Maafîu 24:14 - Yálá laawoo hɛɓɛ (dc)

¹⁴ Yálá-taa tɔɔlaa yii gaa pai, hvo kɛ li mąą wəlɛɛ lɛlɛɛ laa ə həli yɛnɛ̨ɛ̨ nu kəlee ɓa, ə gɛ, yili ə kɛ a kɛla hvaa nu kəlee ɓa. Yili pulu, yɛnɛ̨ɛ̨ ŋąą yɛ kɛa kpɛɛ.»

Yálá laawoo hɛɓɛ

¹⁴ Yálá-taa tɔɔlaa yii gaa pai, hvo kɛ li mąą wəlɛɛ lɛlɛɛ laa ə həli yɛnɛ̨ɛ̨ nu kəlee ɓa, ə gɛ, yili ə kɛ a kɛla hvaa nu kəlee ɓa. Yili pulu, yɛnɛ̨ɛ̨ ŋąą yɛ kɛa kpɛɛ.»

Bible

¹⁴ Gâloŋ-laai maa-tuŋ lɛ́lɛɛi ŋí a pâi ƃôi ǹɔii kwaa kélee a sêre-faa sîi kélee mɛni ma. Gɛ̀ ní, ŋ̀éniɛi kpɛɛ ŋá a pâi pâi.

Maafîu 24:14 ပူးပေါင်းရင်းမြစ်များ

Izikiɛ 7:10

«Ɲələ ka, pulu ka ŋɛ̨i pai; gaa bələ pɔ, wea mɛ̨nį nwɛi ɓə a nɛ̨ɛ̨mą. Kpɔwɔ ɲąą kɛnɛ̨ laa yɛ tɔɔ.

Maafîu 10:7

Ka kɛ bələ ɓa, ka Yálá-taa tɔɔlaa mąąkpuɔ mąą wɛlɛɛ laa həli.

Maafîu 18:19

«Gáá nwɔ̨nɔ̨ moi kaa, akɛ nu hveelɛ da pɛli ɉu, hɛn nɔpee da vɛli Ną́n Yálá ɓa yii gaa yələkɔlɔn ɉu, a dɛɛ di pɔ.

Maafîu 24:3

Jesus ə tɛ ə hee Olivə yee tona, nwɔ kalan nɛai di hee gwɛlɛ di tɔ̨nɔ̨ kɛɛnąą. Di mąąlən gɛ diɛ mą: «Akɛti, mįnɛ lɔwai ɓə kwɛni hvo pai lɛɛ la kwɛni mɛ̨i? Ɛlɛɛ, ə́ pai lɔwai da yɛnɛ̨ɛ̨ ŋɛ̨ɛ̨ kpɛɛi lɔwai kɔ́lɔn ɉɛn lə kɛɛɠaa ɓə ku kaa pai gɔlɔn ɉii la.»

Maafîu 24:6

Ka káá pai kɛi kɔ́ kpɛa-kpɛaɠaa mąą pələ mɛ̨n ɉii ka kwɛlɛ ə mą kɛ kwɛaalaɠaa. Ka hvo ɲɔ̨w, mąąhɔlɔɓo, hvo kɛ li mɛ̨nįɠaa tii di kɛ. Kɛlaa, yili hva nii kpɛli kɛ a yɛnɛ̨ɛ̨ ɲąąkpɛɛi lɔwai.

Maafîu 4:23

Jesus ə li Galile lɔi hu nąą kəlee, yɛ nuą kalan, di wɔ Yálá hvɛli pɛlɛ́ɠaa mu. Yɛ Yálá-taa tɔɔlaa mąą wɛlɛɛ lɛlɛɛ laa həli, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ yiiɠaai kpɛɠi ə kɛ diɛ, nuą lɔwai.

Maafîu 9:35

Jesus ə kɛi tɛɛ daa kpɛa-kpɛaɠaa da daa pəlɛɛɠaa hu, yɛ nuą kalan di wɔ Yálá hvɛli pɛlɛ́ɠaa mu; yɛ Yálá-taa tɔɔlaa mąą wɛlɛɛ lɛlɛɛ ɓo diɛ, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ, nuąi kpɛɠii kaa diɛ.

Markə 13:10

Mąąhɔlɔɓo, hvo kɛli nwəlɛɛ lɛlɛɛ ŋɛ̨i laa ə həli hį́i kəlee ɓa.

Lukə 2:1

Nąąlɔwai Sesarə Augustə ə mo yɛ: «Ɓɛi kpɔ ŋą heeɓo laa ə həli laa, di nąą nuą kəlee lono.»

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Lukə 4:5

Nąnį ə ɉəɠə ə li la yee kwɛa ta tonna ə yɛnɛ̨ɛ̨ tɔɔlaaɠaa kəlee lɛ mą kpɔlɔ ŋąąɓa.

Gɛlaɠaa 1:2

ə mą kɛ, ə lɛɛ ɉu ə həli la ɲələi ə tɛ la yələkɔlɔn ɉu mą, yili kəlee ɓə ŋį́ bɛ̨ɛ̨. Gɛɛ hvo kɛ tɛi yələi, Kili-Mąąhəɠɛɛ ŋą huwalawala háálai, nuą ŋɛ̨i ə di həɠə ɉu ə di kɛ a nwɔ kɛlaɠaa, ə di kili ɲą pono, ə di tɔɔ.

