Maafîu 24:35 - Yálá laawoo hɛɓɛ (dc)

³⁵ Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Yálá laawoo hɛɓɛ

³⁵ Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Bible

³⁵ Ŋelei da ǹɔii da pâi kpɛɛ̂i, kɛ́lɛ, ŋáwooi fé pâi wɔ́lɔ kpɛɛ̂i.

Maafîu 24:35 ပူးပေါင်းရင်းမြစ်များ

Mąątɛ̨nɛ̨ 102:26

Yɛ́ ɓə wɔlɔ lɔi kpalan naa, yələ kɔ́lɔn gaa a ə́ yəi pɔɔ.

Mąątɛ̨nɛ̨ 119:89

Yai-Laa, ə́ laawoo kaa laa a yələ kəlee, yələkɔlɔn ɉu, mąą hva hvalin.

Mąątɛ̨nɛ̨ 19:7

A muhəɠə yələkɔlɔn bələ tɔ̨nɔ̨, ə nwɔ gilɛ həɠə yələ kwəi nąą kəlee, ə naa kulɔ bələ tɔ̨nɔ̨; hɛn da hva pɛli kulɔ wəleen ɲəi.

Mąątɛ̨nɛ̨ 89:34

Kɛlaa, vá nwóó kala mą; vá nwɔ́ mįnɛ̨i mąą kala.

Hanwon 30:5

Yálá hvaa wooɠaa kəlee kaa a tɛ̨ą. Nuąi da di mąą kilɛ vaa woo hu, gaa a di mąąkpɛmun.

Azaya 34:4

Yələi pələ kɔlaɠa kəlee kaa pai lɔi lɔ hɔɛ, diɛ yələkɔlɔn gbinįn yɛ da kɛi haɠa kpinįn; ɉu kɔlaɠa kəlee yɛ pu, yɛ bələi towələ wulu laa a pu la; yɛ bələi ɓolaa wulu laa a pu la.

Azaya 40:8

Kala tiliin a kpala, bowa ə yohva; Kɛlaa, guɔ Yálái woo nwɛi gaa lɔ laa a yələ kəlee.»

Azaya 51:6

'Ka ka ɲɛ̨i hee yələkɔlɔn mą, yili pulu ka lɔi ɓa kaa, yələkɔlɔn gaa lɔ pai lɔi gbąi yɛ nwɔ̨n nulu, lɔi yɛ haɠa yɛ həɠə; ɉu nuą diɛ haa yɛ koo koon ɉɛnŋąą. Kɛlaa nwɔ́ ɓalo mɛ̨nįi nwɛi gaa lɔ laa a yələ kəlee, nwɔ́ tələnmolaai hva too.

Azaya 54:10

Ə mą kɛ yeeɠaa kaa di tɔɔi mąąhvalin ɉii kɛ, yee kpukpuɠaa diɛ kpɛlin di wulu ŋą, nwɛli kɛmąą laai gaa níí hu yɛ hvilɛn na yɛ́, mąą hva kɛa kwɛa, ɛlɛɛ nwɔ́ liilaa mįnɛ̨i hva kɛa ɉəɠə mą, Yai-Laa yai ə́ hon ɉii a lii nɛ̨ɛ̨ gwəi laa, nwoo li.

Azaya 55:11

bələ lɔ ɓə nááwoo a túwɔ la, ɓɛlɔwai a kulɔ la ná, hva pənə hvo pa bɔ́ kpɛli kpɛli, yii hvo kóló kɛ li, Kɛlaa, mɛ̨nįɠaai kpɔ gáá bɔ, a gəlee kɛ, ɛlɛɛ, gólóɠaai kpɔ ŋį́ dɛɛ di kɛ mɛ̨nį ɓa, a gəlee ɲɛ̨i kulɔ.

Danîa 4:28

Nwooi tii ə lɛɛ lɔ tɔɔmun na, woo ta ə hɛɠɛ yələi yɛ mą: «Tɔɔmun Nabukodonosorə, ə́ wɔ wɛlɛɛ ka: Ə́ wɔ tɔɔlaai aa kulɔ ə́ yəi.

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Maafîu 5:18

Gáá tɛ̨ą ɓoi kaa, a kɛ yələ kɔ́lɔn, da lɔi da wala ni tɛɛ, mɛ̨nį yiiɠaai bɛ̨ɛ̨ dɔ́n ɉɛɓɛ́ hu, ɉɛɓɛ́ gɔw dɔ̨nɔ̨ kpɛli hva ɉəɠə mą. Gəlee ka kɛ, yɛ pələi bɛ̨ɛ̨ la, ə lɛɛ la ɉu, hvo kɛ li yɛnɛ̨ɛ̨ ɲąą kpɛɛi lɔwai.

Markə 13:31

Yələkɔlɔn da lɔi di kaa pai tɛɛi, kɛlaa, náá woo nwɛi hva tɛɛ.»

Lukə 21:33

Yələkɔlɔn da lɔi di kaa pai tɛɛi, kɛlaa nwóóɠaa ŋɛ̨i dɔ̨nɔ̨ kpɛli hva tɛɛ.»

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Piɛrə dɔlɔɔ 1:25

kɛlaa, gu Nąmu laa woo nwɛi, gaa laa a yələ kəlee mɛ̨nį.» Yaan nwoo tii, ya ɓaa, Nwɛlɛɛ lɛlɛɛi di naa həli káá.

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ:

M̀ɛni-lɛɛi 6:14

Yələkɔlɔn ə həɠə laa, yɛ da gɛi haɠa kpinįn gɛ, ɲeeɠaa da tín nɔiɠaa, di həɠə di tɔɔi,