Maafîu 5:22 - Yálá laawoo hɛɓɛ (dc)

²² Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Yálá laawoo hɛɓɛ

²² Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Bible

²² Kɛ́lɛ, ŋá m̀ôi kâa, ǹúui kélee a ǹíi ŋwâna gɔlɛ-ma-nuui ḿâ kpɛni-kpɛnii, maa nɛ̃ɛ̂i dí tɔ̂ŋ kpɛ́ maa-nuui tí ma. Ǹúui kélee a gɔlɛ-ma-nuui ŋumɛ̂i, maa nɛ̃ɛ̂i maa-nuui tí é tɔ́ɔ mɛni-ŋá-tee-kpɔŋ ŋ́ɛi-tuɛ. Ǹúui kélee a m̀ó, ‘Íƃoɔɔ̂i!’ maa nɛ̃ɛ̂i maa-nuui tí é kɛ́ Dɛ̂ƃele-taa ŋɔŋ ŋɔmɛni-kpɔ̂lui su.

Maafîu 5:22 ပူးပေါင်းရင်းမြစ်များ

Zɛnɛse 37:4

Ɉosɛfə niɛni di gaa diɛ, di nąn aa di ləɠə wɛli la kɛ aa dɛɛ diɛ. Ɉosɛfə wɛli ə kpɛɛ niɛni diɛ ə tɛɛ gɛi ɓa. Di hvo kpɛli kɛi nwɔ mɛ̨nį lɛlɛɛ ɓo.

Zɛnɛse 37:8

Niɛni diɛ mą: «Gaa ə́ kwəi ə́ kaa pai heei ku mɛ̨i, ə́ ku ɲąąwooɓo?» Nwɔ wɛli kpɛɛ mąąlaa ta ə pɛlɛ nwɔ̨nɔ̨ mą niɛni yəi, ɉįi tii ə gaa ə ɉukulɔ diɛ, mąą mɛ̨nį ɓa.

Samia Veerɛi 16:7

Nɛ̨ŋɛ̨n naa wooɠaai Simei ə kɛi mo diɛ ka, ə kɛi kɛ mą: «Li! Li! Ə́ nu paa mun gbɛlikpɛlii ŋɛ̨i.

Samia Veerɛi 6:20

Davidə ə pənə yɛ li ɲəi bɛlɛ́ laaləi, ə gɛ ə lúwɔ́ too ɲəi bɛlɛ́n nuą diɛ. Saulə lon Mikalə ə kulɔ, yɛ li naakwiɛn ɉii, ə tɔɔ Davidə lííla, yɛ mą: «Israɛlə tɔɔmun aa háákələi ɓaa lɔ gbɔwɔ ɓa-oo! Yɛ gbuwulu ɓo nwɔ luwɔɠaai di wɔ tí nɛ̨ąą yɛi ɓa, yɛ awala kɛ a nu ɓɛlɛ mąą.»

Tɔɔɓɛlaa dɔlɔɔ 21:4

Akabə ə pənə ə li bɔɔli yá ə laa gɔlɔi nii kələn ŋąą gwəi kpɔ kɛnɛ̨, nwooi Izreɛlə mun Nabɔtə ə mo mą, mąą mɛ̨nį ɓa. Yai ə kɛ la mą, vá pɛli ną́nni kwɛlin dɛɛi ə́ pɔ. Akabə ə laa ɲəi gbin ŋą, ə ɲɛ̨i tinɛ̨n bɛlɛ́ pɔ pələ, ɛlɛɛ, hvo gɛ hvo kɔ̨nɔ̨n mįi nii kələn bələ ɓa gwəi.

Kɔlɔnikɔ Veerɛi 16:10

Asa lii ə holi gwɛlɛɛn gɛɛkaamun tii pɔ, ə ɉon, ə doo gaho ŋą. Mąąhɔlɔɓo, nii ə holi bɔ mɛ̨nįi tii hu. Nąąlɔwai, Asa ə hee nɔi lonnii bələ tɔ̨nɔ̨ mɛ̨i yɛ di mɔ̨nɔ̨ ɓo.

Kɔlɔnikɔ Veerɛi 19:5

Ə kiti tee nuą hee nɔi, Ɉuda kɔ́ taaɠaa kəlee tɛitɛi hu.