Gɛlaɠaa 11:28

Di tɔ̨nɔ̨ ə kɛ laa diɛ kɛ mą: Agabusə, ə muhəɠə ə tɔɔ, Yálá ə gilaa pono, yɛ kɛ: «Pulu kɛnɛ̨ kaa pai tooi lɔi mɛ̨i nąą kəlee.» Yaan, bului ti ə too a Klodə nwɔ tɔɔlaa yələ.

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Gɛlaɠaa 17:6

Lii di mo di hvo di kaa laa, di Ɉasɔn hon da galan nɛa taɠaa, di pa a diɛ daa nąmįną lííla. Diɛ tomą, diɛ kɛ: «Nuą ŋɛ̨i daa lɔi kəlee kulɔ bihɛi, diɛ ka ɓɛ yiihu.

Gɛlaɠaa 19:27

Gu wɔ kólói ŋɛ̨i lɔ hvəə diɛ di pa tɛɠɛɓo ɉu, kɛlaa ɲálá nɛ̨ɛ̨nu kɛnɛ̨i Artemisə hvɛli pɛlɛ́ yaa kpɛli mąn, yɛ ə pa lɛɛ a vowolo, a ɲálá nɛ̨ɛ̨nui ŋɛ̨i, yai Asi lɔi kəlee da yɛnɛ̨ɛ̨ piliɛ geemɛ̨i da kɛ mąąwiɛi, mɛlɛ hva kɛa lɛɛ mą.»

Gɛlaɠaa 20:25

«Ŋą́ kɛi tɛɛ ka kəlee ka lɔwai, gɛ́ Yálá-taa tɔɔlaa laa həli. Kɛlaa, gílí kaa ɉu gɛ́ diɛ, ə həɠə kɛa yiihu ɓa, ká hvo kɛa pai ɲɛ̨́ilaai kaai.

Lomaŋ 10:18

Akɛti nuąi di hvo laa na, di hvo mɔ̨ɔ̨ nwɛlɛɛ lɛlɛɛi ti mɛ̨n? Kɛlaa di mɛ̨n gbɔ! Yɛ bələi Yálá lawoo hɛɓɛ́ kaa moi la yɛ diɛ: Di woo ə həli yɛnɛ̨ɛ̨ nąą kəlee, di wɔ kalan gɛ woo ə həli lɔi kpɛlai.

Kolosə 1:23

Kɛlaa, hvo kɛli, laa na laa háálai, ká kanąn mą, 'ká ɉon kpɔ kpąą, 'ká hvo nɛɛ laa, di hvo ká mąąkwɛa nwɛlɛɛ lɛlɛɛ ŋą kilitɔɔmąą laa ɓa, yai ká mɛ̨n; a yai, di naa həli pɛli-hɛn gəlee ɓa yələkɔlɔn mu nąą kəlee, yaa tii ɓə, ɲą́ą́ Polə ŋą́ kɛ a ŋą tímun.

Kolosə 1:6

yai pa ə həli káá; bələi lɔ gaa kɛ mɛ̨nį kɛi la, ɉu yɛ kɛnɛ̨, yɛnɛ̨ɛ̨ nąą kɔlɔ kəlee, bələ lɔ ɓə a gɛ la ká lɔwai, ə həɠə ɲələ ká ká yee hee la mu, ká gɔlɔn ŋą tɛ̨ąi hu, a Yálá ŋą mɛ̨inɛ̨ɛ̨,

Hebreu 1:6

Kɛlaa yaamun, ɓɛlɔwai ə kɛli pa Lon dɔlɔɔ lɛi la yɛnɛ̨ɛ̨ ɓa, ə mo yɛ: «Yálá ŋą malakaɠaa kəlee, 'ká kwɛli hvilɛn mą.»

Hebreu 2:5

Mąąhɔlɔɓo, ɲɛnɛ̨ɛ̨ nįnɛ̨i gaa pai, yai gu kaa mąą mɛ̨nį ɓoi, malakaɠaa hvəə ə gɛ a di wɔɔ. Mąą mɛ̨nį ɓoɔi kɛɛnąą ta a tɛ̨ą, diɛ kɛ mą:

M̀ɛni-lɛɛi 14:6

Ɛlɛɛ, ŋį́ ɲɛ̨́i hee, ŋį́ malaka ta kaa, yɛ koon gbɔ ɲələ kwəi. Yálá-taa wɛlɛɛ lɛlɛɛ ə kɛ ɲəi, yɛ pa naa həlii lɔi mɛ̨i nuą diɛ: hįi lɔi kəlee, nu huwu kəlee, hįi wooɓo nuą kəlee.

M̀ɛni-lɛɛi 16:14

Di kɛ a ɲįnɛ̨nŋaa di wɔ kiliɠaa. Di kɛli kwɛlɛɛn mɛ̨nįɠaa kɛ, ɛlɛɛ, də li kpɔ yɛnɛ̨ɛ̨ tɔɔɓɛlaa kəlee pɔ, əgɛ, di di ɲąąkpɔn, diɛ pa pɛlɛi Hééɓolaa kəlee Nąmu Yálá ɓa, a gɔ-kɔ hvóló kɛnɛ̨i.

M̀ɛni-lɛɛi 3:10

Gbala ə tɔɔ, yáá ə́ yee kąnąn náá woo ɓa, a hvaŋąlɔ laa, ɲą́ą́ gbɛlimąn, gáá pai ɲéé kɛi yɛ́ a ɲąąhɛn ɲələɠaai pai həlii yɛnɛ̨ɛ̨ kəlee ɓa, ɛlɛɛ, yɛ lɔi mɛ̨i heeɓo nuą ɲąąhɛn.