Maafîu 28:9 - Yálá laawoo hɛɓɛ (dc)

⁹ Nɛ̨ąą tii da Jesus ni di kwiɛn, ə nwoo pili diɛ. Di di mąą lɛɠɛ mą, di pɛlɛ gɔwɔ mu di kwɛli hvilɛn mą.

Yálá laawoo hɛɓɛ

⁹ Nɛ̨ąą tii da Jesus ni di kwiɛn, ə nwoo pili diɛ. Di di mąą lɛɠɛ mą, di pɛlɛ gɔwɔ mu di kwɛli hvilɛn mą.

Bible

⁹ Dí kɛ́ɛ liî Zîsɛ è kùla dîa, é ǹá tí dîa. Nya ƃe dí pà dí gɔ́ɔ sóŋ dí vɛ̀li.

Maafîu 28:9 ပူးပေါင်းရင်းမြစ်များ

Azaya 64:5

Ku kəlee ku kɛ yɛ nu kɔ́hɔɓoɔ, ku wɔ təlimo túwɔ́ɠaa kəlee di kɛ yɛ həɠə kɔ́hɔɓoɔ, ku kəlee kwaa yohva yɛ laakpala, ku wɔ túwɔ́ pələ ɲɔ̨nŋąą diɛ li a kuɔ yɛ hvaŋą.

Maafîu 14:33

Galan nɛa yiiɠaa tii kɛ gələn ɉu, di pu di kpəlin na Jesus kɔ́wɔ mu diɛ mą: «Ə́ kaa a Yálá Lon gbɔ-kpɔ a tɛ̨ą.»

Maafîu 23:7

Di kaa bɔ, nu ta a kɛi di túwɔ ɓo kpɔn ɉu, ə mąą yee di kɔ́wɔ mu; yɛ kɛ diɛ: ‹Nwɔ́ mɛ̨nį nąmu!› Ə gɛ nuą di di mąąwiɛ kili kɔ́lɔn.

Maafîu 28:10

Jesus yɛ diɛ: «Ka hvo ɲɔ̨w. Ka li ka mo Ną́n nonnii diɛ də li Galile lɔi hu nąą ɓə di kaa pai gáái laa.»

Maafîu 28:17

Yii kɛa di Jesus kaa, gəlee di kwɛli hvilɛn mą. Kɛlaa, daɠaa di kɛi ɲinɛ̨-ɲinɛ̨n.

Maafîu 28:8

Nɛ̨ąą tii, di di pulu pənə kpɔlɔɔ tii a mąą hulaa diɛ li, di kwəinɛ̨ɛ̨ kpɔ kɛnɛ̨, kɛlaa ɲɔ̨w yɛ ɓo di hu, di gilɛ həɠə də li di nwəlɛɛ tii ɓoi, Jesus nwɔ kalan nɛai diɛ.

Lukə 1:28

Malaka ə lɔ Mari pɔ bɛlɛ́n, yɛ mą: «Gáá ə́ tuwɔ ɓoi, yɛ́i Yálá aa mɛ̨inɛ̨ɛ̨ kɛ yɛ́, Yálá kaa ə́ pɔ.»

Lukə 24:52

Yii ɓaa galan nɛa tii di nwɛi, di kwɛli hvilɛn ma, di pənə də li Ɉerusalɛmə kpɔ a kwəinɛ̨ɛ̨.

Lukə 7:38

Ə lɔ, ə hee la Jesus kɔ́wɔ kwɛlɛ. Yɛ wɔlɔ, ə lɛɛ, yɛ ɲɛ̨iya pu Jesus kɔ́wɔ mɛ̨i, yɛ Jesus kɔ́wɔ mąąkələ a nwun-nəɠa. Yili pulu, ə Jesus kɔ́wɔ mąątí a nwulɔ kun nɛ̨ɛ̨ tii.

Ɉaan 12:3

Mari ə nu mąątí wulɔ kun nɛ̨ɛ̨ həɠə, ɉɔ̨nwɔ̨ kɛnɛ̨, ə ɉiɛ Jesus kɔ́wɔ ɓa, yɛ mąą kələ a nwun nɛɠa. Gun ə bɛlɛ́n gəlee kulɔ.

Ɉaan 20:19

Voló tɔ̨nɔ̨i tii hu, a nɔwɔ kuu voló tɔlɔɔ yələ, yələ wilii pɔ, galan nɛa di kɛ pɛlɛ́n naakpulɔɔ diɛ. Mąąhɔlɔɓo, di kɛi ɲɔ̨w Ɉuifə nwun nąmįną diɛ. Jesus ə lɔ, ə tɔɔ di lɔwai, yɛ diɛ: «Liilaa ə kɛ ka pɔ.»

Ɉaan 20:28

Tomasə yɛ Jesus ɓa: «Ną́mu da nwɔ́ Yálá.»

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.