Mąątɛ̨nɛ̨ 1:1 - Yálá laawoo hɛɓɛ (dc)

¹ Nwun na nɛ̨ɛ̨mun maa, nui hvo nu ɲɔ̨nwɔ̨ɔ̨ɠaa di wɔ liɛwoo pɔ, hva hiɛ nɛ̨ŋɛ̨n ɉəɠə nuą di wɔ pələi mɛ̨i, ɛlɛɛ, hva hee nuąi da yɛlɛ kulɔ Yálá hu, di lɔwai.

Yálá laawoo hɛɓɛ

¹ Nwun na nɛ̨ɛ̨mun maa, nui hvo nu ɲɔ̨nwɔ̨ɔ̨ɠaa di wɔ liɛwoo pɔ, hva hiɛ nɛ̨ŋɛ̨n ɉəɠə nuą di wɔ pələi mɛ̨i, ɛlɛɛ, hva hee nuąi da yɛlɛ kulɔ Yálá hu, di lɔwai.

Bible

¹ Lûwa káa diai dîa dífa díwoli tɔ̀ɔ núu ŋ̀wana-lɔ̂ɔ-ƃelai dília-woo mai, kpaa máŋ dí dítûa-pere maa kɔ́ri, kpaa máŋ dí pîlaŋ diai pôlu dífe kpáaŋ ní Ɣâla mɛni mai.

Mąątɛ̨nɛ̨ 1:1 ပူးပေါင်းရင်းမြစ်များ

Zɛnɛse 49:6

Kɛlaa, və́ too ka pɔ, ka wɔ lɔgilii laa hu. Vá too di pɔ di wɔ ɲąąkpɔnŋąą hu. Mąąhɔlɔɓo, di lii ə holi, di paa ɓo kɛ. Di nwąnąlɔ kulɔ a nįŋɛ̨ɠaa diɛ di tɔɔ-tɔɔɠaa tee diɛ.

Zɛnɛse 5:24

Henɔkə da Yálá di nɛ̨ɛ̨yɔwɔ laa kɛ, yili pulu, nu ta hvo kɛa gaa. Mąąhɔlɔɓo, Yálá ə ɉəɠə ə nɛɠɛ mą.

Tɔɔɓɛlaa dɔlɔɔ 16:31

Vilɛn mɛ̨nį Nevatə lon Ɉeroboamə nwɔ nɛ̨ŋɛ̨nŋąą pulu, yili lɔ hvəi, ə li kpɔ, ə Sidɔn nuą di wɔ tɔɔmun Ɛtbaalə lon Ɉezabɛlə həɠə a nɛ̨ą; ɛlɛɛ, ə li yɛ Baalə mąąwiɛ, yɛ kwɛli hvilɛn mą.

Kɔlɔnikɔ Veerɛi 22:3

Akaziasə yaa kpɛlimąn, ə hvilɛn Akabə nwɔ pɛlɛ́i mu nuą kpaalə hu, hvo gaai, nee ɓə kɛi niɛwooɓo a túwɔ́ pələ ɲɔ̨n gɛɛ.

Zôo 10:3

Ə́ kwəinɛ̨ɛ̨ mɛ̨nį ɓaa yɛ́ níí kələn gwə́i? Yɛ́ wɛli kpɛɛ mąą laa kulɔ a ə́ yee kɛ koló; Yɛ́ nu ɲɔ̨nwɔ̨ɔ̨ɠaa kɛ koló dɔlɔ kɛ mą?

Zôo 21:16

Hɛn gəlee hvo mɔ̨ɔ̨ nuąi ti yəi? Túwɔ́ pələ ɲɔ̨n gulɔ nuą di hva mɔ̨ɔ̨ Yálá kulɔ di wɔ kiliŋąhiɛ hu?

Zôo 31:5

Akɛ, kwa lɛ́ɛ́ kwaa ta pələ kpɔn, Gɔ́wɔ́ aa ta li mɛ̨nį ɲɔ̨n bɔ pələ,

Mąątɛ̨nɛ̨ 1:6

Mąąhɔlɔɓo, Yai-Laa ə tələnmo nuą kpaalə kɔ́lɔn, Kɛlaa, nu ɲɔ̨nwɔ̨ɔ̨ɠaa kpaalə hu a kala.

Mąątɛ̨nɛ̨ 106:3

Nuąi da tɛ̨ą mɛ̨nį kɛ, di nwun na nɛ̨ɛ̨i, a diɛi ti da tələnmo yíi ɓo a yələ kəlee!