Nehemi 5:8

Gɛ́ diɛ: «Ɉuifəɠaa ŋɛ̨i a gu kaayɔwɔɠaa, diɛi kɛ daa di lɔwɔ́tɔɔ hį́i takpɛliɠaa diɛ, guɔ kpinįi ɓə di nwun mąąɓo, yɛ pələi guɔ yee pɛli mąą mɛ̨nį kaa la. Kɛlaa, kaa mun, ka káá ka kaayɔwɔɠaa lɔwɔ́tɔɔi, ku wɔ ɓə ka káá di lɔwɔ́tɔɔi kuɔ.» Di di mɛ̨i haa, di hvo pɛli mɛ̨nįi lɔpee ta ɓoi.

Mąątɛ̨nɛ̨ 109:3

Daa mą́ą́tinɛ̨n daa doo gee hu, a wɛlikpɛɛmąą wooɠaa, diɛ kɔ́ pɛlɛ mą́ą́, nwun və mą.

Mąątɛ̨nɛ̨ 14:1

Nwələ ɲɛ̨i tɔwɔmun. Davidə nwɔ wələ. Kilikpɛɛgwəi nuą, da kɛ kɛi di kwəi pələ: «Yálá hvo laa!» Daa kala, ɓɛlɛkpɛɛmąą túwɔ́ ɓə da mo, nu tɔ̨nɔ̨ kpɛli hvo kili mɛ̨nį kɛi.

Mąątɛ̨nɛ̨ 25:3

Nui a gilitɔɔ yɛ́, nwumɛ̨ hva tɛ la, nu ɓowo nuą, yəi aa kpɛɛ, daa nwumɛ̨ kpɔ kɔlɔ-kɔlɔ.

Mąątɛ̨nɛ̨ 35:19

Nuąi hvaa pɛlɛi mą́ą́ a wɛa, 'və́ kɛ a di kwəinɛ̨ɛ̨ hɛn, nuąi yowolaa kulɔi a ɲą́ą́ lɔ kpɛli kpɛli, 'gɛ́, di hvo di ɲɛ̨i yalimą di kee lɔwai mą́ą́ mɛ̨nį hu.

Mąątɛ̨nɛ̨ 37:8

'Liiholi lɛɛ laa, ə́ nii kələn gwəi lɛɛ laa. 'Hvó ə́ líiholi, naa kulɔi hvo lɛlɛ li.

Mąątɛ̨nɛ̨ 49:10

Mąą nu a mɔ̨ɔ̨ pɛli lɛɛi lɔ yɛnɛ̨ɛ̨ a yələ kəlee? Akɛtii, di hvo mɔ̨ɔ̨ pai naai kámąi?

Mąątɛ̨nɛ̨ 69:4

Ŋą́ą́ tomą vį́i aa kpɛɛ, gwą́ną́ ɲąą aa nwąną. Ɲɛ̨́ilon ɉu aa haa, a lamui ŋą́ą́ mo nwɔ́ Yálá mąąkpɔn ɉii.

Mąątɛ̨nɛ̨ 7:4

Yai-Laa, nwɔ́ Yálá, a kɛ kpɔ ŋį́ túwɔ a ɲɔ̨nwɔ̨ɔ̨, a kɛ kpɔ ŋį́ ɲə́ə́ lɔ hvulu mɛ̨nį hu,

Mąątɛ̨nɛ̨ 92:6

Ə́ kɛ mɛ̨nįɠaa kpɛa kpɛai tai, Yai-Laa! Ɛlɛɛ, ə́ kwəi kili kpon ɉukwɛa pələ, nu hva pɛli gɔlɔn ɉi.

Hanwon 14:16

Kilimąą mun a ɲɔw mɛ̨nį ɲɔ̨n ma, yɛ mąąlaa. Kilikpɛɛɲəi mun nwɛi, a níiholi, ɲɔw hvo ɉu.

Hanwon 18:6

Kilikpɛɛɲəimun vaa woo a hvaa too, a pələ ɓo, hvo kɛli kɛlɛ ɓo a kulɔ ɉu.

Ɉeremi 17:11

Nui a hɛn ɉɔlɔɓo a hulu, gaa yɛ háɉalii a mɛlan gbɛ ɲąnįn mɛ̨i, ə pɛlɛ laa. Mąą nu nwɔ yɛnɛ̨ɛ̨ hva kpɛli həli ɉąąi, nwɔ hɛn gɔw yɛ kpɛɛ ɲəi; A nwɔ yɛnɛ̨ɛ̨ laa kulɔ nu kpoloon naa hu.

