Mąątɛ̨nɛ̨ 11:7 - Yálá laawoo hɛɓɛ (dc)

⁷ Mąąhɔlɔɓo, Yai-Laa tələnmoɔi, tələnmolaa wɛli kaa mą, ɛlɛɛ, tələnmo nuą diɛ ɲɛ̨ilai gaa.

Yálá laawoo hɛɓɛ

⁷ Mąąhɔlɔɓo, Yai-Laa tələnmoɔi, tələnmolaa wɛli kaa mą, ɛlɛɛ, tələnmo nuą diɛ ɲɛ̨ilai gaa.

Bible

⁷ Yâwɛɛ káa a tɔ̃yâ Ɣala. È tɔ̃yâ mɛni wɛ́li-ni. Dɔ̃yâ-ƃelai nɔ́ ƃé pâi ŋ̀ɛ́i kâai.

Mąątɛ̨nɛ̨ 11:7 ပူးပေါင်းရင်းမြစ်များ

Zôo 36:7

Hva ɲɛ̨i həɠə tələnmo nuą mɛ̨i. A di hee tɔɔ kpəlin ɉu, a di hee laa, ə gɛ, di wɔ tɔɔlaai ə lamun ɉu, Kɛlaa, da di kpɔɔ ɲąą kɛnɛ̨.

Mąątɛ̨nɛ̨ 146:8

Yai-Laa a ɲɛ̨i punuą ɲɛ̨i hvoloon, Nuąi diɛ di too, Yai-Laa a di hąŋąn ə di tɔɔ, Yai-Laa a tələnmo nuą wɛlila kɛ.

Mąątɛ̨nɛ̨ 17:15

Nwɛ́i, tələnmolaa hu ɓə gáá pai ə́ ɲɛ̨ilai kaai laa, ŋą́ pa ŋį́nąą ɓoi, ŋą́ pilɛ a ə́ ɲɛ̨ilai.

Mąątɛ̨nɛ̨ 21:6

Ə́ wɔ yeetɛɛmąąlaa, aa kɛ mą a ɲɛ̨i pɔ̨nɔ̨ kɛnɛ̨, Yáá mąąwiɛ kɛ mą, loo hvo mą.

Mąątɛ̨nɛ̨ 33:18

Kɛlaa, nuąi da ɲɔw Yai-Laa ɓa, a ɲɛ̨i kɛ diɛ, a nuąi di kilitɔɔ nwɔ wɛlikɛmąąlaa ɓai.

Mąątɛ̨nɛ̨ 33:5

Tələnmolaa da tɛ̨ą di wɛli kaa Yai-Laa ɓa, lɔi laahvɛɛi a Yai-Laa yəi mɛ̨inɛ̨ɛ̨.

Mąątɛ̨nɛ̨ 34:15

Ə túwɔ́ pələ ɲɔ̨n mąą laa, ə túwɔ́ a nɛlɛɛ, hvilɛn líilaa pulu, ə ɲąąkɔn.

Mąątɛ̨nɛ̨ 37:28

Mąąhɔlɔɓo, tɛ̨ą wɛli kaa Yai-Laa ɓa, hva gili kulɔ nwɛlikɛmąą nuą hu, a ɲɛ̨i kɛ diɛ a yələ kəlee. Kɛlaa, da nu ɲɔ̨nwɔ̨ɔ̨ɠaa huwu kulɔ a nwun. Di kaa pai mɛ̨nį ɲɔ̨n gɛ nuą hukalai a yələ kəlee mɛ̨nį.

Mąątɛ̨nɛ̨ 42:5

Ɲələɠaai ŋį́ kɛi li la Yálá yəi bɛlɛ́n, a kwəinɛ̨ɛ̨ wələɠaa, da mąątɛ̨nɛ̨ wələɠaa, kwa nu kpulu kɛnɛ̨, ŋą́ gíliɲąhiɛ di hu, níí a kɛ lɔ ə ɓɛla gwə́i.

Mąątɛ̨nɛ̨ 45:7

Ee kə Yálá! Yɛ́i yɛ́ Heeɓolaa kpɛlai hvo mą, yɛ́ tɔɔ-hvilii, tələnmo hvili li!

Mąątɛ̨nɛ̨ 45:8

Mɛ̨nį haŋąą wɛli kaa yɛ́, yɛ́ wɛlikpɛɛmąąlaa kulɔ a mɛ̨nį ɲɔ̨n, yili ɓə gɛ, Yálá, ə́ wɔ Yálái yɛ ə́ mąąti a kwəinɛ̨ɛ̨ wulɔ, yɛ ə́ hviɛlaɓo la tii ə́ ɓɛlaa diɛ.

Mąątɛ̨nɛ̨ 5:12

Nuąi kpɔ ya di lɔ ə́ nįnįn mui, 'di kɛ kwəinɛ̨ɛ̨ hu, a yələ kəlee kwəinɛ̨ɛ̨. Nuąi ə́ laa wɛli kaa diɛi, yá di mąąkpɛ, di kaa pai kɛi tómąi a kwəinɛ̨ɛ̨.

Mąątɛ̨nɛ̨ 7:11

Mą́ą́kpɛ gbala kaa Yálá kwɛlɛ, yai gaa a kwəi kwələ nuą ɓalomun.

Mąątɛ̨nɛ̨ 7:9

Yai-Laa ɓə a lɔiɠaa kiti tee, Yai-Laa, gíti tee yɛ bələi də́lənmoɔi la, yɛ bələi gwə́i kwəlɛɛ la.

Mąątɛ̨nɛ̨ 99:4

Tɔɔmun a tələnmolaa wɛlilakɛ, yili ɓə vaŋą kaa ɉu. Yɛ́ ɓə tələnmolaa, da kiti haŋąą di pɛli Ɉakɔbə nwɔ lɔi hu!

Hanwon 15:9

Nwąnąlɔmun dúwɔ́ pələ wɛli kpɛɛi Yai-Laa ɓa kpɔ tɛ-tɛ, Kɛlaa, nui gaa tələnmolaa pɔ, a nwɛlilakɛ.

Azaya 61:8

Mąąhɔlɔɓo, ɲą́ą́ Yai-Laa, tɛ̨ą ɓə nwɛli kaa mą́ą́, nwuɔ̨, da kɛɛ kala mɛ̨nį wɛli hvo mą́ą́, gáá pai ka hvɛla kulɔi a tələnmolaa, kwa kaani guɔ yələ kəlee mįnɛ̨ həɠə.

Piɛrə dɔlɔɔ 3:12

Mąąhɔlɔɓo, gu Ną́mu Yálá ɲɛ̨i kaa tələnmo nuą mɛ̨i, ɛlɛɛ, nwəli tɔɔ di wɔ hvɛli woo ɓa; kɛlaa, gu Nąmu Yálá a ɲɛ̨i ɲɔ̨nwɔ̨ɔ̨ hee mɛ̨nį ɲɔ̨n gɛ nuą diɛ.»

Zɔ̂ŋ Maa-ŋuŋ 3:2

Nwɛ́likɛmąą nuą, yiihu kɛa, gu kaa a Yálá lonnii, kɛlaa, bələi tínąą gwa kɛ la, hvo ni too li pono ɲą. Gu kili kaa ɉu, ɲələi gaa pai tooi la pono ɲą, gu kɛ pələ kaa pai kɛi yɛ, yaa, hvó gaai, gu ɲɛ̨i a tɔɔ mą, yɛ bələi gaa la.

M̀ɛni-lɛɛi 22:4

Di ka pai kɛi ɲɛ̨ilai kaai, ɛlɛɛ, naa ə ɓo di tɔwɔla.