Maafîu 6:19 - Yálá laawoo hɛɓɛ (dc)

¹⁹ «Ka hvo ka wɔ hɛn gɔw laaikɛ ɲɛnɛ̨ɛ̨ ŋɛ̨i hu, ɓɛi koló a pu laa hɛnŋąą hu, kpɛ̨ɛ̨ yɛ hee daɠaa diɛ, nwuɔ̨ nuą diɛ pɛlɛ laa yali, diɛ nwuɔ̨ kɛ laa.

Yálá laawoo hɛɓɛ

¹⁹ «Ka hvo ka wɔ hɛn gɔw laaikɛ ɲɛnɛ̨ɛ̨ ŋɛ̨i hu, ɓɛi koló a pu laa hɛnŋąą hu, kpɛ̨ɛ̨ yɛ hee daɠaa diɛ, nwuɔ̨ nuą diɛ pɛlɛ laa yali, diɛ nwuɔ̨ kɛ laa.

Bible

¹⁹ “Káfe tɔɔ-sãa lâai kɛ̀ ǹɔii su kákpîŋ mɛni ma ƃɛi fili da kpɛ̃ɛ da pɔ̂ri garâi naai, da ƃɛi ŋúma-ƃelai da pɔ̂ri liî naa dí ŋumai.

Maafîu 6:19 ပူးပေါင်းရင်းမြစ်များ

Zôo 24:16

Kpini ɓə nwuɔ̨ nuą da wolo ɓɔ la pɛlɛ ɓa, yələ a ɓɔ, diɛ di loo, ə lɛɛ, di hvo kɛɛ pɔ̨nɔ̨ pɔ.

Zôo 31:24

Akɛ ŋą́ą́ gílitɔɔ hɛni ɓa, akɛ ŋą́ą́ ta kɛ Kúwɔ́-kwɛni ɓa: «Mą́ą́ kpɛ́ hɛn.»

Mąątɛ̨nɛ̨ 39:6

Hvo gaai, yáá nwɔ́ hvólóɠaai hu kpuwɔ kɛnɛ̨, ɛlɛɛ, nwɔ́ yɛnɛ̨ɛ̨ kaa kpɔ a lə, ə́ ɲɛ̨i ɓa? A tɛ̨ą, nu hu kilinŋąą kaa lɔ ə́ ɲɛ̨i ɓa hvɔan-hvɔan, yɛ hvaŋą.

Mąątɛ̨nɛ̨ 62:10

A tɛ̨ą, nɔi lonnii kaa kpɔlɔ yɛ nu nɔ̨ɔ̨n ɉii tanɔ̨n, nu kpɛa-kpɛa kaa kpɔlɔ a lɛɛ. Da di kɔ́ɔn, hvąŋą a kɛ a nwiaa dɛɛ diɛ.

Lɛɛ gbɔwɔ ɓa 22:2

Kɛlaa, kɛɛ hu a kɛ a bonɔɔ, hvóló yɛ hɔɔ, da ɲąmą kwələ kulɔ. Nu a nwuɔ̨ kɛ, a nwuɔ̨ mɛ̨nį kpɛɛ; hɛn da a wala kɛ nwuɔ̨mun ɲəi, yɛ pɛli mąą mɛ̨nį kpɛɛi la, mąąnɛ̨ɛ̨ di nɔwɔtɔɔ di nwuɔ̨ mɛ̨nį kpɛɛ la.

Hanwon 11:4

Akɛ ya gwɛli yɛ pələi da walə kwɛli la, ə́ gwɛli pələ kɛ yɛ hɛn gɔw yii noɔ,

Hanwon 16:16

Kili hviɛlaɓoɔi, hɛni hu waa kɛɛ nu yəi ɓa. Nu nwun gɛɛ ɉu hviɛlaɓoɔi ə tɛɛ wali kɛɛ nu yəi ɓa.

Ikilisiati 2:26

Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Maafîu 19:21

Jesus yɛ mą: «Akɛ ə́ kaa bɔ ə́ mąą mɛ̨nį laa ə hvɛɛ, li, Ɉɛnɉaai gaa ə́ yəi, ə́ gəlee lɔwɔ́tɔɔ, ə́ nwali ɉaa kwɛlɛ yeehowolo nuą diɛ. Yili pulu ə́ pa ə́ hvilɛn búlú. A kɛ tii ya kɛ a hɛn gɔw nąmu Yálá-taa tɔɔlaa hu.»

Maafîu 6:20

Kɛlaa, ka ka wɔ hɛn gɔw laaikɛ yələkɔlɔn ɉu, ɓɛi koló hva pu laa hɛn da hu, kpɛ̨ɛ̨ hva hee la hɛn da ɓa, nwuɔ̨ nuą di hva pɛlɛ laa yali laa, diɛ nwuɔ̨ kɛ.

Lukə 12:21

Jesus ə yii laa mɛ̨i yɛ diɛ: «Bələ kpɔlɔ ɓə gaa la, nuą da hɛn gwɛli diɛ nąąi kɛ di kpɔɔ mąą mɛ̨nį ɓa; kɛlaa, di hvo a hɛn nąmu Yálá ɲɛ̨i ɓa.»

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Lukə 12:39

Ka gɔlɔn kaa diɛ, akɛ pɛlɛ́ nąmu ə nwuɔ̨mun bai lɔwai kɔ́lɔn gɛ, hvo li lɛɛ hee ni, di hvo nwɔ pɛlɛ́i laa yali, di hvo ɉɛnŋąą həɠə.

Lukə 18:22

Yii kɛa Jesus ə nwoo tii mɛ̨n, ə mo mą, yɛ mą: «Mɛ̨nį tɔ̨nɔ̨ kaa laa yii mąąnɛ̨ɛ̨ ə́ gɛ, ya ɓaa: Li, ə́ ə́ yəi hɛnŋąa kəlee lɔwɔ́tɔɔ, ə́ nwali ŋąąkwɛlɛ yeehvowolo nuą diɛ. A kɛ tii, ya kɛ a hɛn gɔw nąmu Yálá-taa. Yili pulu, pa ə́ hvilɛn búlú.»

Lukə 18:24

Yii kɛa Jesus ə gaa yɛ mɛ̨nįi tii aa nui tii hviikpɛɛ, ə mo kɛa yɛ diɛ: «Ee! Hɛn gɔw nąamənąą lɔ laa walaai Yálá-taa tɔɔlaa hu!

Timote dɔlɔɔ 6:17

Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»