Maafîu 24:31 - Yálá laawoo hɛɓɛ (dc)

³¹ Tulu woo kɛnɛ̨ a tɔɔ, a nwɔ malakaɠaai tɛɛ yɛnɛ̨ɛ̨ nąą kəlee, ə gɛ, di nwɛiɠaai ɲąąkpɔn.»

Yálá laawoo hɛɓɛ

³¹ Tulu woo kɛnɛ̨ a tɔɔ, a nwɔ malakaɠaai tɛɛ yɛnɛ̨ɛ̨ nąą kəlee, ə gɛ, di nwɛiɠaai ɲąąkpɔn.»

Bible

³¹ Gɛ̀ ní, a pâi Ŋɔɣâla-taa-kela-ŋai tɛɛ̂i dí tóli ƃó a túru-woo su kɛ́tɛ. Da pâi ŋɔsu-ɣɛɛ-ƃelai ŋá tɛ̂i gîe ma dí kúla ǹɔii-mela náaŋ su, é síɣe ŋele-kɔlɔŋ m̀éla tɔnɔ ma é tóo gbélii ma.

Maafîu 24:31 ပူးပေါင်းရင်းမြစ်များ

Mąątɛ̨nɛ̨ 22:27

Kpɔwɔ mąąyɛɛ nuą da kɔ̨nɔ̨n mįi, di pilɛ ɉu. Diɛi da Yai-Laa kwɛlii, da Yai-Laa laa mąątɛ̨nɛ̨. «Yíipoo, da yɛnɛ̨ɛ̨ ɲąąnɛ̨ɛ̨, 'di kɛ kaa!»

Mąątɛ̨nɛ̨ 67:7

Lɔi aa hihɛnŋaa ɲąąnɛ̨ɛ̨, daa ɓa, Yálá, a ku wɔ Yálái aa lúwɔ́ too kuɔ.

Mąątɛ̨nɛ̨ 81:3

'Ka vɛ́liɠaa pu mą! 'Ka mala woo kulɔ, gwɛnįn nwoo nɛ̨ɛ̨, da bɛlɛgwəi.

Lɛɛ gbɔwɔ ɓa 19:16

Voló haaɓa yələ, yələwala pɔ, yələ gbąnąą tín ə tɔɔ, mąną-mąną ə gɛ, tulɔ kpinįn ɉuwia ə yɛɛ ɲee ɓa, tulu woo kɛnɛ̨ yɛ tɔɔ, nɔi lonnii kəlee diɛ kpɛlin ɓɛi di kɛ laa tɔɔni.

Azaya 11:12

Gaa pai ɉilɛyili tɛi, ə nɔiɠaai tii kili ɲąpono, yɛ kɛ diɛ: Israɛlə nu huwui luwɔ pələi, gaa pai gəlee ŋąąkpɔn ɉii, Ɉuda nu huwui daɠataɠaa, ə nɛɠɛ gee ɓa, ə di kulɔ yɛnɛ̨ɛ̨ lɔi kəlee hu.

Azaya 13:5

Di kaa həɠəi kwɛala lɔi hu, yələkɔlɔn gbɛlai pələ, Yai-Laa da nwɔ liiholii nwąnąkulɔ hɛnŋąąi, di kaa pai nɔi kəlee huwoloi,

Azaya 27:13

Mąą hvólói, túlu kɛnɛ̨ woo kaa pai tɔɔi, nuąi kɛ daa pili, di kaa pai həɠəi Asiri lɔi hu diɛ pa; da nuąi ta di di kpɛ Eziptə lɔi hu, di kaa pai pɛlɛi Yai-Laa lííla, ɲee mąąhəɠɛɛ nwuɔ̨ Ɉerusalɛmə.

Azaya 42:10

'Ka wələ nįnɛ̨ too Yai-Laa ɓa, 'ka mąątɛ̨nɛ̨ wələ too ə həɠə kpɔ lɔi kpɛlai pələ, ə mą kɛ gboloyá da ɉu hɛnŋąą kəlee, gboloyá hɛ̨ąi lɔiɠaa, da di hu nuą.

Azaya 43:6

Gáá pai kɛi ɲələi pələ ɓa: «'Və́!» Gɛ́ ɉɛɠɛɛ pələ ɓa: «'Hvó kanąn mą! 'Pənə ə́ pa a nón ɉinąą, yɛ́ həɠə a diɛ kwɛaa la lɔi hu, yɛ́ həɠə a nónnii nɛ̨ąą lɔi kpɛlai, yɛ́ pa a diɛ.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Azaya 49:18

Ə́ ɲɛ̨i laa ə́ kwɛlɛ nąą kəlee, ə́ kɛɛ kaa: Di kəlee, di kaa di ɲąąkpɔn ɉii, diɛ pa ə́ pɔ, Yai-Laa aa gwɛla, yɛ diɛ: Yii kpɔ gáá a vúlú, Yai-Laa woo li. Ə́ kaa pai gəlee kɛi a ə́ mąą yili hɛn, yɛ́ di kɛ a ə́ hąą yili kɔ́lɔ, yɛ nɛ̨ɛ̨nui di kaa lííla nwɔ wɛli pɔ.