Woolaa 3:52

Nuąi di kpanwoɔ mą́ą́, di kaa búlu diɛ gbɛ́ yɛ nwɛ̨nį.

Danîa 3:13

Tɔɔmun Nabukodonosorə lii ə kələn gwəi kpɔ kɛnɛ̨, ə mo, yɛ di pa a: Sadrakə, Mesakə da Abɛdə-Nego ni, nííla. Di nɛɛmą di pa a diɛ.

Danîa 3:19

Nąąlɔwai, tɔɔmun Nabukodonosorə lii ə kələn gbɔ gwəi kɛnɛ̨, Sadrakə, Mesakə da Abɛdə-Nego ni pɔ. Ə mo, yɛ diɛ: «Ka vuulu nwɔ̨n ŋaatɛ kpɔ gee mɛ̨i mɛ̨ihveelɛ, ka dɛɛ bɔlɔ pɔlɔɠaa diɛ.»

Abdiasə 1:10

Edɔmə nuą, ka kaayɔwɔɠaa ŋɛ̨i a Ɉakɔbə huwuhu nuą, kaa ɓə di mąą kpoloon, kaa daɠaa paa. Yili ɓa, nwumɛ̨ kaa pai tɛi a kaa, ka laa hvo kɛa pai lɛɛi lɔi mɛ̨i

Abdiasə 1:12

Edɔmə nuą, ka kaayɔwɔɠaa ŋɛ̨i di kaa Ɉuda lɔi hu, ɓɛlɔwai mɛ̨nį nwąnąą tii ə laa la diɛ, mąą hvo nɛ̨ɛ̨li kɛ, yili hvo ka kwəinɛ̨ɛ̨; ɓɛlɔwai di too la, yili hvo kɛ a ka wɔ kwəinɛ̨ɛ̨ mɛ̨nį, ɛlɛɛ, nalan da hvo kulɔ ka la, ɓɛlɔwai di kɛ la mɛ̨nį nwąnąą hu.

Maafîu 10:17

'Ka ka mɛ̨i kaa, nuą mąą mɛ̨nį ɓa. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; diɛ ka kɛ́lɛ́ a hvaɠa di wɔ Yálá hvɛli pɛlɛ́ɠaa mu.

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Maafîu 12:24

Yii kɛa Farisiɛ̨ɠaa di yili mɛ̨n, di mo diɛ kɛ diɛ: «Nui ŋɛ̨i hvo kpɛli-kpɛli, ɲį́nɛ̨nŋąą nwun nąmu Beɛlzebulə háálai ɓə gaa ɲį́nɛ̨nŋąą kpɛi la.»

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Maafîu 18:21

Nąąlɔwai, Piɛrə ə lɛɠɛ Jesus ɓa ə mąąni kɛ yɛ mą: «Akɛti, mɛlan a kɛi lɔ nɛ̨ŋɛ̨n ɉəɠə mą́ą́, mąąnɛ̨ɛ̨ ŋą́ mąąhvaalɛɛ geemɛ̨i yɛli? Akɛti ŋą́ mąąhvaalɛɛ gee mɛ̨i mɛ̨ihveelɛ?»

Maafîu 18:35

Jesus ə mo kɛa nwɔ kalan nɛ̨ąi diɛ yɛ diɛ: «Pələ kpɔlɔɔ ɓə Ną́n Yálá yii gaa yələkɔlɔn ɉu a gɛ la a kaa, akɛ ka wala ka kee ni mąąhvaalɛɛ a ka lii kəlee.»

Maafîu 23:15

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, ka hiɛ lɔi mɛ̨i nąą kəlee da gboloyá ŋą nąą kəlee, ə gɛ, ka nu tɔ̨nɔ̨ hɔlɔɓo ə kɛ a ka wɔ kalan non. Ka ɉɔlɔɓo, ka galan ə kɛ nui da tinąą bili ɉahanąmą nwɔ̨n ɉu, nwɔ mɔ̨nɔ̨i ə kɛnɛ̨ a ɉeei hveelɛ, ə tɛɛ ka wɛi ɓa.

