Maafîu 5:11 - Yálá laawoo hɛɓɛ (dc)

¹¹ «Nwun na nɛ̨ɛ̨ nuą ɓaa a kaa, akɛ nuą da kɛi ɓɛlɛkpɛɛ mąą woo ɓo kaa, diɛ mɛ̨nį ɲɔ̨n nɔpee gəlee ɓo a ka laa, ɲą́ą́ mą́ą́ mɛ̨nį ɓa.

Yálá laawoo hɛɓɛ

¹¹ «Nwun na nɛ̨ɛ̨ nuą ɓaa a kaa, akɛ nuą da kɛi ɓɛlɛkpɛɛ mąą woo ɓo kaa, diɛ mɛ̨nį ɲɔ̨n nɔpee gəlee ɓo a ka laa, ɲą́ą́ mą́ą́ mɛ̨nį ɓa.

Bible

¹¹ “Lûwa káa kâa, káai da lôno kâa dí kákpɔara, dí wóo nyɔ́mɔɔ támaa ƃó a kálaa a lɛ́ɛ ḿaa mɛni mai.

Maafîu 5:11 ပူးပေါင်းရင်းမြစ်များ

Mąątɛ̨nɛ̨ 35:11

Lɛɛ kɛla hvaa ɓo nuą daa di muhəɠə, mɛ̨nįi və́ ɉu kɔ́lɔn, diɛ mą́ą́nikɛ mą.

Mąątɛ̨nɛ̨ 44:22

Yálá hvəli mɔ̨ɔ̨ kɛ gbaɠala kaa, a yai tii loo mɛ̨nįɠaa hu kɔ́lɔn nu kwəi?

Azaya 25:8

Gaa pai haa nwun na pilii a yələ kəlee mɛ̨nį, Nąmu Yálá kaa pai nu kəlee ɲɛ̨iyá kələi ɲɛ̨i, yɛ nwɔ nuąi di wɔ laa nɔ̨nwɔ̨ mɛ̨nį həɠə di mɛ̨i, lɔi kəlee hu, Yai-Laa yaa kpinįi ɓə mo.

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Ɉeremi 37:14

Ɉeremi yɛ mą: «Lɛɛ li, və́ bɔ vé tɛɛ Kalde nuą pɔ pələ.» Kɛlaa, Yiriya hvo tí hvo gaa a tɛ̨ą, ə Ɉeremi hon, ə li la nɔi ɲąąwooɓo nuą pɔ.

Maafîu 10:18

Di kaa pai lii a kaa lɔi nąmįną lííla, ə mą kɛ tɔɔ ɓɛlaa lííla, mą́ą́ mɛ̨nį ɓa. Ə gɛ, ka mą́ą́ kɛla hvaa ɓo di ɲɛ̨i ɓa, da nuąi di hvo Yálá kɔ́lɔn.

Maafîu 10:22

Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Maafîu 10:25

Mąąnɛ̨ɛ̨ lɔ kalan non ə kɛ yɛ galamɔ̨ɔ̨. Luwɔ ə kɛ yɛ nuwɔ nąmu. Akɛ di kɛ pɛlɛ́ nąmu ɓa: Beɛlzebulə, gu hvo mun kɛ bɛlɛ́n nuą! Da di laa hee a ɲɔ̨nwɔ̨ɔ̨ ə tɛɛ la bɛlɛ nąmu ɓa.»

Maafîu 10:39

Nui a nɔw mąą liihɛlɛn ɉee, a hvɛɠɛla. Nui a mą́ą́ mɛ̨nį niihɛlɛn ɉee ə tɛɛ gbɔwɔ nɔw ɓa, a lɛɛ a vulú.»

Maafîu 19:29

Ə lɛɛ, nui lɔpee a nwɔ pɛlɛ́i lɛɛ, ə nąn nonni hinąą da nąn nonni nɛ̨ą lɛɛ, ə nąn a wala kɛ tii ə nee lɛɛ, ə nonni da nwɔ hihɛn ɉaa kəlee lɛɛlaa náá mąą mɛ̨nį ɓa, a gbulu kɛnɛ̨ hɔlɔɓo, ə yɛnɛ̨ɛ̨ kpɛɛ hvo mą hɔlɔɓo Yálá yəi.

Maafîu 24:9

«Yili pulu, nuą kaa pai kɛi ka hon ɉi diɛ ka kɛlɛ, diɛ ka taɠaa paa. Ka wɛli kaa pai kpɛɛi nu kəlee ɓa, ɲą́ą́ náá mąą mɛ̨nį ɓa.

Maafîu 27:39

Nuą tii kɛi tɛɛ bələi, da di ɲɛ̨i hee Jesus ɓa, diɛ di nwun gbɛŋɛ̨n diɛ nalan diɛ kɛ mą:

Markə 13:13

Ka wɛli kaa pai kpɛɛi nu kəlee ɓa, ɲą́ą́ náá mąą mɛ̨nį ɓa, kɛlaa, nui a tɔɔ kpaan ə lɛɛ ɉu ŋąąkpɛɛi lɔwai, mąą nui nwun mąą a ɓo.»

Markə 13:9

«Kɛlaa, ka ka kpɔwɔ mɛ̨i kaa a nɛlɛɛ. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; di wɔ Yálá hvɛli pɛlɛ́ɠaa mu diɛ ka kɛ́lɛ́, diɛ li a kaa nwun nąmįną da tɔɔɓɛlaa lííla ɲą́ą́ mą́ą́ mɛ̨nį ɓa. Yili kaa pai kɛi diɛ a mąą kɛlahvaa ɓoɔ.

