Mąątɛ̨nɛ̨ 111:5 - Yálá laawoo hɛɓɛ (dc)

⁵ Nui a ɲɔw mą, a kɔ̨nɔ̨n dɛɛ mąą nu pɔ, nwɔ mįnɛ̨i kili kaa ɲą a yələ kəlee.

Yálá laawoo hɛɓɛ

⁵ Nui a ɲɔw mą, a kɔ̨nɔ̨n dɛɛ mąą nu pɔ, nwɔ mįnɛ̨i kili kaa ɲą a yələ kəlee.

Bible

⁵ A diai kɔ́nɔ̃ŋ kùla da ƃaa kɛ́-maa tɛ̀ɛ bɔ́i. Va wɔ́lɔ nìa ŋɔkpanaŋ-wooi mɛni ma.

Mąątɛ̨nɛ̨ 111:5 ပူးပေါင်းရင်းမြစ်များ

Nehemi 1:5

Gɛ́ kɛ mą: «Ee kə! Yələkɔlɔn ɉu Yálá, Yálá kɛnɛ̨ maaɲɔwɔ! Ya ə́ wɔ mįnɛ̨i mąą yɛlɛ kɛ, yɛ́ naahɔn mo nuąi da ə wɛli la kɛ, di ɓo ə́ wɔ tɔ́n nwooi mu, di mɛ̨i.

Mąątɛ̨nɛ̨ 105:8

A gili lɛɛ nwɔ mįnɛ̨i hu, a yələ kəlee, a nwooi ə gwɛlɛ a yələ kəlee mɛ̨nį.

Mąątɛ̨nɛ̨ 106:45

Mįnɛ̨i da diɛ ni di ɉəɠə, ə giliŋąhiɛ mą, nwɔ wɛlikɛmąąlaa kɛnɛ̨ hu, ə nwoo yali bulu.

Mąątɛ̨nɛ̨ 33:18

Kɛlaa, nuąi da ɲɔw Yai-Laa ɓa, a ɲɛ̨i kɛ diɛ, a nuąi di kilitɔɔ nwɔ wɛlikɛmąąlaa ɓai.

Mąątɛ̨nɛ̨ 33:19

A di kulɔ haa yəi, yɛ di laa hɔn mo yɛnɛ̨ɛ̨ a pulu yələɠaa.

Mąątɛ̨nɛ̨ 37:3

'Ə́ kilitɔɔ Yai-Laa ɓa, 'túwɔ́ a nɛlɛɛ yɛ́ pɛli heei nɔi hu, yɛ́ kɔ̨nɔ̨n ɉɔlɔɓo laa liilaa hu.

Mąątɛ̨nɛ̨ 89:34

Kɛlaa, vá nwóó kala mą; vá nwɔ́ mįnɛ̨i mąą kala.

Azaya 33:16

Mąą nu ɓə pai ɉeei hɔlɔɓoi yələi pələ, gaa pai mąąkilɛi kwɛni kpuwuluɠaa mɛ̨i, yiiɠaai di mąą tínɛ̨n ŋąą a hį́i; di kaa pai kɔ̨nɔ̨n dɛɛi bɔ, yá hvo pai kpɛɛi ɲəi.

Danîa 9:4

Ŋą́ kɛi Yálá hvɛli, gɛ́ hvaa gɛ́ nɛ̨ŋɛ̨nŋaa diɛ Yálá ɲɛ̨i ɓa, gɛ́ kɛ mą: «Éé Ną́mu Yálá, ə́ kɛnɛ̨, ə́ yee wia, nuąi da ə́ wɔ tɔ́nŋaai hon, ə́ wɔ mįnɛ̨ həɠɛɛ a kɛ di pɔ, nuąi da ə́ wɛli la kɛ, ə́ wɔ tələnmolaa yɛɛ ɓo di mɛ̨i.

Lukə 1:72

Mąąhɔlɔɓo, Yálá ə naakwɛlan mo ku kalaɓɔlɔni diɛ, yɛ diɛ: Ŋą́ nwɔ́ mɛ̨inɛ̨ɛ̨ lɛ kaa ponoŋą, yaan, əgɛ tii. Yaan mįnɛ̨i Yálá ə ɉəɠə diɛ, ə gili lɛɛ ɉu.

Lukə 12:30

Nuąi di hvo laa li Yálá la, diɛ ɓə da yiliɠaai kwɛli mɛ̨nį niihɛlɛn ɉee. Kɛlaa, ka wɛi, ka nąn ə ka mąą kpaan gɔlɔn.