Maafîu 23:26 - Yálá laawoo hɛɓɛ (dc)

²⁶ Farisiɛ̨ɠaa ka ɲɛ̨ipuɔi! Ka gbɛa nii gbələ kɔ́wɔ da gəgən ɉu pələ waa, a kɛ tii, gɔlɔ ɓa a pɛli lɛlɛ.

Yálá laawoo hɛɓɛ

²⁶ Farisiɛ̨ɠaa ka ɲɛ̨ipuɔi! Ka gbɛa nii gbələ kɔ́wɔ da gəgən ɉu pələ waa, a kɛ tii, gɔlɔ ɓa a pɛli lɛlɛ.

Bible

²⁶ Faresii-nuu ŋɛ́i-puɔɔ̂i, kɔ̂pui da bânei su-pere wàa fulɔi, gɛ̀ ní, dípôlu-pere a pâi kɛ̂i a ŋwaa máŋ.

Maafîu 23:26 ပူးပေါင်းရင်းမြစ်များ

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Ɉeremi 13:27

Əkə́! Ə́ wɔ wɛli hon mɛ̨nįɠaa, ə́ tomą pələ a wɛli ɲąŋą kulaa, ə́ kpɔɔ tɛɛ mɛ̨nį hinąą pɔ, hvá mąn nwumɛ̨ ɉu, ɲeeɠaa nwuɔ̨, da ɲɛa kɔ́ɔɠaa hu, ŋą́ą́ yili kəlee naa kaa. Ə́kə Ɉerusalɛmə! Nwumɛ̨ aa tɛ yɛ́. Hvó bɔ, hvó ə́ gbɔwɔ mąąhəɠə, hvó hvilɛn búlú! Ə́ kaa pai lɛɛi yili hu ə lɛɛɉu lə yələ?

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Izikiɛ 18:31

'Ka ká yee kulɔ ka wɔ kulɔ nwoo mu laa kəlee hu, 'ka kiliŋąhiɛ nįnɛ̨ həɠə, 'ka too ka nįnɛ̨ kɔ́lɔi, lə mɛ̨nį ɓa ka káá bɔ ka haa, Israɛlə nwɔ pɛlɛ́i mu nuą?

Maafîu 12:33

«Wului nɛlɛɛ, ma lɛlɛɛi lɔ. Wului ɲɔ̨nwɔ̨ɔ̨, ma ɲɔ̨nwɔ̨ɔ̨i lɔ. Wulu kɔ́lɔn ɉɛn ɓaa a ma.

Maafîu 14:8

Nɛ̨ɛ̨non nee ə dəli loo pələi, yɛ mą: «Li yɛ́ mąi: Ɉaan-Batistə nwun galən mə gáá bɔ ə́ dɛɛ bɔ́ naa gəgən ɉu.»

Markə 7:4

Ə mą kɛ daa həɠə lɔwɔ-kpala ŋą, di hva kɛ kɔ̨nɔ̨n mį́i a kɛ di hvo di wɔ tɔ́n tii bɔ tuwɔ ɓo li. Huwula mɛ̨nį tamąą kaa kɛ laa yii di kanąn ŋąą kɛ mą, yɛ pələi: kpələ kɔ́wɔ huwaa mɛ̨nį, da ya ləɠiɠaa waa mɛ̨nį, ləɠiɠaa, ə mą kɛ, da gəgənŋąą.

Lukə 11:39

Ną́mu ə mo kɛa mą, yɛ mą: «Kaa ŋɛ̨i a Farisiɛ̨ɠaa, bələi ka káá la, bələ ka: kpələkɔwