Maafîu 3:6 - Yálá laawoo hɛɓɛ (dc)

⁶ Diɛ hvaa di kɛ nɛ̨ŋɛ̨n ma nu kəlee ɲɛ̨i ɓa, Ɉaan yɛ di mąąwaa Ɉurdɛn yá hu.

Yálá laawoo hɛɓɛ

⁶ Diɛ hvaa di kɛ nɛ̨ŋɛ̨n ma nu kəlee ɲɛ̨i ɓa, Ɉaan yɛ di mąąwaa Ɉurdɛn yá hu.

Bible

⁶ Dí dísɔnyɔ̂ŋ-ŋai ƃò é díbatâi kɛ́ Zɔdiŋ Ya-Leei su.

Maafîu 3:6 ပူးပေါင်းရင်းမြစ်များ

Ɛsdrasə 10:1

Ɓɛlɔwai Ɛsdrasə ə kɛi Yálá hvɛli la, yɛ hvaa gɛ nɛ̨ŋɛ̨nŋąą diɛ, yɛ wɔlɔ Yálá nwɔ pɛ́lɛ́i laaləi, Israɛlə nu kpulu kɛnɛ̨, hinąą mąn, nɛ̨ąą mąn da nɛapɛlɛɛ di di ŋąąkpɔn gwɛlɛ. Mąąhɔlɔɓo, nɔi lonnii di kɛi ɲɛ̨iya wɔlɔ kpɔ-kpɔɔ ɓo.

Mąątɛ̨nɛ̨ 32:5

Ŋą́ą́ hvaa ɉɔn ma ə́ ɲɛ̨i ɓa, və́ nwɔ́ nɛ̨ŋɛ̨n loo li yɛ́, ŋą́ kɛ diɛ: «Gáá hvaai ɉɔ́n ma Ną́mu ɲɛ̨i ɓa», ɛlɛɛ, yɛ́n, yáá nwɔ́ nɛ̨ŋɛ̨n nwuɛ həɠə nwúɔ̨.

Hanwon 28:13

Nui a ɉɔn noo, hva tɛ tɔwɔ. Kɛlaa, nui a hvaa ɉɔn ma, ə kpəla mą, mąą nu ɓə Yálá a ɲɛ̨imąąwɛli kaa.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Danîa 9:4

Ŋą́ kɛi Yálá hvɛli, gɛ́ hvaa gɛ́ nɛ̨ŋɛ̨nŋaa diɛ Yálá ɲɛ̨i ɓa, gɛ́ kɛ mą: «Éé Ną́mu Yálá, ə́ kɛnɛ̨, ə́ yee wia, nuąi da ə́ wɔ tɔ́nŋaai hon, ə́ wɔ mįnɛ̨ həɠɛɛ a kɛ di pɔ, nuąi da ə́ wɛli la kɛ, ə́ wɔ tələnmolaa yɛɛ ɓo di mɛ̨i.

Levetekɔ 16:21

Aarɔn a molu hilɛi tii lɛɛ a vulú, ə ɲee hveelɛi pɛlɛ nwuɔ̨, ə Israɛlə lonnii hɔnŋąą kəlee ɓo, da di wɔ woo tee ŋą mɛ̨nįɠaa kəlee da di wɔ kwɛli tee laa kəlee, yili ɓaa di wɔ nɛ̨ŋɛ̨n gəlee; ə gəlee pu molu hilɛi tii nwuɔ̨, yili pulu, ə nu ta kulɔ, yili ə molui tii hon, ə li la nɔi pun ɉu.

Levetekɔ 26:40

«Kɛlɛɛ, di kaa pai hvaai di hɔn ma, da di nąnni, diɛ kɛ daa nɛ̨ŋɛ̨n ɉəɠə mą́ą́, daa tɔɔ Ná.

Lonon mo 5:7

Nɛ̨ŋɛ̨n nu a ɉəɠə, mąąnɛ̨ɛ̨ ə hvaa mą. Nui ɉɔn gɛ, ɉɛn ə mɛlan vulu la, a ɲąą pɛliɛ tɛɛ bɔ, ə ɉɛn tii ɉɔ̨nwɔ̨ heei lɔɔli dɔ̨nɔ̨ pɛlɛ mą.

Maafîu 3:11

Nwɛ́i, gáá ka mąąwaai a yá, ə gɛ, di gaa diɛ, kaa ka yii pələ mąąhvalin. Kɛlaa, nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Gaa pai ka mąąwaai a Kili-Mąąhəɠɛɛ, da nwɔ̨n. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvoloon mun.

