Mąątɛ̨nɛ̨ 110:3 - Yálá laawoo hɛɓɛ (dc)

³ Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Yálá laawoo hɛɓɛ

³ Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Bible

³ Ya pɛ̀lɛ íkpɔara-ƃelai dîa, ínûai da pâi kpɔŋ maa tɛɛ̂i ípɔ. Da pâi kɛ̂i yɛ̂ɛ ɣele ƃɔ̂i luu. Ǹyaŋkpa-ŋai da pâi pâi ípɔ naa ǹyée maa waa-ŋai dîa.

Mąątɛ̨nɛ̨ 110:3 ပူးပေါင်းရင်းမြစ်များ

Kɔlɔnikɔ Maa-ŋuŋ 16:29

'Ka Yai-Laa laa mąąwiaa too a wələ, 'ka pa, Yai-Laa lííla a gɔ́ hɛnŋąą, 'ka pa, ka kwɛli hvilɛn Yai-Laa lííla, ɓɛlɔwai nwɔ mąąhəɠə laa a gbɔwɔ lɛ la.

Nehemi 11:2

Nuąi kpɔ di laa tɛɛ di kpɔɔ ɓa, diɛ pa heei Ɉerusalɛmə daai, nɔi lonnii di lúwɔ́ too diɛ.

Mąątɛ̨nɛ̨ 29:2

'Ka Yai-Laa laa mąąwia loloɓo, 'ka kwɛli hvilɛn Yai-Laa ɓa; 'ka nwɔ mąąhəɠə laa kɛnɛ̨ɛ̨i mąątɛ̨nɛ̨.

Mąątɛ̨nɛ̨ 96:9

'Ka kwɛli hvilɛn Yai-Laa ɓa! Ɓɛlɔwai nwɔ mąąhəɠəlaa a kɛ lələn ɉii la, lɔi pilɛɛ gee mɛ̨i ə kpɛlin dɔwɔ!

Izikiɛ 43:12

Bɛlɛ́ mąą tɔ́n ga: Ɲee ton na, da nɔi kpɔ tii gwɛlɛ nąą kəlee, ə mąątínɛ̨n ə doo gee hu, mąąhəɠɛɛ kpɔ kɛnɛ̨. Bɛlɛ́ mąą tɔ́n ga tii.

Mise 5:6

Mąą yələi tii, Ɉakɔbə nu kpəli woloi pai lɛɛi, gaa pai kɛi lɔi tamąą hu, yɛ nɛ̨nɲai a həɠə Yai-Laa pɔ, yɛ luwu-luwui a hee kala tiliin ɲą, gili hvo tɔɔ li nu ɓa, ɲɛ̨i hvo nu kan ɲəi hɛn da tɔwɔ.

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Gɛlaɠaa 19:20

Bələ ɓə gu Ną́mu la woo hu ə kɛli kɛnɛ̨ la, vaŋą yɛ tɛ.

Gɛlaɠaa 2:33

Ə tɛ ə hee Yálá yee lɛlɛɛ mɛ̨i, Yálá ə nwɔ Kili-Mąąhəɠɛɛ tɛɛ bɔ yɛ bələi ə naakwɛlan mo la, ə gbɛŋąn gu mɛ̨i yɛ pələi ka káá gaai la, ɛlɛɛ, kaa mąą mɛ̨nį mɛ̨n na.

Gɛlaɠaa 2:41

Nuą tamąą di di yee hee Piɛrə woo mu, di di mąąwaa. Volói ti, nu waa haaɓa ɲɔ̨nwɔ̨mąn ə hɔlɔɓo; ə pɛlɛ galan nɛa diɛ.

Gɛlaɠaa 21:20

Yii kɛa di nwooɠaai ti mɛ̨n, di Yálá hɛɠɛɛɓo yili pulu diɛ Polə ɓa: «Yáá gaa, Ɉuifə kpulu tamąą daa kɛ a laa na nuą, ə mą kɛ ti, di kanąnŋąa ni Moisə nwɔ́ tɔ́n ɓa.

Gɛlaɠaa 4:4

Nuąi galan nwoo mɛ̨n, di damąą di laa Jesus la, di lononŋąą a pɛli nu waa lɔɔli kulɔi.

Korɛntə veelɛ 13:4

A tɛ̨ą di gbanwo kolɔwa ɓa, nwɔ hviikpɛɛlaa hu, kɛlaa, gaa a vulú, Yálá nwɔ huwalawala laa háálai. Ɛlɛɛ, kuɔ kpɛlimąn, ku hvįikpɛɛi Kristə hu, kɛlaa, ku kaa pai kɛi a ku hvulúmąą kwa diɛni, Yálá nwɔ huwalawala laa háálai ká pɔ pələ.

Korɛntə veelɛ 8:12

Nu kiliŋąhiɛ pələ a lɛlɛ kpɔ a neelee, da di yee hee mu, da hɛn gaa ɲəi, hɛn da awala nwɔ̨nɔ̨ kɛ ɲəi, mɛ̨nį hvo li!

Korɛntə veelɛ 8:16

Yálá hɛɠɛɛ mąmą, yai ká mąą lii too Titə kwəi.

Ifisiɛŋ 1:4

Kristə hu ɓə, Yálá ə gbɛa gu həɠə laa ɉu, gɛɛ hvo yɛnɛ̨ɛ̨ pɛli, ə gɛ, gu kɛ a nwɔ nuąi hɔn və diɛ, yaa ɲɛ̨i ɓa, wɛlikɛmąąlaa hu.

Filipə 2:13

Mąąhɔlɔɓo, Yálá ɓə a, niiɓa gɛ lii, da gɛ wɛli too káá, yɛ bələi gaa la gwəi a nɛlɛɛ.

Tɛsalonikə dɔlɔɔ 4:7

Yálá hvo kɛ gu təli li gu yee lɔ mɛ̨nį ɓa mąąliɓi túwɔ́ hu, kɛlaa, Ə gu təli mąąhəɠə laa ɓa.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

M̀ɛni-lɛɛi 7:9

Yili pulu, ŋą́ ɲɛ̨́i hee, ŋį́ nu kpulu kɛnɛ̨ kaa, yii nu hva pɛli di lonoi, di kɛ a hįi lɔi kəlee, a nu huwu kəlee, ɛlɛɛ, a hįi woo lɔpee gəlee ɓo nuą. Di kɛ tɔɔni dɔɔkpəlin niila, ɛlɛɛ, da Mɛlaa Lon niila, di mąą yiliɛ a həɠə kwɛaa kwɛlɛɛ, ɛlɛɛ, gwalalaa yɛ ɓo di yəi.

Nwun mąąɓo 5:2

«Israɛlə lɔi hu, kɔ́kulááɠaa kəlee hąą yiliɛi kɔ́ kɔ́ mɛ̨nį ɓa. Nɔi nuą kəlee daa di kpɔwɔ kwɛlɛ a di kwəinɛ̨ɛ̨, ə gɛ, di kɔ́ kɔ́: ka gu Yai-Laa mąąwiɛ.

Nwun mąąɓo 5:9

«Nį́ilaai Israɛlə ɲɛ̨itɔwɔ nuą mɛ̨i, da nuąi da di kpɔwɔ kwɛlɛ a kwəinɛ̨ɛ̨. Ka Yai-Laa mąąwiɛ.