Azaya 60:4

'Ə́ ɲɛ̨i hee, 'ə́ kwɛlɛ kaa, di kəlee, di kaa di ɲąą kpɔn ɉii, diɛ pa ə́ pɔ, ə́ lon ɉinąą kaa həɠəi kwɛaala, diɛ pa, daa ə́ lonnɛąą pɛlɛ kpɔ di pulu a nwala walaa.

Danîa 7:2

Ɓɛlɔwai ŋą kɛ la laani ɲəi gbin ŋą a kpinį, ŋą́ hįi kaa. Hvaŋą ə həɠə yɛnɛ̨ɛ̨ nwoɔo nąąn ɉu, yɛ tɛɛ, yɛ li gboloyá ŋą, yɛ ɲa kɛ takpa takpa.

Zakari 14:5

Kaa kaa pai kɛi pui kaa li nɛ̨ŋɛ̨ lɔi hu, yai gaa ɲeeɠaa lɔwai, mąąhɔlɔɓo, nɛ̨ŋɛ̨ lɔi tii ɲee lɔwai, gaa pai həlii kpɔ Asalə, ka káá pai pui lɔ yɛ bələi ka pu la, a ɲələi nɔi ə kpɛlin na, a Ɉuda tɔɔmun Oziasə nwɔ yələi. Yili pulu, Yai-Laa nwɔ́ Yálái kaa pai pai, nwɔ nu mąąhəɠɛɛɠaa kəlee di ɓo bɔ.

Zakari 2:6

Gɛ́ mą: «Ə́ kaa lii mįnɛ̨?» Yɛ mą́ą́: «Gáá lii Ɉerusalɛmə kɔ́ɔn ɉii; gɛ́ ɲąąkɛnɛ̨ pələ, da goloon gwɛa pələ kaa.»

Zakari 6:5

Yɛ mą́ą́: «Hvaŋą nąąn ga tii, di kɛ tɔɔni lɔi kəlee Nąmu kwɛlɛ, di kɛɛ kɛa lii ka tii.»

Zakari 9:10

Gaa pai kɔ-kɔ-wotolo mɛ̨nį kpɛɛi Ɛfraimə lɔi hu, yɛ kɔ-kɔ-wotolo mɛ̨nį kpɛɛ Ɉerusalɛmə. Gaa pai gɔ-kɔ kilɛn ɉu yalii, ɛlɛɛ, yɛ liilaa yɛnɛ̨ɛ̨ loloɓo a lɔi kəlee nwɔɔ. Nwɔ heeɓolaa kaa pai həɠəi gboloyá ta ɓa, ə həli da kpɛli ɓa, yɛ həɠə ɲá kɛnɛ̨ ɓa, yɛ həli nɔi kpɛlai.

Zakari 9:14

Yai-Laa kaa pai kɛi di nwun mɛ̨i, nwɔ mɛ̨ɛ̨kɔwi kaa pai kɛi lii, yɛ yələgbąnąą a kɛi yɛlɛ. Nąmu Yai-Laa, yɛ túlú hvɛɛ gɔ́ ɓa, yɛ həɠə ɉɛɠɛɛ pələ tulɔ hvaŋą hu yɛ pa.

Maafîu 13:41

Nu Lon kaa pai Yálá nwɔ malakaɠaa tɛɛi, əgɛ, nuą yiiɠaai da kɛ di ɓɛlaa ɓowoi, diɛ di həɠə Yálá kɔ́lɔn bələ mɛ̨i, da di kulɔ nwɔ tɔɔlaai hu.

Maafîu 24:22

Akɛ kɛ Yálá hvo volóɠaa tii hukpuwɔ, nu tɔ̨nɔ̨ kpɛli hvo li ɓalo. Kɛlaa, Yálá ə volóɠaa tii ta kulɔ ma, nuą ə di həɠə ɉu di mąą mɛ̨nį ɓa.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Maafîu 24:32

«Mɛ̨nį yii ɓɔlaa wulu a kɛ nɛi kaa, mąąnɛ̨ɛ̨ ka kɛ a yili kɔ́lɔn ŋąą. Ɓɛlɔwai, gbuwunŋąa da kɛ tɔɔi la ma, ə lɛɛ naa yɛ tɛlin, ka gɔlɔn kaa hvóló laa teei lɔwai kaa ɉəlii.