Markə 1:5

Ɉude lɔi hu nuą, da Ɉerusalɛmə daai nuą di kɛi pa Ɉaan pɔ diɛ hvaa di kɛ nɛ̨ŋɛ̨ ma nu kəlee ɲɛ̨i ɓa. Ɉaan yɛ di mąąwaa Ɉurdɛn yá hu.

Lukə 1:16

Ya ɓə pai gɛi Israɛlə nu huwu tamąą di tinɛ̨n di di ɲɛ̨i hee di nąmu Yálá ɓa.

Lukə 3:16

Ɉaan ə mo nuą tii kəlee diɛ, yɛ diɛ: «Nwɛ́i gáá ka mąąwaai yai; kɛlaa, nu ta kaa pai pai, huwalawala kɛnɛ̨ kaa ɲəi dɛɛ mą́ą́, ɲą́ mąą hvo nɛ̨ɛ̨li kpɛli a ŋą kɔ́lɔ laa yili yɛli hvólóon mun. Gaa pai ka mąąwaai a Kili-Mąąhəɠɛɛ da nwɔ̨n.

Gɛlaɠaa 1:5

Ɉaan ə nuą mąąwaa yái, ɉu hvo kwɛa li, di kaa pai ká mąąwaai a Kili-Mąąhəɠɛɛ.»

Gɛlaɠaa 11:16

Nwooi gu Ną́mu ə mo, naa kili ə too ɲą́, yai ə kɛ mą: Ɉaan ə nuą mąąwaa yái, ɉu hvo kwɛa li, di kaa pai ká mąąwaai Kili-Mąąhəɠɛɛ hu.

Gɛlaɠaa 19:18

Nuą ti kɛ a laa na nuą, damąą di kɛi pa, mɛ̨nįi kpɔ daa gɛ, diɛ mo nu kpɔn ɉu.

Gɛlaɠaa 22:16

Lə mɛ̨nį ɓa gaa ə́ hu? 'Ə́ muhəɠə ə́ li, di ə́ mąąwaa, ə́ mąą ə həɠə ə́ wɔ nɛ̨ŋɛ̨nŋaai yəi, a Naa hvɛlii yá mo.›»

Korɛntə dɔlɔɔ 10:2

ɛlɛɛ, di di kəlee di mąąwaa da Moisə ni dulɔ kpinįn mu, da gboloyá hu.

Kolosə 2:12

Gu lowii di mo gwa diɛni, a mąąwaa ɓo, gwa diɛni gwaa nwɔ̨nɔ̨ nwun, gbala ə tɔɔ, ká laa Yálá ŋą huwalawalalaa la, yai nwun haa nuą lɔwai.

Hebreu 6:2

nu mąąwaa mɛ̨nį mąą kalan, nu yee pɛlɛɛ nu nwuɔ̨, haaɓɛlaa nwun mɛ̨nį, da giti kpəli tee mɛ̨nį.

Hebreu 9:10

Kɛlaa, yiliɠaai kɔwɔ hvilɛnŋąąi lɔ kɛ, laa mįi mə̨nį, da kpələ hɛn mɛ̨nį, da nu mąą waa pələɠaa diɛ, dɔ́nŋaa tii di kɛ lɔ a ɲɛ̨i kɛ mąą, ə lɛɛ ɉu, ɲələ leelee yɛ həli mą.

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Zasua 7:19

Ɉosue yɛ Akan ɓa: «Nón, mąąwiɛ tɛɛ Yai-Laa pɔ, yai gaa a Israɛlə nwɔ Yálá, ə́ kɛnɛ̨ laa tɛɛ bɔ. Bələi kpɔ ə́ mɛ̨nįi ŋɛ̨i kɛ la, ɉukulɔ mą́ą́, hvo da loo.»

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,

Zɔ̂ŋ Maa-ŋuŋ 1:9

Akɛ gwa hvaa gu wɔ nɛ̨ŋɛ̨nŋaa diɛ, kulɔ nwoo ɓa laa da tələnmo laa hu, yɛ Yaa, a gu wɔ nɛ̨ŋɛ̨nŋaa mąąhvaalɛɛ, ɛlɛɛ, yɛ gu wɔ tuwɔ pələ ɲɔ̨nŋaa kəlee waa guɔ.