Maafîu 24:24 - Yálá laawoo hɛɓɛ (dc)

²⁴ Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Yálá laawoo hɛɓɛ

²⁴ Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Bible

²⁴ Kpɛ́ni fêi, lɛ́ɛ-Kôrai-ƃela da Ɣâla-maa-wôya lono-kɛ-ƃela da pâi siɣêi dí tɔɔ, díkɛ ŋɛ́i-kɛ-maa kpaya-kpaya lɛ da mɛni kpaya-kpaya a gɛɛ, pɔ̂ri à kɛ̀ naa, dí díyee laa zu-ɣɛɛ-ƃelai dîa máŋ.

Maafîu 24:24 ပူးပေါင်းရင်းမြစ်များ

Azaya 9:15

Di ɲɛ̨itɔwɔ nuą daa di lan, nuą diɛ kpɛli daa ɉon a pələ ɲɔ̨nwɔ̨ɔ̨, di nwun na aa pili.

Maafîu 22:14

Jesus ə mo kɛa diɛ, yɛ diɛ: «Nu tamąą təliɛi, kɛlaa, dɛitɛi ɓə ɲɛɠɛɛ ɉu.»

Maafîu 24:11

Lɛɛ kɛla tamąą kaa pai di muhəɠəi diɛ nu tamąą ɓowo.

Maafîu 24:22

Akɛ kɛ Yálá hvo volóɠaa tii hukpuwɔ, nu tɔ̨nɔ̨ kpɛli hvo li ɓalo. Kɛlaa, Yálá ə volóɠaa tii ta kulɔ ma, nuą ə di həɠə ɉu di mąą mɛ̨nį ɓa.

Maafîu 24:25

Ka ka wəli tɔɔ a nəlɛɛ, ŋą́ą́ mɛ̨nįɠaai ŋɛ̨i ɓo kaa nąąlɔwai tɔwɔ.

Maafîu 24:31

Tulu woo kɛnɛ̨ a tɔɔ, a nwɔ malakaɠaai tɛɛ yɛnɛ̨ɛ̨ nąą kəlee, ə gɛ, di nwɛiɠaai ɲąąkpɔn.»

Maafîu 24:5

Mąąhɔlɔɓo, nu tamąą kaa pai pai náá hu diɛ kɛ mą: ‹Ɲą́ą́ ɓə gaa a Nwun mąąɓomun Yálá ə naakwɛlanmo.› Di kaa pai kɛi nu tamąą ɓowo, diɛ di nwun ɉu lan.

Maafîu 7:15

«'Ka ka kpɔɔ mɛ̨i kaa, nuąi da di kpɔɔ kɛ a Yálá kwəi mɛ̨nį hukulɔ nuą di mąą mɛ̨nį ɓa. Mąąhɔlɔɓo, da lɔ ɓɛlaa kɔ́lɔ hu, diɛ pa ka pɔ. Kaa di kaa yɛ ɓɛlaaɠaa, a mɛ̨nį gɛ kwɛ́li hvulúɠaa li.

Markə 13:22

Mąąhɔlɔɓo, lɛɛ Kristə tamąą, da lɛɛ kɛla tamąąɠaa di kaa pai kɛi kpalo mɛ̨nįɠaa, da kwəi pili mąą mɛ̨nįɠaa kɛi, akɛ di yee a lɔ, nuąi Yálá aa di həɠɛɛ ɉu, di kili ɲąąpɛlɛ.

Lukə 18:7

A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Ɉaan 4:48

Jesus yɛ mą: «Ka hva pɛli laa na laa kɛi a kɛ ka hvo kpalo mɛ̨nįɠaa kaa li.»

Ɉaan 6:37

Nuą lɔpee Ną́n a di tɛɛ bɔ́, di kaa pai pai bɔ́. Vá lənə dɔ̨nɔ̨ kpɛli ɓa.

Ɉaan 6:39

Yaan, nui dɔ́ɔ́ niiɓa ɓaa: nuą ə di tɛɛ bɔ́ dɔ̨nɔ̨ kpɛli nwun na hvo pili. Kɛlaa, Ŋą́ gəlee nwun a yɛnɛ̨ɛ̨ ɲąąkpɛɛ yələ.

Gɛlaɠaa 20:16

Yaan, Polə ə naa gwəi ə Efɛsə taa mąąlaa, hva tɔɔ kɛ laa, ə gɛ, hvo pa lɔwai tamąą kɛ Asi lɔi hu. Ə mąą hulɔ ə gɛ Pantəkotə hɛli ə ɉɔlɔɓo Ɉerusalɛmə.

Lomaŋ 12:18

Akɛ pɛli mąą a kɛ ɉu, ká hvaa mą ɓə-o, liilaa ə kɛ ka nu kəlee ka lɔwai.

Galatə 4:15

Gwəinɛ̨ɛ̨i tɔlɔɔ kɛ ká yəi, gaa mį? Mąąhɔlɔɓo, ŋą́ pɛli yili mąą kɛla hvaaɓoi a tɛ̨ą, gɛ́ diɛ: Ə li kpɔ kɛ a ká yee pɛlimąą mɛ̨nįi-yoo, ká li kpɔ kɛ, ká ɲɛ̨ikɔw kulɔ, ká dɛɛ bɔ́.

Dutɛrɔnome 13:1

Dɔnŋąąi gáá dɛɛi ka pɔ, ka tɔɔ a ka nwąnąi, ka gɛ, ka hvo da pɛlɛ mą, ka hvo da kulɔ mą.

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»

Piɛrə dɔlɔɔ 1:5

a káái Yálá ŋą hvaŋą yee kaa káá, laa na laa háálai, ɓalo mɛ̨nįi ɉɛ̨ą yiliɛi, doo mɛ̨nį ɓa pono ɲą, ɲąąkpɛɛi lɔwai.

Piɛrə veelɛ 3:17

Yili ɓə gaa mą:, nwɛ́li kɛ mąą nuą, ka wɛi, ka kili aa pu kɛa mɛ̨nį kəlee hu, ka ka kpɔɔ mɛ̨i kaa, ka hvo nɛɛ laa nu ɲɔ̨nwɔ̨ɔ̨ɠaa di hvo ka həɠə bələ mɛ̨i, di hvo ka wɔ kilitɔɔ mąą kulɔ ka yəi.

Zɔ̂ŋ Maa-ŋuŋ 2:18

Nónnii pɛlɛɛɠaa, vóló gbɛlamąą ka. 'Ká mɛ̨n, diɛ kɛ diɛ: Kristə ɲowo kaa pai; Yaan, Yiihu kɛa Kristə ɲowoɠaa tamąą kaa ɓɛ, yili ɓə gwa gbaɠala kɔlɔn na guɔ, vóló gbɛlamąą aa həli.

Zɔ̂ŋ Maa-ŋuŋ 2:22

Gbɛɛ ɓə gaa a lɛɛmun akɛ nui a lənə Jesus ŋą Kristə laa ɓa, ya hvəə? Ɓɛ kaa, Kristə ɲowo ɓaa, nui a lənə Ną́n Yálá da Nón diɛ.

Zɔ̂ŋ Maa-ŋuŋ 5:18

Gbaɠala kaa guɔ, nui a Yálá lon, hva kɛa nɛ̨ŋɛ̨n ɉəɠə, kɛlaa Yálá ŋą Lon ə gaa, a ɲee kɛ mąą nu ɓa, ɛlɛɛ, Mɛ̨nį-ɲɔ̨n ɲee hva kɛa pɛli mą.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.