Maafîu 23:33

Kaa yii ka wɔ mɛ̨nį ɲɔ̨nwɔ̨ɔ̨ ŋɛ̨i yɛ tumo, ka pɛli kulɔ pələ kɛi ləi ɉahanąmą gaho nwɔ̨n ɉu?

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Maafîu 26:59

Ɉaláá laa həli nuą nwun nąmįną da tɔ́nvili nąmįną di kɛi lɛɛ mɛ̨nįɠaa kwɛli diɛ bɛlɛ a Jesus laa, ə gɛ, di mąą ɲaba lɔ di baa.

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Maafîu 5:34

Nwɛ́i gáá moi kaa, ka hvo ka kwɛla: a yələkɔlɔn, mąąhɔlɔɓo, Yálá nwɔ tɔɔ kpəlin ɉeei li.

Maafîu 5:44

Nwɛ́i gáá moi kaa, ka ka yowo wɛli la kɛ, nuąi da ɓɛlɛkpɛɛ kaa, ka Yálá hvɛli diɛ.

Markə 14:55

Ɉaláá laa həli nuą nwun nąmįną da tɔ́nvili nąmįną, di kɛi Jesus hɔn gwəli mą, yii da tɔɔ mɛ̨i, ə gɛ, di baa. Kɛlaa, di hvo da hɔlɔɓo.

Markə 15:1

Yələ wala piinɛ̨ɛ̨, ɉaláá laa həli nuą nwun nąmįną da Ɉuifə kalanɉonŋąą, ə mą kɛ, dɔ́n galamɔ̨ɔ̨ɠaa da tɔ́nvili nąmįną kəlee di di nwun dɔɔ. Yili pulu, di Jesus hon di ɲili, də li di dɛɛ Pilatə pɔ.

Lukə 12:5

Nui mąąnɛ̨ɛ̨ ka ka ɲɔw mą, gáá nɛi kaa: Nui a nu paa, yɛ pɛli bilii ɉahanąmą nwɔ̨n ɉu, 'ka ɲɔw mą. A tɛ̨ą gáá moi kaa, yaa tii ɓə mąąnɛ̨ɛ̨ ka ɲɔw mą.

Lukə 22:66

Yələ ɓɔɔ kɛa, Ɉuifə kalanɉonŋąą da ɉalaa laa həli nuą kpɛa-kpɛaa, ə mą kɛ dɔ́n galamɔ̨ɔ̨ɠaa di di ŋąąkpɔn, di li a Jesus tɔ́n vili nąmįną lííla.

Ɉaan 11:47

Nąąlɔwai, haláá laa həli nuą kpɛa-kpɛa da Farisiɛ̨ɠaa di tɔ́n vili nąmįną ŋąąkpɔn, diɛ diɛ: «Ɉulɔnui ŋɛ̨i kaa kpalo mɛ̨nį tamąą kɛi, lə mɛ̨nį ɓə ka gu kaa gɛi ɉu?

Ɉaan 15:25

Kɛlaa, yili ə kɛ tii, ə gɛ, mɛ̨nįi bɛ̨ɛ̨ di wɔ tɔ́n ɉɛɓɛ́i hu naa ə hon, yaai da kɛ mą: ‹Daa nwɛ́li kpɛɛ diɛ, nwun və mą.›

Ɉaan 7:20

Nu kpului tii kəlee di nwoo pulu pənə, diɛ mą: «Ɲį́nɛ̨n gaa ə́ pulu! Gbɛɛ ɓə gaa bɔ ə ə́ paa?»

Ɉaan 8:48

Ɉuifəɠaa di nwoo pulu pənə, diɛ mą: «Akɛ tii, tɛ̨ą kaa ku pɔ, kuɔ kɛ yɛ: Samari mun mąą a yɛ́, ɛlɛɛ, ɲį́nɛ̨n gaa ə́ pulu.»

Gɛlaɠaa 17:18

Mɛ̨nį kɔlɔn nuą di kɛ laa, diɛ ɓaa: Epikuri da Stoisi di wɔ kalan nɛa da Polə ni di kɛli lono kɛ, daɠaa di kɛli, kɛ diɛ: Ɛ̨i, naanɛ̨ɛ̨mąąmun ŋɛ̨i, yɛ lə? Daɠaa diɛ kɛ: Gaa kpɔ kiɛ yɛ yálá takpɛliɠaa mąą mɛ̨nį laa həli mun. Hvo gaai, Jesus mąą mɛ̨nį da nwun mɛ̨nį ɓə Polə ə kɛi naa həli.

