Maafîu 6:5 - Yálá laawoo hɛɓɛ (dc)

⁵ «Ka kɛi Yálá hvɛli, ka hvo gɛ yɛ tɛ ɲɛ̨i mɛ̨nį kɛ nuą; diɛi da kɛ bɔ, diɛ ɓo tɔɔni diɛ Yálá hvɛli di wɔ Yálá hvɛli pɛlɛ́ɠaa mu, da pələ taŋąnnaɠaa; ə gɛ, nuą di di kaa. Gáá moi kaa a tɛ̨ą, daa gbɛa di hvɛla hɔlɔɓo.

Yálá laawoo hɛɓɛ

⁵ «Ka kɛi Yálá hvɛli, ka hvo gɛ yɛ tɛ ɲɛ̨i mɛ̨nį kɛ nuą; diɛi da kɛ bɔ, diɛ ɓo tɔɔni diɛ Yálá hvɛli di wɔ Yálá hvɛli pɛlɛ́ɠaa mu, da pələ taŋąnnaɠaa; ə gɛ, nuą di di kaa. Gáá moi kaa a tɛ̨ą, daa gbɛa di hvɛla hɔlɔɓo.

Bible

⁵ “Yà kɛ̀ Ɣâla fɛlîi, ífe gɛ̀ yɛ̂ɛ giri-ƃelai. Kpɛ́ni fêi, da ŋ̀wɛli dí tɔɔ Ŋ̀âla-fɛli-kêre-ŋai mu da bere-tãaŋ-ŋai lá díkɛ Ɣâla fɛ̀li a gɛɛ nûa dí díkaa. Ŋá tɔ̃yâ ƃoi kâa, da dífela-fei sɔlɔ ƃô.

Maafîu 6:5 ပူးပေါင်းရင်းမြစ်များ

Mąątɛ̨nɛ̨ 5:2

Ə́ wəli tɔɔ nwóó ɓa, Yai-Laa, ə́ wəli tɔɔ kpɔ a nɛlɛɛ, nwɔ́lɔ-woo ɓa.

Mąątɛ̨nɛ̨ 55:17

Nwɛ́i Yálá ɓə gáá nwóó tɛi bɔ pələ, ɛlɛɛ, Yai-Laa ɓə a nwún mąąɓo.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 16:5

Kpɔwɔ ŋąą kɛnɛ̨ nuą kəlee wɛli kpɛɛi Yai-Laa ɓa, di hvo pai lɛɛi lɔ tii, di hutɔɔ mɛ̨nį hva ɉəɠə mą.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Ɉeremi 29:12

Ka mą́ą́ hiɛ kulɔ pai kɛi, kaa pa ɓɛ, káá də́li a náá, káá vɛ́li, ɲą́ą́n ŋą́ ɲéé hee ka woo mu.

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Maafîu 21:22

Akɛ ka laa Yálá la, yii lɔpee ka vɛli mą a dɛɛ ka pɔ.»

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Maafîu 23:5

Da di kɛ mɛ̨nįɠaa kɛ nuą ɲɛ̨i ɓa, ə gɛ di di kaa. Ka di tɔwɔla kaa, Yálá nwɔ tɔ́n taɠaa pɛ̨ɛ̨ kaa huwɔ kɔ́lɔ hu, a mɛla ɲa kɛnɛ̨ bəlɛɛ di tɔwɔla. Daɠaa yiliɛɛ di yee ɓa. Ɲalai da dɔɔ di wɔ həɠəɠaai mu, gaa a mɛla ŋą kɛnɛ̨.

Maafîu 23:6

Da di təli kwəinɛ̨ɛ̨ kɛɛnąą. Laa mįi mɛ̨nį ɓa, da kɛ bɔ di hee tɔwɔ pələ nu kpɛa-kpɛaɠaa heei; da lɔ di wɔ Yálá hvɛli pɛlɛ́ɠaa mu, tɔwɔ pələ lɔ ɓə da gwɛli di hee la.

Maafîu 6:1

«Ka gɛ a nɛlɛɛ, ka hvo ka wɔ kalan non naa, mąą túwɔ́ pələ kulɔ nuą ɲɛ̨i ɓa, ə gɛ, di ka káá. Akɛ ka gɛ tii, ka Nąn Yálái yələkɔlɔn ɉu, hva kɛa ka hvɛla kulɔ.

Maafîu 6:16

«Ka kɛi hin nɔ, ka hvo dɔɔ ka ɲɛ̨i, yɛ bələi tɛ ɲɛ̨i mɛ̨nį kɛ nuą da gɛ la. Da di ɲɛ̨i laai mąąhvalin, ə gɛ, nuą di gaa diɛ di kaa hin ɉu. Gáá moi kaa a tɛ̨ą, di hvɛla lɔ ka tii da ɉɔlɔɓo.

