Maafîu 25:6 - Yálá laawoo hɛɓɛ (dc)

⁶ «Kwííhąąi lɔwai, woo ta ə tɔɔ, yɛ kɛ mą: ‹Ka ɓɛlan ɉilɛ kaa pai, ka kulɔ ka li ka naakwiɛn!›

Yálá laawoo hɛɓɛ

⁶ «Kwííhąąi lɔwai, woo ta ə tɔɔ, yɛ kɛ mą: ‹Ka ɓɛlan ɉilɛ kaa pai, ka kulɔ ka li ka naakwiɛn!›

Bible

⁶ “Kɛ́lɛ, tãi gbínii samai è seri lai, dí lolo-woo mɛ̀ni, ‘Ka nɛnî-kula-surɔŋ káa! Ka pá ká duɛ tɔ́ɔ.’

Maafîu 25:6 ပူးပေါင်းရင်းမြစ်များ

Mąątɛ̨nɛ̨ 96:13

'ka gɛ tii Yai-Laa tɔwɔ, mąąhɔlɔɓo, gaa pai, gaa pai lɔi ɲąąwooɓoi. Gaa pai yɛnɛ̨ɛ̨ ɲąąwooɓoi a tələnmolaa, da nu huwuɠaa, yɛ bələi ɉąŋąąi la.

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Amɔsə 4:12

Ną́mu Yai-Laa yɛ nwɔ̨nɔ̨ diɛ: Yili ɓə gaa mą, Israɛlə lɔi hu nuą, bələi gáá pai ka hon ɉii la, kaa kpinįi ka káá pai gbaɠala kaa. Yɛ bələi gáá pai mɛ̨nį laai la kaa, ka kili yɛ ɓo ɉu, 'ka ka kpɔwɔ pɛli, ka ka wɔ Yálái ka káá pai kwiɛn ɉii.

Maafîu 24:31

Tulu woo kɛnɛ̨ a tɔɔ, a nwɔ malakaɠaai tɛɛ yɛnɛ̨ɛ̨ nąą kəlee, ə gɛ, di nwɛiɠaai ɲąąkpɔn.»

Maafîu 24:44

Yili ɓə gaa mą, ka gɛ a nəlɛɛ, ka kɛ gili-gili. Mąąhɔlɔɓo, Nu Lon gaa pai pai a ɲələ yii ka kili hvo mą.»

Maafîu 25:1

«Yálá-taa tɔɔlaa kɛ pələ kaa yɛ nɛ̨ɛ̨gbɛla pow yiiɠaai kɛi li di ɓɛlan ɉilɛ laakwiɛn ɉii; di di wɔ labonŋąai həɠə, diɛ li.

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;

Maafîu 25:5

Yii kɛa di ɓɛlan ɉilɛ hvo kɛi pa ɉa, kpinį hu kwɛaa kɛa, yii ə tɛɛ a nɛ̨ɛ̨gbɛlaɠaa tii.

Maafîu 25:7

Nąąlɔwai, nɛ̨ɛ̨gbɛla powi tii, di di muhəɠə, diɛ di wɔ labonŋąai pɛli.

Lukə 12:20

«Kɛlaa, Yálá ə mo ɉulɔnui tii ɓa, yɛ mą: ‹Kili kpɛɛ gwəimun! Háákələi, kpinįi ŋɛ̨i hu, ə́ kaa haai. A kɛ tii, ɉɛnŋąą tamąą ŋɛ̨i yáá gbɔn gee ɓa, gbɛɛ nwɔɔ li?›»

Lukə 12:46

Nwɔ mɛ̨nį nąmu a pa a hvolói gili hvo mą, a lɔwai yii hvo gɔlɔn. Nąmu a ɉon, a naa nɔ̨nwɔ̨ ɓo, ə baa. Da mɛ̨nį ɲɔ̨n gɛ nuą di hvɛla a kɛ tɔ̨nɔ̨.

Tɛsalonikə dɔlɔɔ 4:16

Gbala ə tɔɔ, malaka kɛnɛ̨ ɓə pai nwoo pilii, ɛlɛɛ, Yálá nwɔ túlúi woo ə tɔɔ, gu Nąmu yaa kpinįi, a yɛɛ yɛ həɠə yələi, a kɛ tii, nuąi haa Kristə hu, da gbɛa nwun,

Piɛrə veelɛ 3:10

Ną́mu Jesus pa hvóló kaa pai kɛi yɛ nwuɔ̨ mun bai lɔwai. Yələkɔlɔn gaa pai tɛɛi a tin gɛnɛ̨, yələ kwəi hɛnŋąa kəlee kaa pai həɠeen ɉi, lɔi da ɉu hɛnŋąa kəlee di kaa pai kələn ɉi.

M̀ɛni-lɛɛi 16:15

'Ə́ ɲɛ̨i hee tai, gáá pai yɛ nwuɔ̨mun. Nwun na nɛ̨ɛ̨mun maa, nui a lɛɛ a ɲɛ̨i, ɛlɛɛ, ə nwɔɔ həɠəi laa hɔnmo, əgɛ, hvo pa nəi lɛɛ a gbuwulu, nwumɛ̨ yɛ tɛ la.