Maafîu 25:21 - Yálá laawoo hɛɓɛ (dc)

²¹ «Nąmu yɛ mą: ‹Yaa gɛ a nəlɛɛ, kólo kɛmun dəlimoɔ ɓaa yɛ́. Yaa tələnmolaa kɛ mɛ̨nį logolo hu, gáá pai gáá pai ə́ heei mɛ̨nį kɛnɛ̨ɛ̨ nwun na. Pa ə́ hee gwɛ́lɛ kwəinɛ̨ɛ̨ hu.›

Yálá laawoo hɛɓɛ

²¹ «Nąmu yɛ mą: ‹Yaa gɛ a nəlɛɛ, kólo kɛmun dəlimoɔ ɓaa yɛ́. Yaa tələnmolaa kɛ mɛ̨nį logolo hu, gáá pai gáá pai ə́ heei mɛ̨nį kɛnɛ̨ɛ̨ nwun na. Pa ə́ hee gwɛ́lɛ kwəinɛ̨ɛ̨ hu.›

Bible

²¹ Nya ƃe ŋɔnuu-namui è mò m̀a, ǹyɛɛi, ‘Í gɛ̀ a ǹɛ́lɛɛ, íkaa a yée-mu-nuu sãa lɛ́lɛɛ. Ya tûa sãa kɛ́ sɛŋ-loŋ mɛi. Ŋa pâi seêi sãâ támaa mɛi. Lɔ́ ínuu-namui ŋɔlii-nɛ̃ɛ su.’

Maafîu 25:21 ပူးပေါင်းရင်းမြစ်များ

Hanwon 14:35

Tɔɔmun a ɲɛ̨i lɛlɛɛ hee, tímun gili kaa ɲəi, mą. Kɛlaa, a ɲɛ̨i ɲɔ̨nwɔ̨ɔ̨ hee nui a nwumɛ̨ tɛ nu, bɔ.

Hanwon 28:20

Nui dələnmoɔ, a lúwɔ́ hɔlɔɓo. Kɛlaa, nui gaa bɔ ə hɛn ɉɔlɔɓo a yee mąąhulɔ, hvo pai hvɛɠɛi hutɔɔ hu.

Maafîu 24:45

«Kólo kɛmun nɛlɛ ɓə dəlimoɔ, kili yɛ ɓo mą? Ya ɓaa yii nwɔ mɛ̨nį nąmu a kɛ mą: Ə́ ɲɛ̨i kɛ ə́ ɓɛlaa diɛ yɛ kɔ̨nɔ̨n dɛɛ di pɔ a dɛɛi lɔwai.

Maafîu 24:47

Gáá moi kaa a tɛ̨ą, nwɔ mɛ̨nį nąmu a pa, a dɔɔ kólo kɛnɛ̨ takpɛli nwun na ə tɛɛ dɔlɔɔ tii ɓa. Yili pulu, a góló kɛmun tii ɲɛ̨i lɛɛ ɲei hɛnŋąą kəlee diɛ.

Maafîu 25:23

«Nąmu yɛ mą: ‹Yaa gɛ a nəlɛɛ, kólo kɛmun dəlimoɔ ɓaa yɛ́. Yaa tələnmolaa kɛ mɛ̨nį logolo hu gáá pai gáá pai ə́ heei mɛ̨nį kɛnɛ̨ɛ̨ nwun na; pa ə́ hee gwɛ́lɛ kwəinɛ̨ɛ̨ hu.›

Maafîu 25:46

«Yili pulu yiliɠaa da li laa nɔ̨nwɔ̨ hu yii kpɛɛ hvo mą, kɛlaa, təli monuą da li yɛnɛ̨ɛ̨ hu yii kpɛɛ hvo mą ɉu.»

Lukə 12:44

A tɛ̨ą kpɔ-kpɔ gáá moi kaa, nąmu a ɲəi hɛnŋąą kəlee kalihvaɓo mą.

Lukə 16:10

Nui a tələnmolaa kɛ mɛ̨nį logolo hu, a pɛli tələnmolaa kɛi mɛ̨nį kɛnɛ̨ hu. Nui a hulu kɛ mɛ̨nį logolo hu, a hulu kɛ lɔ nwɔ̨nɔ̨ gɛnɛ̨ hu.

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Ɉaan 14:3

Ɓɛlɔwai ŋą li la ŋą gɛɛnąąi tii pɛli, ŋą pa, ŋį́ ka həɠə, gwə li, ə gɛ, ɓɛi ŋą kɛ laa, ka kɛ laa.

Ɉaan 17:24

«Ną́n, gáá bɔ ɓɛi ŋą kɛ laa, nuą ŋɛ̨i yáá di tɛɛ bɔ, diɛ kpɛli di kɛ laa, ə gɛ, mąąwiɛ yii yáá dɛɛ bɔ, di gaa. Mąąhɔlɔɓo, ə́ gbɛa nwɛ́li la kɛ gɛɛ yɛnɛ̨ɛ̨ kɔ́wɔ hvo tɔɔ.

Lomaŋ 2:29

Kɛlaa, yii nu hu pələ, noɔ, ya ɓə a nu kɛ a Ɉuifə mun neelee, ɛlɛɛ, kɛ́nɛ̨lonnaa ɓaa, yii nu kili ɓa pələ yɛ bələi Yálá kaa la bɔ, ya hvaa yii ɉɛɓɛ́ hu. Mąą nu ŋą mąąwiɛ hva həɠə nuą pɔ pələ, kɛlaa a həɠə Yálá pɔ.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Korɛntə veelɛ 10:18

Nui a gbɔwɔ mąą liɛwoo kɛ, yɛ gbɔwɔ mąątɛ̨nɛ̨, yaa hvəə dɔlɔ ka mą, kɛlaa, nui gu Nąmu a mąą liɛwoo kɛ, a mąątɛ̨nɛ̨ pələ.

Korɛntə veelɛ 5:9

Yili ɓa, ku kɔlɔi ŋɛ̨i, ɲɛ̨i mąą ə hvaliŋ-o, ku kulɔ ɉu-o, yii ku gwɛlii ya ɓaa, kwa Yálá lii hon nɔ.

Filipə 1:23

Gáá mɛ̨nį hveelɛ lɔwai: gáá bɔ ŋį́ li Kristə pɔ, ɛlɛɛ, yili kpɔ ɓə nwɛli kaa mą́ą́.

Timote dɔlɔɔ 3:13

Mąąhɔlɔɓo, nuąi gbɔn ɉu mɛ̨nį ɲɛ̨i kulɔ mɛ̨nį kaa di nwuɔ̨, daa kóló lɛlɛɛ həɠə ɉu, di kilitɔɔmąą laa kɔwɔ hvilɛnŋąą laa na laa mɛ̨i Jesus Kristə hu.

Timote veelɛ 2:12

Gwa diɛni gwa mɔ̨nɔ̨ mįi gee ɓa, gwa diɛni gu kaa pai tɔɔlaa kɛi gee ɓa. Akɛ gwa lənə mą, yaa kpɛlimąn a lənə guɔ.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

M̀ɛni-lɛɛi 21:7

Nui lɔpee a yeetɛɛmąą laa kɛ, a gwɛlin tii hɔlɔɓo, ɛlɛɛ, ŋą́ kɛ a nwɔ Yálá, ɛlɛɛ, yɛ ɓo a nón.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»