Mąątɛ̨nɛ̨ 10:17 - Yálá laawoo hɛɓɛ (dc)

¹⁷ Yai-Laa, yá mąąwɛli nuą liiɓa mɛ̨nį kɛ; yá di liikpələ, yɛ́ ə́ wəli tɔɔ di woo ɓa.

Yálá laawoo hɛɓɛ

¹⁷ Yai-Laa, yá mąąwɛli nuą liiɓa mɛ̨nį kɛ; yá di liikpələ, yɛ́ ə́ wəli tɔɔ di woo ɓa.

Bible

¹⁷ Óo Yâwɛɛ, ya pâi íwoli tɔɔ̂i diai sɛŋ da fé díyêei díɣâla fɛli wooi ma. Ya pâi kili kɛ-zu tɛɛ̂i dípɔ.

Mąątɛ̨nɛ̨ 10:17 ပူးပေါင်းရင်းမြစ်များ

Kɔlɔnikɔ Maa-ŋuŋ 29:18

Yai-Laa, Abrahamə, da Isaakə, da Israɛlə, ku káláni di wɔ Yálá, 'Ə́ ɲɛ̨́i kɛ Yɛ́ nuąi di wɔ kiliŋąhiɛi tii ɓa a yələ kəlee. Ɛlɛɛ Ə́ di kili tínɛ̨n Ə́ pɔ pələ, a nwala walaa.

Kɔlɔnikɔ Veerɛi 29:36

Mɛ̨nįi ŋɛ̨i Yai-Laa ə nɔi lonnii diɛ, yili ə Ezekiasə da nɔi lonnii di kwəinɛ̨ɛ̨. Mąąhɔlɔɓo, mɛ̨nįi tii ə kulɔ nu kəlee tɛɠii.

Kɔlɔnikɔ Veerɛi 30:12

Ɉuda lɔi hu ɓə Yálá ə tunwɔ̨n naa nuą lii ɓa, nu kəlee di hvaa mą, mɛ̨nįi tii tɔɔmun da nwɔ kalanɉonŋąą di mo, di ɉon, di bɔ mɛ̨nį kɛ yɛ bələi Yai-Laa hvaawoo ə kɛ la.

Kɔlɔnikɔ Veerɛi 34:27

Yii kpɔ mɛ̨nįi ŋɛ̨i ə lɔ ə́ lii mu, ə́ ə́ kpɔɔ mąąyɛɛ Yálá lííla, ɛlɛɛ, nwooɠaai ɉɛɓɛ́i ŋɛ̨i ɉu, yɛ hvilɛn na gɛɛnąą ŋɛ̨i nuą diɛ, mąn ə́ mo, ə́ ə́ kpɔɔ mąąyɛɛ ɲą́ą́ nííla, ə́ ə́ mąąhəɠə huɓɛla, ə́ wɔlɔ nííla; yili ɓa, ɲą́ą́ gbɛli ŋą́ą́ ə́ woo mąn! Ɲą́ą́ Yai-Laa nwóó li.

Mąątɛ̨nɛ̨ 102:17

Ɲələi Yai-Laa kaa pai pənəi yɛ Siɔn tɔɔ la, nuą da gaa mąąwiɛ̨ pələ hu.

Mąątɛ̨nɛ̨ 145:19

Nuąi da ɲɔw mą, a di liiɓa kɛ, a nwəli tɔɔ di tomą woo ɓa, yɛ di ɓalo.

Mąątɛ̨nɛ̨ 34:15

Ə túwɔ́ pələ ɲɔ̨n mąą laa, ə túwɔ́ a nɛlɛɛ, hvilɛn líilaa pulu, ə ɲąąkɔn.

Mąątɛ̨nɛ̨ 37:4

Yai-Laa ə kɛ a ə́ wɔ kwəinɛ̨ɛ̨, mɛ̨nįi ə́ líí a vɛli, gaa pai dɛɛi ə́ pɔ.

Mąątɛ̨nɛ̨ 9:12

'Ka gu wələ too, Yai-Laa ɓa, yai heeni Siɔn daai, 'ka gɛ mɛ̨nį kpɛa-kpɛaa hu kulɔ, lɔiɠaa diɛ.

Mąątɛ̨nɛ̨ 9:18

Nuąi da di woo kala, di pənə tai, di li ɲąmuątaa, a nu huwuɠaai kpɔ tii da lɛ̨ą Yálá ɓai.

Hanwon 10:24

Mɛ̨nįi nwąnąlɔmun a ɲɔw mą, ya ɓə a ɉɔlɔɓo, Kɛlaa, hɛn kilimąą nuą da vɛli, ya ɓə Yálá a di kɔ́ la.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 16:1

Nu a mɛ̨nįɠaa mąą kili tee gwəi, Yai-Laa ɓə a ɉeegbąɲą.

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Maafîu 5:3

«Nwun na nɛ̨ɛ̨ nuą ɓaa nuąi da di kpɔɔ mąą yɛɛ. Mąąhɔlɔɓo, Yálá-taa tɔɔlaa kaa a di wɔ!

Lomaŋ 8:26

Bələi tii ɓə, Kili-Mąąhəɠɛɛ a kpɔnmąą tɛɛ la gu wɔ hvįikpɛɛlaa pɔ. Mąąhɔlɔɓo, gu hva Yálá hvɛli yɛ bələi mąąnɛ̨ɛ̨ la. Kɛlaa, Gilii yaa kpįnįi ɓə a kɛ wɔlɔi, yɛ ɲįŋɛ̨ gu mąą mɛ̨nį ɓa, a wooɠaai gu hva pɛli moi.

Ifisiɛŋ 2:18

Ɛlɛɛ, Kristə háálai ɓə, guɔ mąn, diɛi tii mąn, gwa pɛli lɛɠɛi la gu Nąn Yálá ɓa, Kili-Mąąhəɠɛɛ tanɔ̨n ti hu.

Ifisiɛŋ 3:12

Laa na laa háálai, Kristə hu, lɛɛgbɔwɔ ɓa laa kaa ká gu yəi guɔ pɛli lɛɠɛi la Yálá ɓa kilitɔɔmąą laa hu.

Zĩi 4:10

'Ká ká kpɔwɔ mąąyɛɛ gu Ną́mu yee mu, gaa a pai ká muhəɠəi.

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Piɛrə dɔlɔɔ 3:12

Mąąhɔlɔɓo, gu Ną́mu Yálá ɲɛ̨i kaa tələnmo nuą mɛ̨i, ɛlɛɛ, nwəli tɔɔ di wɔ hvɛli woo ɓa; kɛlaa, gu Nąmu Yálá a ɲɛ̨i ɲɔ̨nwɔ̨ɔ̨ hee mɛ̨nį ɲɔ̨n gɛ nuą diɛ.»

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»