Mąątɛ̨nɛ̨ 106:41 - Yálá laawoo hɛɓɛ (dc)

⁴¹ Ə di tɛɛ huwu takpɛliɠaa pɔ, di yowoɠaa diɛ hee di mɛ̨i.

Yálá laawoo hɛɓɛ

⁴¹ Ə di tɛɛ huwu takpɛliɠaa pɔ, di yowoɠaa diɛ hee di mɛ̨i.

Bible

⁴¹ È ǹyée kùla dímu é dítɛɛ lɔii ŋuŋ da kpɛ́ni su-ƃelai pɔ́ díkɛ ƃò díwala-wala-laai mu.

Mąątɛ̨nɛ̨ 106:41 ပူးပေါင်းရင်းမြစ်များ

Samia Veerɛi 24:14

Davidə yɛ Gadə ɓa: «Liihɛlɛn gɛnɛ̨ aa too mą́ą́. Ɲą́ą́ mun nɛ́ɛ́ kpɔ Yai-Laa yəi ə ɉútɔɔ, yili hviɛlaɓoɔi ə dɛ́ɛ́ nu takpɛliɠaa pɔ diɛ ɉútɔɔ, mąąhɔlɔɓo, Yai-Laa nwɛi, a nu ɲɛ̨imąąwɛli kaa.»

Izikiɛ 16:27

Yili ɓə gɛ ŋą́ ɲéé pɛlɛ yɛ́, ə́ kɔ̨nɔ̨n ə kpɛɛ, ŋą́ ə́ tɛɛ ə́ yowoɠaai di kaa a Filisti nɛ̨ɛ̨lɛa di pɔ, diɛi tii ə́ wɔ túwɔ pələ ɲɔ̨n tii aa kɛ nwumɛ̨ hee di ɲɛ̨i.

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Dutɛrɔnome 28:29

Hvóló haɠan ɉii lɔwai, ka hiɛ ɓɛ-ɓɛ yɛ ɲɛ̨ipumun, ka hva ka li pələ kɔ́lɔn. Di kaa lɔ pai kɛi di yee pənəi ka hu, diɛ too ka mɛ̨i, nu hva hɔlɔɓo, hvo kpɔmąą tɛɛ ka pɔ.

Dutɛrɔnome 28:33

Ka wɔ hihɛnŋąąi ɓa, da ka kɛ kóló dɔlɔ, a lɛɛ a nu huwui ka hvo di kɔ́lɔn di kɔ̨nɔ̨n. Ka kɛ lɔ a nu huwui da di yee pənə ɉu, diɛ giin-giin.

Dutɛrɔnome 28:48

ka lɛɛ ka yowoɠaa yee mu a di wɔ luwɔɠaa, diɛi Yai-Laa ka wɔ Yálái a di ŋąątɔɔ kaa. Pulu da kpələ wɛli diɛ ka kɛlɛ, ka lɛɛ a ka kpuwulu, ka hvɛɠɛɛ a hɛn gəlee. Yai-Laa a nwun ma wulu laa ka kɔ́n bulu, yɛ ɓo a kwɛli, ə lɛɛ ɉu ka huwu ə pu.

Dutɛrɔnome 32:30

Nu tɔ̨nɔ̨ gbən a pɛli kɔ́kuláá waa tɔ̨nɔ̨ kpɛ pələ kɛi ləi? Nu hveelɛ da kɔ́ kɔ́kuláá waa pow kpɛ pələ kɛ ləi? Akɛ ɲą́ą́i a Israɛlə mɛ̨i kaa kwɛni və́ vaŋą tɛɛ li di pɔ, Akɛ ɲą́ą́i Yai-Laa və́ di lɔ di yee ŋą.

Nwun mąąɓo 15:11

Nąąlɔwai, di hinąą waa haaɓa kulɔ Ɉuda lɔi hu, də li Etamə kwɛni wolo la, diɛ Samsɔn ɓa: «Kɛlɛi ə́ kili kaa ɉu yɛ́ kɛ Filisti nuą kaa heeni gu mɛ̨i-ee? Mɛ̨nįi yáá naa kuɔ, gaa lə?» Samsɔn ə di woo ŋąąpənə yɛ diɛ: «Mɛ̨nįi di naa mą́ą́, nwɔ́ kwələ ka tii ŋą́ gulɔ.»

Nwun mąąɓo 2:14

Yai-Laa ə níiɲąnwąną Israɛlə lonnii diɛ. Ə di tɛɛ di yowoɠaa pɔ, yiliɠaai di di hon. Ə di lɔwɔ́tɔɔ di yowoɠaa kɛ di kwɛlɛ diɛ, di hvo pɛli tɔɔi di yowoɠaa la.

Nwun mąąɓo 3:12

Israɛlə nuą di gbala tɔɔ nwɔ̨nɔ̨, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, di di yee lɔ ɉu. Yai-Laa ə Moabə tɔɔmun Ɛglɔn lii kpələ, Israɛlə nuą diɛ, mąąhɔlɔɓo, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə di di yee lɔ ɉu.

Nwun mąąɓo 3:14

Israɛlə nuą di lɛɛ Moabə tɔɔmun Ɛglɔn yee mu, ə kɛ a kwɛlan bow kɔ́w mɛ̨ihaaɓa.

Nwun mąąɓo 3:8

Yai-Laa lii ə holi Israɛlə nuą pɔ, ə di kwɛlɛ Kusan-Riseataimə ɓa, yai kɛ a Aramə yá leeɠaa kwɛlɛ tɔɔmun, di kwɛlan mɛ̨ihaaɓa kɛ yili yəi luwɔlaa hu.