Mąątɛ̨nɛ̨ 112:1

'Kánikookwəi! Nui a ɲɔw Yai-Laa ɓa, nwun na nɛ̨ɛ̨i, a nui kpɔ tii a nwɔ tiɓoɠaa wɛlilakɛi.

Mąątɛ̨nɛ̨ 119:115

Kaai a mɛ̨nį ɲɔ̨n gɛ nuą, 'ka mą́ą́ laa, gɛ́ nwɔ́ Yálái nwɔ tíɓoɠaa kɛ.

Mąątɛ̨nɛ̨ 144:15

Nwun na nɛ̨ɛ̨ nuą ɓaa, a nuąi mɛ̨nį huwui tii kəlee kaa di yəi! Nwun na nɛ̨ɛ̨ nuą ɓaa a nuąi Yai-Laa kaa a di wɔ Yálá.

Mąątɛ̨nɛ̨ 146:5

Nui Ɉakɔbə nwɔ Yálá tɔɔ bulu, nwun na nɛ̨ɛ̨ ɓə, a nui tii a gilitɔɔ Yai-Laa ɓa, yai a nwɔ Yálái.

Mąątɛ̨nɛ̨ 146:9

Yai-Laa a nwɛ̨ąą mąąkɔ̨nwɔ̨, a ɲee hee təlilon da kalanin di mu. A mɛ̨nį ɲɔ̨n gɛmun dɛɛ kpaalə hu kala.

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Mąątɛ̨nɛ̨ 26:12

Gɔ́wɔ kaa pələ hąŋąą mɛ̨i, Yai-Laa, gáá pai kɛi ə́ laa tɛi ɲąąkpɔnŋaa hu.

Mąątɛ̨nɛ̨ 34:8

Yai-Laa nwɔ malaka kaa tɔɔni, nuąi da ɲɔw mą di kwɛlɛ, ɛlɛɛ, yɛ di kulɔ mɛ̨nįi.

Mąątɛ̨nɛ̨ 36:4

Kɛɛ kala mɛ̨nį da nu ɓowo mɛ̨nį lɔ ɓə gaa na, mɛ̨nį lɛlɛɛ kɛ kili hvo mą.

Mąątɛ̨nɛ̨ 64:2

Yálá, 'ə́ wəli tɔɔ nwɔ́lɔ́ woo ɓa! Yɛ́i nwɔ́ yɛ̨nɛ̨ɛ̨ mą́ą́ kɔ̨nwɔ̨, ɲówó mąą ɲɔwuɔ yəi.

Mąątɛ̨nɛ̨ 81:12

Kɛlaa, nwɔ́ nu huwui hvo kɛ nwəli tɔɔ li nwóó ɓa, Israɛlə hvo gɛli mą́ą́.

Mąątɛ̨nɛ̨ 84:12

Mąąhɔlɔɓo, Yai-Laa nwɔ́ Yálá kaa a hvoló, Yɛ ɓo a nu mąą kpɛ gbanąn, Yai-Laa a nu kɔ́ a nɛ̨ɛ̨laa, da ɲɛ̨i pɔ̨nɔ̨. Nuąi da hiɛ a ɉaŋąą, hva di kunwɔ̨ a nwun nąnɛ̨ɛ̨.

Hanwon 1:15

Nón, ka diɛni ka hvo hiɛ gee pulu laa kɛ, ə́ mąą kwɛa di kpaalə ɓa.

Hanwon 1:22

«Kilikpɛɛgwəimun! Ə́ kaa pai lɛɛi kilikpɛɛgwəilaa hu, ə lɛɛ ɉu lə yələ? Yɛlɛkulɔ ɉumun! Ə́ kaa pai lɛɛi yɛlɛkulɔ ɉu kɛi, ə lɛɛ ɉu lə yələ? Mįnɛ̨ lɔwai ɓə ɓowo nuą kaa pai mɛ̨nį kɔlɔn ŋąą wɛlilakɛi la?

Hanwon 13:15

Nui kili kaa mą, mąą nu wɛli a too nuą diɛ, Kɛlaa, nuąi da di woo kala, di wɔ pələi, laa kulɔi hvo mą.

Hanwon 13:20

Nui a hvilɛn kilimąą nuą pɔ, a kɛ a kilimąą mun, nui a kanąn kilikpɛɛgwəi nuą diɛ, a ɉu mɔ̨nɔ̨ mįi.

Hanwon 19:29

Hutɔɔ hvaɠa kaa a yɛlɛ mąą kɛ nuą di wɔɔ, ɛlɛɛ, gbɔn ə ɓo kilikpɛɛgwəi nuą hąą.