Markə 4:17

Kɛlaa, di hva nɛɛ laa nwoo tii hvo ɉeei kaa di lii hu. Da di yee hee lɔ mu a lɔwai logolo tiikpə. Ɓɛlɔwai ɓɛlɛkpɛɛ mąą a həli la diɛ Yálá laawoo mąą mɛ̨nį ɓa, da lənə Yálá mąą mɛ̨nį ɓa.

Markə 8:35

Mąąhɔlɔɓo, nui a gbɔwɔ nɔw hviɛlaɓo ə dɛɛ mą́ą́ mɛ̨nį ɓa, a hvɛɠɛ la. Kɛlaa, nui a lənə gbɔwɔ ɓa mą́ą́ mɛ̨nį ɓa, da nwɛlɛɛ lɛlɛɛ mąą mɛ̨nį ɓa; mąą nui nii a ɓalo.

Lukə 21:12

«Kɛlaa, gɛɛ yili kəlee ə kɛ, di kaa pai kɛi ka hon ɉii diɛ ka ɓɛlɛkpɛɛ kaa, diɛ ka kiti tee di wɔ Yálá hvɛli pɛlɛ́ɠaa mu, diɛ ka too gaho ŋą. Di kaa pai kɛi lii a kaa nwun nąmįną da ɲɛ̨itɔwɔ nuą lííla, náá mąą mɛ̨nį ɓa.

Lukə 21:17

Ka wɛli kaa pai kpɛɛi nu kəlee ɓa, náá mąą mɛ̨nį ɓa.

Lukə 6:22

«Nwun na nɛ̨ɛ̨ nuą ɓaa a kaa, akɛ nuą da ka wɛli kpɛɛ diɛ, di lənə kaa, diɛ ka lalan, ə lɛɛ, diɛ ka ɓɛlɛkpɛɛ kaa, a ɲɔ̨nwɔ̨ɔ̨ ɲą́ą́ ŋɛ̨i a Nu Lon náá mąą mɛ̨nį ɓa.

Lukə 9:24

Mąąhɔlɔɓo, nui a nɔ̨ɔ̨ mąąkɔ̨nwɔ̨, a hvɛɠɛ la. Kɛlaa, nui hva ɉaa mɛ̨nį niihɛlɛn ɉee, hva hvɛɠɛ a nɔ̨ɔ̨.

Ɉaan 15:21

Kɛlaa, di kaa pai mɛ̨nįɠaa tii kəlee kɛi a kaa, náá mąą mɛ̨nį ɓa. Mąąhɔlɔɓo, nui dɔ́ɔ́ di hvo gɔlɔn.

Ɉaan 9:28

Farisiɛ̨ɠaa di nalan, diɛ mą: «Yɛ ɓə ə́ kaa a nwɔ kalan non, kɛlaa, ku wɛi, Moisə nwɔ kalan nɛa ɓaa a kuɔ.

Gɛlaɠaa 9:16

Mɔ̨nɔ̨i gaa pai mįi náá mą́ą́ mɛ̨nį hu, ɲą́ą́ gbínįlee gáá pai yili kəlee lɛi mą.»

Lomaŋ 8:36

Yɛ bələi Yálá lawoo hɛɓɛ́ ə mo la, yɛ mą: «Ə́ mąą mɛ̨nį ɓə da tuwɔ ku paai la, diɛ ku hon yɛ ɓɛlaa lonnii di kaa lii di paai.»

Korɛntə dɔlɔɔ 4:10

Ku kaa a ɓowo nuą Kristə mąą mɛ̨nį ɓa, kaa ɓo a kilimąą nuą Kristə hu. Ku hvįikpɛɛi, ká huwalawalai, da ká mąąwiɛ, diɛ ku ɓɛlɛ too.

Korɛntə veelɛ 4:11

Hvo gaai, yələ kəlee, kuɔi ku hvulú kɔwɔ ɲą, da ku kwɛlɛ haa ɓa, Jesus mąą mɛ̨nį ɓa, ə gɛ, Jesus ŋą yɛnɛ̨ɛ̨ yɛ pɛli tooi la pono ŋą kpɔ hələ-tətə, ku kɔlɔ hu, yai haa kaa mą.

Filipə 1:29

Mąąhɔlɔɓo, Yálá háálai ɓə ka kɛ la a Kristə nwɔ tínuą, ka laa mɛ̨nį na yaa tɔ̨nɔ̨ lɔ hvəə, kɛlaa, ə gɛ ka mɔ̨nɔ̨ mį́į́ mąą mɛ̨nį ɓa.

Piɛrə dɔlɔɔ 2:23

yai di nalan, hvo gwələ kulɔ li a lalan, mɔ̨nɔ̨i di naa mą, hvo woo ɲɔ̨n mo, kɛlaa, ə gbɔwɔ lɛɛ giti haŋąą tee mun ɲəi;

Piɛrə dɔlɔɔ 4:14

Ká nwun na nɛ̨ɛ̨i, da kɛli ká laa kala Kristə laa mąą mɛ̨nį ɓa, mąąhɔlɔɓo, mąąwiɛ Kili, a Yálá nwɔ Kilii, gaa ka pɔ.

M̀ɛni-lɛɛi 2:3

Ə́ hvaŋąlɔɔi, yáá náá mąą mɔ̨nɔ̨ mįi, ɛlɛɛ, ə́ hvįi hvo kpɛɛ li.