Mąątɛ̨nɛ̨ 106:3 - Yálá laawoo hɛɓɛ (dc)

³ Nuąi da tɛ̨ą mɛ̨nį kɛ, di nwun na nɛ̨ɛ̨i, a diɛi ti da tələnmo yíi ɓo a yələ kəlee!

Yálá laawoo hɛɓɛ

³ Nuąi da tɛ̨ą mɛ̨nį kɛ, di nwun na nɛ̨ɛ̨i, a diɛi ti da tələnmo yíi ɓo a yələ kəlee!

Bible

³ Lûwa káa diai dîa da ŋ̀óo mɛni, díkɛ tûa sãa kɛ̀ a ɣele kéleei.

Mąątɛ̨nɛ̨ 106:3 ပူးပေါင်းရင်းမြစ်များ

Mąątɛ̨nɛ̨ 119:106

Ŋą́ą́ gwɛ́la, ɛlɛɛ, nwóó lɔ ɓaa a nwóó, gɛ́ ŋą́ ə́ wɔ tɔn nwooɠaai pɔ yíiɓo, di haŋąąi.

Mąątɛ̨nɛ̨ 119:112

Ŋą́ tɔɔ a nwą́ną́i, gɛ́ ə́ wɔ tɔn nwooɠaai pɔ yíiɓo, Və́la li a yələ kəlee.

Mąątɛ̨nɛ̨ 119:20

Mɛ̨nįɠaai ya mo, ŋą́ níí muhəɠə a gwɛli mɛ̨nį kpɔ a yələ kəlee.

Mąątɛ̨nɛ̨ 119:44

Ɲéé kaa lɔ pai kɛi ə́ wɔ tɔn nwooi diɛ a yələ kəlee.

Mąątɛ̨nɛ̨ 15:2

Ya ɓaa a nui mąą kulɔ hvo dúwɔ́ pələ ɓa, yɛ tələnmo yíi ɓo, ɛlɛɛ, gwəi kili yɛ ɓo a tələnmolaa;

Mąątɛ̨nɛ̨ 25:7

'Hvó kɛa ə́ kili lɛɛ, múhəɠɛɛ yələ nɛ̨ŋɛ̨ŋaa diɛ, da nwɔ́ túwú pələ ɲɔ̨nŋaa, Kɛlaa, ə́ kiliŋąhiɛ ə́ vilɛn mą́ą́ ə́ wɔ ɲɛ̨imąąwɛlikaa hu, Gbala ə tɔɔ, Yai-Laa, yɛ́ mɛ̨nį lɛlɛɛi.

Azaya 64:5

Ku kəlee ku kɛ yɛ nu kɔ́hɔɓoɔ, ku wɔ təlimo túwɔ́ɠaa kəlee di kɛ yɛ həɠə kɔ́hɔɓoɔ, ku kəlee kwaa yohva yɛ laakpala, ku wɔ túwɔ́ pələ ɲɔ̨nŋąą diɛ li a kuɔ yɛ hvaŋą.

Markə 3:35

Nui lɔpee a Yálá liiɓa kɛi, ya ɓə gaa a néé lon ɉulɔnu da néé lon nɛ̨ɛ̨nu, a wala kɛ tii néé.»

Lukə 11:28

Kɛlaa, Jesus ə nwoo pulu pənə yɛ mą: «Nuąi mun di nwun na nɛ̨ɛ̨, diɛ ɓaa: nuąi da Yálá laawoo mɛ̨n, diɛ bɔ mɛ̨nį kɛ.»

Lukə 11:42

«Farisiɛ̨ɠaa, kpalo ɓɛlaai kaa! Ka ka hɔlɔɓo hɛn bow nąą tɛɛ Yálá pɔ, ə mą kɛ, ka yəi ɲɛa nɔ́wɠaa, da yiiɠaai ka doo nɔ́w hu, yɛ mąą kun nɛ̨ɛ̨ la. Kɛlaa, tələnmolaa da Yálá wɛli la kɛɛ, kaa yiliɠaai lɛɛ laa. Yaamun, yiliɠaa ɓə kɛ mąąnɛ̨ɛ̨i kɛ kaa gɛ, ka hva yiiɠaai tii ta lɛɛ pulu.

Ɉaan 13:17

Kaa yiliɠaai kɔ́lɔn, ka bɔ mɛ̨nį kɛi, ka kɛ a nwun na nɛ̨ɛ̨ nuą.

Ɉaan 15:14

Yii ŋį́ ka tí la, ka gɛi, kɛ tii mɛ̨́laa ɓaa kaa.

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Lomaŋ 2:7

Nuąi di kanąn ŋąą mɛ̨nį lɛlɛɛ kɛɛ ɓa, diɛ mąąwiɛ kwɛli, diɛ ɓə Yálá kaa pai yɛnɛ̨ɛ̨ tɛɛi di pɔ kpɛɛ hvo mą.

Galatə 6:9

'Ká gu mɛ̨nį lɛlɛɛ kɛ, gu hvįi hvo kpɛɛ; mąąhɔlɔɓo, gwa wala tee mą, ɲələ a pa ɉəlii, gwa dɔlɔ hɔlɔɓo.

Dutɛrɔnome 11:1

Ka Yai-Laa ka wɔ Yálái wɛli la kɛ, nwɔ tíɓoɠaa nwɔ yɛnɛ̨ɛ̨ mąą tɔ́nŋąą, da nwɔ yɛnɛ̨ɛ̨ hon bələɠaai gáá dɛɛi ka pɔi, ka di kɛ a yələ kəlee.

Dutɛrɔnome 5:19

«'Hvó nwuɔ̨ kɛ.

Zĩi 1:25

Kɛlaa yaamun, nui a ɲɛ̨i hee dɔn gbɔ-kpɔɔ hu, yai a nu lɛɛ gbɔwɔ ɓa, hva ɲɛ̨i hee lɔ ɉu, ɉee wɛli ɓa, mąą nu a bɔ mɛ̨nį kɛi, a nwun na nɛ̨ɛ̨ hɔlɔɓo bɔ yíiɓoɔ hu.

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.

M̀ɛni-lɛɛi 7:15

Yili ɓə gɛ, di kaa la tɔɔni Yálá ŋą tɔɔkpəlin liila, diɛ kwɛli hvilɛn mą a kpinį da hvóló, ŋą pɛlɛ́i mu. Ɛlɛɛ, nui tii heeni dɔɔkpəlin ɉu, gaa pai di lɔi ŋą həɠə-kə́lə́i mu.