Maafîu 5:33 - Yálá laawoo hɛɓɛ (dc)

³³ «Ka mɛ̨n nwɔ̨nɔ̨ ŋɛ̨i, di wɔlɔ mo ka kálá pɔlɔni diɛ, diɛ mą: ‹Ya ə kwɛla hvo kɛ a lɛɛ. Kɛlaa, mɛ̨nį ya ə́ kwɛla ɉu, mąąnɛ̨ɛ̨ ə́ bɔ mɛ̨nį kɛ Nąmu Yálá ɲɛ̨i ɓa.›

Yálá laawoo hɛɓɛ

³³ «Ka mɛ̨n nwɔ̨nɔ̨ ŋɛ̨i, di wɔlɔ mo ka kálá pɔlɔni diɛ, diɛ mą: ‹Ya ə kwɛla hvo kɛ a lɛɛ. Kɛlaa, mɛ̨nį ya ə́ kwɛla ɉu, mąąnɛ̨ɛ̨ ə́ bɔ mɛ̨nį kɛ Nąmu Yálá ɲɛ̨i ɓa.›

Bible

³³ “Ka ŋɔnɔ nyiŋi mɛ̀ni dí wɔlɔ mò nuu pɔlɔ-ŋai diai, ‘Ífe ífòo a wôya-pere, kɛ́lɛ, fɛ̂ɛ í ífòo-wooi ŋa-see kɛ́ nyii í gɛ̀ Ínuu-namui Ɣâla yêei.’

Maafîu 5:33 ပူးပေါင်းရင်းမြစ်များ

Mąątɛ̨nɛ̨ 50:14

Haláái mąąnɛ̨ɛ̨ ə́ gulɔ Yálá ɓa, ya ɓaa: Ə́ gɛ mɛ̨inɛ̨ɛ̨ hu kɔlɔn, ə́ wooi ə́ gwɛlɛ Hɛn Gəlee mɛ̨imun ma, ə́ bɔ mɛ̨nį kɛ.

Mąątɛ̨nɛ̨ 76:11

Ə mą kɛ nu kanŋaa di wɔ líiholi, kaa a ə́ ɲɛ̨i pono hɛn, ɛlɛɛ, yiɠaai da kulɔ niiholii tii yəi, yá di kąnąn ɲɛ́.

Lɛɛ gbɔwɔ ɓa 20:7

«'Hvó Yai-Laa ə wɔ Yálá laa ɓo kpɛli-kpɛli. Mąąhɔlɔɓo, nui a naa ɓo kpɛli-kpɛli, Yai-Laa a mąą nui hutɔɔ.

Levetekɔ 19:12

Ka hvo ka kwɛla a Náá lɛɛ mɛ̨nį hu, yili a kɛ nəi a ə́ wɔ Yálá laa kala mɛ̨nį. Ɲą́ą́ ɓə gáá a Yai-Laa.

Maafîu 5:21

«Ka mɛ̨n ŋɛ̨i di kɛ ka kálani diɛ: ‹Ho nu paa. Nui lɔpee a nu paa, mąąnɛ̨ɛ̨ di gití tee.›

Maafîu 5:27

«Ka mɛ̨n ŋɛ̨i diɛ ka kala pɔlɔni diɛ: ‹Ho wɛli hɔn.›

Dutɛrɔnome 23:21

Ka kwələ tɔɔ nwɛ̨ą ɓa, ka kɛi gbɛ, ka tɔ̨nɔ̨ laa mɛ̨i. Kɛlaa, ka hvo gwələ taalə yili ta tɔɔ ka kaayɔwɔ ta ɓa. Ə gɛ Yai-Laa ka wɔ Yálá yɛ pɛli lúwɔ́ tooi ka kɛ kólóɠaa diɛ nɔi tii ka káá lɔi ɉu kaa hee laa.

Dutɛrɔnome 23:23

Kɛlaa, ka wala gɛ ka hvo hɛn da laakwɛlanmo a ka woo kwɛlɛɛ, nɛ̨ŋɛ̨n va kɛ kaa.

Dutɛrɔnome 5:11

«'Ka hvo Yai-Laa ka wɔ Yálái laa ɓo kpɛli-kpɛli mɛ̨nį hu; mąąhɔlɔɓo, nui a Yai-Laa laa ɓo kpɛli-kpɛli mɛ̨nį hu, Yai-Laa hva nɛɛ lɔ tii, yii hvo ɉutɔɔ li.

Dutɛrɔnome 6:13

Yai-Laa ka wɔ Yálái ɓə mąąnɛ̨ɛ̨ ka ɲɔw mą. Ya ɓə mąąnɛ̨ɛ̨ ka tí mą. Naa hu ɓə mąąnɛ̨ɛ̨ ka ka kwɛla la.

Timote dɔlɔɔ 1:10

wɛlikɛ nuą, nuąi da laa a di keeni, luwɔ lɔwɔtɔɔ nuą, lɛɛ kɛ nuą, nuąi da di kwɛla a lɛɛ, da nuąi kpɔ da kɔ pɛlɛ laa na laa mąąhəɠɛɛ ɓa, diɛ ɓə tɔn ɉeɛi di mɛ̨i.