Maafîu 6:2

Akɛ yá kɛi mąąwɛli mun gɔ́, a hɛn da, hvo ə́ kpɔɔ mɛ̨i lolo too, yɛ bələi tɛ ɲɛ̨i mɛ̨nį kɛ nuą da gɛ la, di wɔ Yálá hvɛli pɛlɛ́ɠaa mu; da pələ leeɠaa mɛ̨i; ə gɛ, nuą di di mąąwiɛ. Gáá moi kaa a tɛ̨ą, daa gbɛa di hvɛla hɔlɔɓo.

Maafîu 9:38

Yili ɓa, ka díi nąmu hvɛli, ə gɛ, ə mɔ̨nun dee nuą tamąą tɛɛ di nwɔ mɔ̨nun tee.»

Markə 11:25

Ɓɛlɔwai ka káá Yálá hvɛli la mɛ̨nį ta hu, akɛ mɛ̨nį ta kaa ka nu ta ka lɔwai, gbɛa mąą nu mąąhvaalɛɛ. Ya ɓə a gɛ ka Nąn yii gaa yələi ə kaa kpɛli ka mąąhvaalɛɛ ka kɛ nɛ̨ŋɛ̨nŋąą diɛ.

Markə 12:38

Nuą ŋɛ̨i Jesus ə kɛi di mąąkwɛli, ə mo diɛ, yɛ diɛ: «Ka gɛ a nɛlɛɛ tɔ́n galamɔ̨ɔ̨ɠaa mąą mɛ̨nį ɓa. Di kaa ɓo di həɠə kpɛa-kpɛaɠaa kɛ diɛ, diɛ hiɛ la; nuą daa kɛi di tuwɔɓo, diɛ di mąą yɛɛ di kɔ́wɔ mu.

Lukə 11:43

«Farisiɛ̨ɠaa, kpalo ɓɛlaai kaa! Ka lɔ Yálá hvɛli pɛlɛ́ɠaa mu, tɔwɔ pələ ɓə ka gwɛli kaa hee la. Ka káá bɔ, nuą daa kɛi ka tuwɔ ɓo kpɔn ɉu, diɛ di mąą yɛɛ ka kɔ́wɔ mu, əgɛ, nuą di ka mąąwiɛ kili kɔ́lɔn.

Lukə 18:1

Jesus ə ɉanwon ŋɛ̨i hɔɔ diɛ, əgɛ, ə nɛ diɛ, yɛ diɛ: ka hvo kpəla Yálá hvɛliɛ ɓa.

Lukə 18:13

«Nįįhɔ̨nwɔ̨ kulɔ mun tii nwɛi, ə kɛ tɔɔni kwɛaa la, hvo kpɛli kɛ bɔ hvo ɲɛ̨i hee ɲələi. Kɛlaa, ə kɛi gəŋəi kɛlɛ, yɛ nwoo laa, yɛ kɛ diɛ: ‹Éé Yálá! Ɲɛ̨́i mąą wɛli kaa, gáá a nɛ̨ŋɛ̨n ɉəɠə mun.›»

Lukə 20:47

Da too galanən nɛ̨ą mɛ̨i di di yəi hɛnŋąa həɠə, ɛlɛɛ, diɛ lamun Yálá hvɛliɛ hu, əgɛ, di di kpɔwɔ lɛ a nu lɛlɛɛɠaa, di wɔ gahoi kaa pai walawalai.»

Lukə 6:24

«Kɛlɛɛ, kpalo ɓɛlaai kaa, kaa yii ka káá a hɛn gɔw nąmįną, mąąhɔlɔɓo, hɛn gəlee kaa ka yəi, ka hvo kɛa tinąą pai mɛ̨inɛ̨ɛ̨ takpɛli hɔlɔɓoi.

Ɉaan 16:24

Ka hvo ta hɛn da hvɛli li náá hu. Ka hɛn da hvɛli ka ɉɔlɔɓo, ya ɓə a gɛ ka wɔ kwəinɛ̨ɛ̨ laa ə kulɔ.»

Ifisiɛŋ 6:18

Gɛ Kili-Mąąhəɠɛɛ ə hvɛli woo kɛ pələ huwui lɔpee gəlee lɔ ká la, da nɛ̨ɛ̨mąą hvə woo mɛ̨nį kəlee hu, káá lɛɛ a ká ɲɛ̨i, káá Yálá hvɛli Kristalɛa kəlee diɛ.

Tɛsalonikə dɔlɔɔ 5:17

'ká hvo kpɛla Yálá hvɛliɛ ɓa,

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»