Maafîu 9:15 - Yálá laawoo hɛɓɛ (dc)

¹⁵ Jesus ə di woo ŋąąpənə yɛ diɛ: «Gaa ka kwəi, nɛ̨ą həɠəmun mɛlaa da mąąwɛli hee ɓo a nɛ̨ą ya yələ? Yili hva kɛ tii. Kɛlaa, gaa pai kɛi a yələ ta, nɛ̨ą həɠəmun tii kaa pai həɠəi di pɔ; nąąlɔwai ɓə da hin nɔ la.

Yálá laawoo hɛɓɛ

¹⁵ Jesus ə di woo ŋąąpənə yɛ diɛ: «Gaa ka kwəi, nɛ̨ą həɠəmun mɛlaa da mąąwɛli hee ɓo a nɛ̨ą ya yələ? Yili hva kɛ tii. Kɛlaa, gaa pai kɛi a yələ ta, nɛ̨ą həɠəmun tii kaa pai həɠəi di pɔ; nąąlɔwai ɓə da hin nɔ la.

Bible

¹⁵ Nya ƃe Zîsɛ è mò dîa, ǹyɛɛi, “À kɛ̀ nɛnî-kula-surɔŋ à kɛ̀ naa, nɛni-kula-kúui su-ƃelai da wɔ̂lɔ? Ŋele-kuu-ŋai da pâi pâi, tãi da pâi nɛnî-kula-surɔŋ kulâi la díyêei. Maa-tãi tí ƃe da pâi pilîi la súŋ su.

Maafîu 9:15 ပူးပေါင်းရင်းမြစ်များ

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Maafîu 9:14

Nąąlɔwai, Ɉaan-Batistə nwɔ kalan nɛai di pa diɛ Jesus ɓa: «Lə mɛ̨nį ɓa kwa Farisiɛ̨ɠaa kwa hin nɔ, ə́ wɔ kalan nɛai di hva hin nɔ?»

Maafîu 9:16

«Nu hva həɠə mɛla nįnɛ̨ ta tee mą, yɛ həɠə pɔlɔ woloi hɔlɔ la. Mąąhɔlɔɓo, ɉəɠə ɓɛla nįnɛ̨i tii a kɛi kulɔ bɔlɔ ɓa, a nwolo hu kɛnɛ̨.

Markə 2:19

Jesus ə di woo pulu pənə yɛ diɛ: «Gaa ka kwəi ɓɛlɔwai nɛ̨ɛ̨gbɛla ɉilɛ a mɛlaa təli la hvulú lɔ kwəinɛ̨ɛ̨ ɓa, nąąlɔwai ɓə da kɔ̨nɔ̨n nɛɛ la laa? Kpaa! Yili hva pɛli kɛi tii; di hva pɛli hín nɔi nąąlɔwai.

Markə 2:20

Kɛlaa, yələ ta, nɛ̨ɛ̨gbɛla ɉilɛ a həɠə mɛlaa pɔ, nąąlɔwai ɓə di kaa pai hín nɔi la.

Lukə 17:22

Yili pulu ə mo nwɔ kalan nɛai diɛ, yɛ diɛ: «Volóɠaa ŋɛ̨i ka Nu Lon ni ka káá la ka kee ɓa, gaa pai kɛi a hvóló ta, kaa volóɠaa tii ta wɔlɔ ɓo, kɛlaa, ka hva kɛa da kaa.

Lukə 5:34

Jesus ə di woo pulu pənə yɛ diɛ: «Gaa ka wɔ kwəi ɓɛlɔwai nɛ̨ɛ̨gbɛla ɉilɛ a mɛlaa təli la nwɔ húlú lɔ kɔ̨nɔ̨n ma, nąąlɔwai ɓə da hin nɔ la? Nwɛ́i, gɛ́ diɛ: Kpaa!

Lukə 5:35

Kɛlaa, ɓɛlɔwai di kaa pai nɛ̨ɛ̨gbɛla ɉilɛ həɠəi la mɛlaa pɔ, volóɠaa tii hu ɓə da pɛli di hin nɔ la.»

Ɉaan 16:6

Nwoo ŋɛ̨i ŋį́ mo kaa, aa ka liihɛlɛn.

Ɉaan 3:29

Nɛ̨ą nąmu pɔɔ ɓaa nɛ̨ą, kɛlaa, nɛ̨ą nąmu mɛlan a tɔɔ mɛlan gwɛlɛ yɛ nwoo mɛ̨n, a kɛi nɛ̨ą nąmui tii woo mɛ̨n, gwəi yɛ nɛɛ kpɔ kɛnɛ̨. Pələ ɓə nwɔ kwəinɛ̨ɛ̨ kaa la, ə lɛɛ, nwɔ kwəinɛ̨ɛ̨ laa aa hvɛɛ.

Gɛlaɠaa 14:23

Galan gbɔn tɛitɛi hu, di di yee lɛ nu taɠaa diɛ, a kalanɉonŋaa; di kɛli Yálá hvɛli, diɛ hin nɔ, di di kalihva ɓo gu Ną́mu ɓa, a Ɲálái ti di di yee hee mąą mɛ̨nį mui.

Korɛntə dɔlɔɔ 7:5

'Ká hvo lənə ka kee ɓa, hvo kɛli ə kɛ a ka nu hveelɛi ka laa mąą woo, kaa gɛ tii Yálá hvɛli mɛ̨nį ɓa. Yili pulu, ka pənə ka ɉilɛtaai yíi ɓo yɛ bələi mąąnɛ̨ɛ̨ la, a wala kɛ tii ka wala pɛli ka kpɔwɔ hu hon ɉii, ka too ɓilihi ŋą ɲąąhɛn hu.

Korɛntə veelɛ 11:27

Hvįikpɛɛ da mɔ̨nɔ̨, yíi kpəlin damąą, pulu, kwaną kpala, hín nɔɔ tamąą, kwɛ́lɛ́, da tənə;

M̀ɛni-lɛɛi 19:9

Malaka ta yɛ mą́ą́: «'Bɛ̨ɛ̨! Nwun na nɛ̨ɛ̨mun maa, nuąi di təliɛi mɛlaa lon ŋą hululɔ hɛlii ɓa!» Yɛ nwɔ̨nɔ̨ mą́ą́: «Yálá kpinįi woo li.»

M̀ɛni-lɛɛi 21:2

Ɛlɛɛ, ŋą́ daa mąąhəɠɛɛ kaa, yai a Ɉerusalɛmə nįnɛ̨, yɛ həɠə Yálá kwɛlɛ, yələkɔlɔn ɉu, yɛ nɛ̨ɛ̨gbɛlai aa gbɔwɔ pɛli a nɛlɛɛ ɉilɛ mąą mɛ̨nį ɓa.