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Markə 13:27

Nąąlɔwai kɛa, a nwɔ malakaɠaai tɔɔ yɛnɛ̨ɛ̨ ɉonwo-ɉonwon ɉu nąąn kəlee hu, di nwɔ nu həɠɛɛ ɉuɠaa ɲąąkpɔn.»

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Ɉaan 11:52

Hvo lɛɛ lɔ a nɔi tii mąą mɛ̨nį, kɛlaa, Yálá lonni yiiɠaai di taɠa-taɠa, di ŋąąkpɔn mɛ̨nį di kee ɓa di kɛ tɔ̨nɔ̨ mąą haa ɓə ə kɛi pa moi.)

Lomaŋ 10:18

Akɛti nuąi di hvo laa na, di hvo mɔ̨ɔ̨ nwɛlɛɛ lɛlɛɛi ti mɛ̨n? Kɛlaa di mɛ̨n gbɔ! Yɛ bələi Yálá lawoo hɛɓɛ́ kaa moi la yɛ diɛ: Di woo ə həli yɛnɛ̨ɛ̨ nąą kəlee, di wɔ kalan gɛ woo ə həli lɔi kpɛlai.

Korɛntə dɔlɔɔ 15:52

lɔ tii tanɔ̨n, a nu ɲɛ̨i yalima tanɔ̨n, a dúlú kpɛli hvɛɛi lɔwai. Gbala ə tɔɔ, dúlú woo a pa tɔɔi haa nuą da nwun a di mąąhəɠɛɛ, ɛlɛɛ, guɔn, gu mąą ə hvalin.

Ifisiɛŋ 1:10

Mɛ̨nį kəlee laa kulɔ ɲələ; gaa pai yələkɔlɔn ɉu hɛnŋaa da lɔi mɛ̨i hɛnŋaa ɲąąkpɔn ɉii nwun nąmu tanɔ̨n ɲee mu, ya ɓaa a Kristə.

Dutɛrɔnome 30:4

Ə mą kɛ daa li a kaa lɔi kpon ɉeei, a ka ɲąą kpɔn naa, yɛ li ka həɠəi nąą.

Dutɛrɔnome 4:32

Ka ka kiliŋąhiɛ tɔwɔ-tɔwɔ hvólóɠaa tii hu, mɛ̨nįɠaa kɛ, kaa yiiɠaa ŋɛ̨i ka hvo ni kɛ laa, ə həɠə kpɔ ɓɛlɔwai Yálá ə nu kanŋaa kulɔ la lɔi mɛ̨i! Ka yɛnɛ̨ɛ̨ kəlee mąąnikɛ! Mɛ̨nį ɲɛ̨i kɛnɛ̨ɛ̨ ta aa ta mɔ̨ɔ̨ kɛ yɛ yii ŋɛ̨i? Daa ta mɛ̨nį taaləi ŋɛ̨i bələ mɛ̨n?

Tɛsalonikə dɔlɔɔ 4:16

Gbala ə tɔɔ, malaka kɛnɛ̨ ɓə pai nwoo pilii, ɛlɛɛ, Yálá nwɔ túlúi woo ə tɔɔ, gu Nąmu yaa kpinįi, a yɛɛ yɛ həɠə yələi, a kɛ tii, nuąi haa Kristə hu, da gbɛa nwun,

Tɛsalonikə veelɛ 2:1

Yii hvilɛn na gu Nąmu Jesus Kristə ŋą yələi ɓa, da gu ɲąąkpɔn mɛ̨nį gwɛlɛ, ną́n nonnii, yii ku kaa vɛlii káá ya ka:

Hebreu 12:19

túlú woo ɛlɛɛ, hį́iwoo; nuąi ə too di wəlii, di hvo gɛ di hvo mɛ̨n.

M̀ɛni-lɛɛi 1:20

Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

M̀ɛni-lɛɛi 7:1

Yili pulu, ŋą́ malaka nąąn gaa tɔɔni lɔi wəlinna nąąn ma, di yee yɛ ɓo lɔi mɛ̨i hvaŋą nąąn ma, ə gɛ, hvaŋąi lɔpee ta hvo tɛɛ lɔi mɛ̨i, gboloyá ɲą, ə mą kɛ, wulu ta ɓa.

M̀ɛni-lɛɛi 8:2

Ɛlɛɛ, ŋą́ ɲɛ̨́i hee, malaka mɛ̨ihveelɛi kɛ tɔɔni Yálá lííla, ŋą́ di kaa. Di tulu mɛ̨ihveelɛ tɛɛ di pɔ.