Maafîu 5:15 - Yálá laawoo hɛɓɛ (dc)

¹⁵ Nu hva labon dɔɔ hvo nɔ tea mu. Kɛlaa, nu ya ɉee kpəlin gweaa ŋą, ə gɛ, ə bɛlɛ́n nuą kəlee mąą pono.

Yálá laawoo hɛɓɛ

¹⁵ Nu hva labon dɔɔ hvo nɔ tea mu. Kɛlaa, nu ya ɉee kpəlin gweaa ŋą, ə gɛ, ə bɛlɛ́n nuą kəlee mąą pono.

Bible

¹⁵ Kpaa máŋ núu fá laŋpo tɔ̀ɔ a gɛɛ e zèe kpɔ̂lɔ mu, kɛ́lɛ, a zèe ɣelêi, à kɛ̀ tí a kwaa-ponoɔ tɛ̀ɛ bɛ́rɛi mu-ƃelai kélee pɔ.

Maafîu 5:15 ပူးပေါင်းရင်းမြစ်များ

Lɛɛ gbɔwɔ ɓa 25:37

Ə́ wulɔ nwɔ̨n gbowo mɛ̨ihveelɛ pɛli, ə́ ɉee nwulɔ nwɔ̨n ɉee hɛn gɔn mɛ̨ihveelɛi tii nwuɔ̨, da kɛi lən, diɛ di tɔwɔ pələ pɔ̨nɔ̨.

Zakari 4:2

Ə mą́ą́ni kɛ, yɛ mą́ą́: «Lə ɓə ə́ kaa gaai?» Gɛ́ mą: «Gáá hɛn da kaai, nwɔ̨n ɉee hɛn da li, nąą kəlee kaa a hɛni; nwulɔ pui kaa ɲələi pələ. Nwɔ̨n gbowo mɛ̨ihveelɛ ə ɓo mɛ̨i, da ɉaláá mɛ̨ihveelɛ.

Lonon mo 8:2

«'Mo Aarɔn ɓa, yɛ́ mą: Yá kɛi pa nwɔ̨n ɉee hɛnŋąą heei, di hee pələ ka: Nwɔ̨n ɉee hɛn mɛ̨ihveelɛi mąąnɛ̨ɛ̨ diɛ lən, di lən yɛ di tɔwɔ pɔ̨nɔ̨.»

Markə 4:21

Yili pulu, Jesus yɛ diɛ: «Nu hva nwɔ̨n dɔɔ hvo ɉee hɛn ɲąŋą mu; a wala kɛ tii, hvo ɉee kpowəi. Kɛlaa, nu ya ɉee kpɛlin gweaa ŋą.

Lukə 11:33

«Nu hva labon dɔɔ hvo ɉee kɛɛnąą loɔ ɓa, a wala kɛ tii, hvo nɔ kpɔ́lɔ́ mu, yaamun da ɉee kpəli gwɛa ɲą, əgɛ, nuąi da lɔ bɛlɛ́n, di kɛɛ pono kaa.

Lukə 11:36

Akɛ, ə́ kɔ́lɔ nąą kəlee a kɛ kɛɛ pono hu, kpinį hvə nąą ta, nąą kəlee a kɛ kɛɛ pono hu yɛ bələi labon a ə́ mąą pono la.»

Lukə 8:16

«Nu hva labon dɔɔ hvo nɔ téa mu, a wala kɛ tii, hvo nɔ kanabee mu. Kɛlaa, a ɉee kpəlin gwɛa ŋą, əgɛ, nuą da lɔ bɛlɛ́n, di kɛɛ pono kaa.

Filipə 2:15

Ə gɛ ka kɛ a nuąi hɔn və diɛ, ka kɛ a Yálá lonni leelee, yiiɠaai di mąą kulɔi hvo diɛ yɛnɛ̨ɛ̨, hulu nuą da nu ɲɔ̨nwɔ̨ɔ̨ɠaa lɔwai. Mąąnɛ̨ɛ̨ ka lən di lɔwai yɛ yələkɔlɔn ɉu pɛmɛ̨lɛ̨n-gɔw.

Hebreu 9:2

Di həɠə pɛlɛ́ ta tɔɔ, yɛ ɓo ɉu hveelɛ, bələ tɔ̨nɔ̨ laa ɓa kɛ a: Gɛɛnąą mąąhəɠɛɛ. Nąą ɓə, nwulɔ nwɔ̨n ɉeɛ kɛ laa, da Yálá kɔ́ lɛɠɛ laa hɛn.

M̀ɛni-lɛɛi 2:5

Ɓɛi ə́ too laa, ə́ kili hvilɛn nąą, ə́ tuwɔ pələ mąąhvalin, ɛlɛɛ, mɛ̨nį lɛlɛɛi ə́ kɛi gɛ tɔlɔɔ, 'ə́ gɛ. Yili hvo mą, gáá pai həlii yɛ́, ɛlɛɛ, yá wala ə́ túwɔ́ pələ mąą hvalin, gáá pai ə́ wɔɔ wulɔ nwɔ̨n ɉəɠəi ɉeei.