Hanwon 2:12

Kili a kpɔnmąą tɛɛ ə́ pɔ, hva mɛ̨nį ɲɔ̨n gɛ. A ɲee kɛ yɛ́ ka lɛɛmun ka lɔwai,

Hanwon 3:34

Yai-Laa a yɛlɛkulɔ yɛlɛmąą kɛ nuą hu, Yɛ ɲɛ̨i lɛlɛɛ hee kpɔwɔmąą yɛɛ nuą diɛ.

Hanwon 4:19

Nwąnąlɔ nuą di wɔ pələi hu kpinįɛ, hɛn a di too, di hva gaa.

Hanwon 9:12

Ya kɛ a kilimąą mun, yáá kpinįi ɓə yá dɔ̨nɔ̨ hɔlɔɓo; yá kɛ a yɛlɛkulɔ ɉumun, yɛ́ tɔ̨nɔ̨ ɓə ya mɔ̨nɔ̨ mįi.

Ɉeremi 15:17

Və́ kɛ gwə́inɛɛ mɛ̨nį kwɛli li ɓowo pələ kɛ nuą pɔ. Ə́ yee huwalawala, ə dɔ́ɔ́ a déé. Hvo gaai, ə́ nwɔ liikələn gwəi aa hee ɉú kpɔ kɛnɛ̨.

Ɉeremi 17:7

Kɛlaa, nui a gilitɔɔ Yai-Laa ɓa, lúwɔ́ kaa mą. Yai-Laa a kɛ a gilitɔɔi.

Izikiɛ 20:18

«Ŋą́ mo di lonnii diɛ nɔi pun ɉu, gɛ́ diɛ: Ka hvo hvilɛn ka nąnni hiɛ pələ pulu, ka hvo di yii pələ pɔɔ kɔ́ɔn, ka hvo ka mąąliɓi a di wɔ haliɠaai.

Maafîu 16:17

Jesus ə mo Piɛrə ɓa, yɛ mą: «Simɔn, Ɉonasə lon ɉulɔnu, ə́ nwun na nɛ̨ɛ̨i; mąąhɔlɔɓo dɛ̨ą ŋɛ̨i yaa mo, nu hvəə a nɛ nu ɓa; hvɛɛ Ną́n Yálá yai gaa yələkɔlɔn ɉu, ya ɓə a pɛli nɛi nu ɓa.

Lukə 11:28

Kɛlaa, Jesus ə nwoo pulu pənə yɛ mą: «Nuąi mun di nwun na nɛ̨ɛ̨, diɛ ɓaa: nuąi da Yálá laawoo mɛ̨n, diɛ bɔ mɛ̨nį kɛ.»

Ɉaan 13:17

Kaa yiliɠaai kɔ́lɔn, ka bɔ mɛ̨nį kɛi, ka kɛ a nwun na nɛ̨ɛ̨ nuą.

Ɉaan 20:29

Jesus yɛ mą: «Gáái ə́ mo, ya ɓə gɛ yɛ́ laa ná; kɛlaa, nuąi di hvo gáá li, diɛ laa ná, di nwun na nɛ̨ɛ̨i.»

Lomaŋ 5:2

Ɉaalai, gwa pɛli kɛa gu mąą lɛɠɛ Yálá ɓa, laa na laa pɔ pələ, nwɔ mɛ̨inɛ̨ɛ̨ hu ɓə, gwa gu kpɔwɔɲąą kɛnɛ̨, a kilitɔɔmąąlaa Yálá mąąwiɛ pələ hu.

Ifisiɛŋ 6:13

'Ká Yálá ŋą kuláá hɛnŋaai həɠə kani, ə gɛ, ɲələ ɲɔ̨nwɔ̨ɔ̨ a həli, káá pɛli tɔɔi na, káá kpɛɛ kɛa a mɛ̨nį kəlee kɛɛ, káá lɛɛ tɔɔni.

Dutɛrɔnome 14:6

huwɔɠaai kpɔ di kɔ́wɔ ɲąnin mɛlaɓoɔ ɉu hveelɛ, a hɛn mįi yɛ pənə yɛ dɛ na, yɛ dɛɠɛ-tɛɠɛ mįi, ka pɛli yiliɠaai mįi.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Piɛrə dɔlɔɔ 4:3

A tɛ̨ą, yii tii kɛ, aa pɛli ɉu, a yai wɔlɔ ká gɛ hali pulu yíi hu, káá tuwɔ pələ ɲɔ̨n ɉuwu kəlee kulɔ, ɲɛ̨i kulɔ bɔɠaa, lɔɔ hon naa, kwəi kɛnɛ̨ laa, lɔɔ kpələ kpɔn naa, da hali ŋą mąąliɓi mɛ̨nįɠaa.

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.