Gɛlaɠaa 22:30

Ɉolahi nwun nąmu ə kɛ kpɔ bɔ, mɛ̨nįi di kaa moi a Polə laa, ə gulɔ ɉu kɛɛ kaa; yili ɓə gɛ, mąą yələ laa ɓoɔ, ə Polə hvólóon, ə mo ɉaláá laa həli nuą kpɛa-kpɛaa diɛ, da tɔ́n vili nąmįną, di di ɲąąkpɔn. Yili pulu, ə pa a Polə di lííla.

Gɛlaɠaa 23:1

Polə ə ɲɛ̨i hee kpɔ tɔ́n vili nąmįną diɛ, yɛ diɛ: «Nąn nonnii, kiliŋąhiɛ yii kɛ mą́ą́ gɛ́ kólo kɛ la Yálá ɓa, aa lɛɛ la ɉu háákələi yələ aa ɉəli, gaa a kiliŋąhiɛ lɛlɛɛ.»

Gɛlaɠaa 24:20

Yii di hvo ɓɛi, nuąi ŋɛ̨i ɓɛi, mɛ̨nį ɲɔ̨nwɔ̨ɔ̨i kpɔ di gaa a ɉón, ɓɛlɔwai ŋį́ kɛ la giti haɠa ɓa tɔ́n vili nąmįną lii la, di mo.

Gɛlaɠaa 4:15

Nąąlɔwai di Piɛrə da Ɉaan di kulɔ ɲɛnɛ̨ɛ̨. Yili pulu, di di kee mąąni kɛ.

Gɛlaɠaa 5:21

Di lɛɛ nwoo pulu. Yələ ɓɔi lɔwai, dəli Yálá hee pɛlɛ́ mu, diɛ nuą kalan. Ɉaláá laa həli mun gɛnɛ̨ ə pa, yaa da ɲee pɔ nuą, di tɔ́n vili nąmįną təli nwun dɔɔ hu, di gɛlaɠaa kulɔ gaho pɛlɛ́ mu di paa a diɛ Israɛlə nuą di wɔ ɲąąkpɔn gɛnɛ̨ɛ̨ hu.

Gɛlaɠaa 5:27

Yii kɛa di pa a diɛ, di di tɔɔ dɔ́n vili nąmįną lííla, ɉaláá laa həli mun gɛnɛ̨ ə di mąąni kɛ,

Gɛlaɠaa 6:12

Bələ ɓə di lɔ la nuą hu, da galanɉonŋąa ə mą kɛ tɔ́n galamɔ̨ɔ̨ɠaa. Di Etiɛnə hon də li la tɔ́n vili nąmįną lííla.

Gɛlaɠaa 6:15

Nuąi kpɔ kɛ dɔ́n gələ mu, di kəlee di di ɲɛ̨i hee Etiɛnə ɓa, ɲɛ̨ilaai ə ɓo yɛ Yálá nwɔ malaka ta.

Gɛlaɠaa 7:37

Moisəi ti ɓə kɛ Israɛlə nu huwu ɓa: ‹Yálá kaa pai gwəi mɛ̨nį hukulɔ mun da həɠəi ka nąn nonnii lɔwai, yɛ ɲą́ą́.›

Lomaŋ 12:10

Gɛ́, lee-lon nwɛlikɛmąąlaa ə ka yili ka kee ɓa, ká wɛlikpɛɛmąąlaa kpɛ ká lɔwai.

Korɛntə dɔlɔɔ 6:10

ə kɛ a nwuɔ̨ nuą, ə kɛ a wɛa hɛn ɉəɠə nuą, ə kɛ a lɔɔ honŋaa, ə kɛ a nu laa kala nuą, ə kɛa gbąną-gbąną hɛn ɉəɠə nuą; di tai lɔpee heei hvo Yálá nwɔ tɔɔlaai hu.

Korɛntə dɔlɔɔ 6:6

Kɛlaa, mɛ̨nį ta a kɛ nąn nonnii hveelɛ lɔwai, yili ɓo mɛ̨nį ɓa lə yɛnɛ̨ɛ̨ nuą ɲɛ̨i ɓa?

