą kpɔnmąą ɓo; ka ka yee hee nwɛ̨ą mu a kwəinɛ̨ɛ̨.

Korɛntə veelɛ 8:9

Bələi gu Ną́mu Jesus Kristə ə mɛ̨inɛ̨ɛ̨ kɛ la káá, gbaɠala kaa káá, yaa ti kɛ a hɛn nąmu, ə gbɔwɔ kɛ a yeehvowolomun, ə gɛ, ká kɛ a hɛn nąmįną.

Dutɛrɔnome 15:11

Ɛlɛɛ yɛ bələi yeehowolo nuą di hva kpɛɛ la lɔi, gáá díɓoi ŋɛ̨i tɛɛi ka pɔ, gɛ́, ka ka yee laaɓo a gɛnɛ̨ ka kaayɔwɔɠaai a yeehowolo nuą da mąąwɛli nuąi nɔi di tɔwɔ, kaa di kɔ́.

Dutɛrɔnome 15:14

'Ka dɔɔ bələi a ka wɔ ɓɛlaaɠaa ta, da ka wɔ ɓoliɠaa ta, ka yəi gələ hu hɛn da, ka wɔ viɲə yá kulɔi hɛn da. Yili a kulɔ Yai-Laa ka wɔ Yálái wɔ lúwɔ́ hu.

Dutɛrɔnome 24:13

yá pənə ə́ dolaa hɛn tii tɛɛ bɔ, hvóló hvo tɛɠa laa kpɔlɔ ŋą; mąą nu a laa nwɔ yíihəɠəi tii hu, yɛ lúwɔ́ too yɛ́, ya gɛ tii, yá kɛ a tələnmomun Yai-Laa ka wɔ Yálái ɲɛ̨i ɓa.

Timote dɔlɔɔ 6:18

'Di yee ə kɛ mɛ̨nį lɛlɛɛ kɛɛ ɓa, di yee ə kɛ diɛ hvɛa-hvɛa, diɛ nu takpɛliɠaa kɔ a di yəi hɛn.

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

M̀ɛni-lɛɛi 22:11

Túwɔ́ pələ ɲɔ̨n gulɔmun, ə kɛ lɔ tuwɔ pələ ɲɔ̨n gulɔi, hvulumun, ə kɛ lɔ hvulu kɛi, mąąliɓimun ə kɛ lɔ mąąliɓi mɛ̨nį hu, kɛlɛɛ, tələnmomun ə kɛ lɔ nwɔ̨nɔ̨ tələnmo tuwɔ kɛi, ɛlɛɛ mąąhəɠəmun ə kɛ lɔ nwɔ̨nɔ̨ mąąhəɠə mɛ̨nį kɛi.»

Samuɛlə dɔlɔɔ 2:1

Anə ə Yálá hvɛli yɛ mą: Yai-Laa nwɔ lúwɔ́ haalai, gwə́inɛ̨ɛ̨i; Yai-Laa nwɔ lúwɔ́ haalai, ŋą́ą́ nwún muhəɠə, Gɛ́ pɛli yɛ́lɛ́i ɲówoɠaa diɛ. Gwə́inɛ̨ɛ̨i! Yálá aa kpɔnmąą tɛɛ bɔ́.

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.