Dutɛrɔnome 15:11

Ɛlɛɛ yɛ bələi yeehowolo nuą di hva kpɛɛ la lɔi, gáá díɓoi ŋɛ̨i tɛɛi ka pɔ, gɛ́, ka ka yee laaɓo a gɛnɛ̨ ka kaayɔwɔɠaai a yeehowolo nuą da mąąwɛli nuąi nɔi di tɔwɔ, kaa di kɔ́.

Dutɛrɔnome 16:18

Ka káá pai mɛ̨nįɓo kɛ nuą heei, da nɔi nuą mɛ̨i kaa nuą, ka wɔ taaɠaai hu, yii Yai-Laa ka wɔ Yálái kaa pai dɛɛi ka pɔ, nu huwu tɛitɛi kəlee mɛ̨i, diɛ di kɛ kóló kɛ a tələnmolaa nuą lɔwai.

Tɛsalonikə dɔlɔɔ 4:6

nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Taitɔ 3:2

Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee.

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Zĩi 2:20

Hupumun, hvo mɔ̨ɔ̨ gbaɠala kɔlɔn yɛ́ kɛ, laa na laai bɔ túwɔ́ hvo mą, gaa a kpɛli-kpɛli?

Zĩi 3:6

Nu nɛn yaa kpɛlimąn, gaa yɛ nwɔ̨n, a yɛnɛ̨ɛ̨ mɛ̨nį ɲɔ̨n. Nu nɛn gaa nu tɔɔ-tɔɔɠaa lɔwai, a pɛli ə kɔ́lɔ nąą kəlee mąąliɓi, ya lɔ ɓə a yɛnɛ̨ɛ̨ kələn nu kɔ́wɔ mu yɛ ɉahanąmą.

Piɛrə dɔlɔɔ 2:23

yai di nalan, hvo gwələ kulɔ li a lalan, mɔ̨nɔ̨i di naa mą, hvo woo ɲɔ̨n mo, kɛlaa, ə gbɔwɔ lɛɛ giti haŋąą tee mun ɲəi;

Piɛrə dɔlɔɔ 3:9

'Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n, 'ká hvo lalan gwələ kulɔ a lalan; kɛlaa yaamun, 'ká kɛ a lúwɔ́ too nuą, mąąhɔlɔɓo, yili ɓə di ká təli gɛ mɛ̨nį ɓa, ya ɓə a gɛ, ká lúwɔ́ hɔlɔɓo a ká kwɛlin.

Zɔ̂ŋ Maa-ŋuŋ 2:9

Nui a kɛ diɛ, gaa kɛɛ pono hu, kɛlaa, nąn non nwɛli kpɛɛ mą, akɛ tii, mąą nu kaa lɔ ni kpini hu.

Zɔ̂ŋ Maa-ŋuŋ 3:10

Mɛ̨nįi a Yálá lonnii da nąnį lonnii di lowai tɔɔ, ya ka: Nui lɔpee hva tələnmo laa kɛ Yálá nwɛi ta hvə li, ə mą kɛ, nui nwɔ̨nɔ̨, nąn non nwɛli hvo mą.

Zɔ̂ŋ Maa-ŋuŋ 5:16

Nu ta a nąn non ɲee kaa nɛ̨ŋɛ̨n ɉui, a nɛ̨ŋɛ̨n yii hva nɔ haa hui, ə hvɛliɓo kɛ mą, ɛlɛɛ, Yálá ə yɛnɛ̨ɛ̨ tɛɛ bɔ, Akɛ gaa kpɔ a nɛ̨ŋɛ̨n, nu a ɉəɠə hva nɔ haa hu. Nɛ̨ŋɛ̨n da kaa laa, yɛ nu lɔ haa hu; yili hvəə gáá kɛi mą, di hvɛliɓo kɛ ɉəɠəmun ma;

Zûu 1:9

Bələi mąn kpɛli malakaɠaa nwun nąmu Mikaɛlə kaa la, hvo kɛ woo ɲɔ̨n mo li nąnį ɓa, ɓɛlɔwai da yaa di kɛi hɛa too la Moisə powa mɛ̨i. Hvo kɛ nalan ni, kɛlaa, ə kɛ mą: «Námu Yálá ɓə pai ə́ hutɔɔi.»

M̀ɛni-lɛɛi 20:14

Ya ɓə di haa da ŋąmuątaa di di pili nwɔ̨n máɠa hu. Nwɔ̨n máɠai tii ɓə a haa veelɛnąą!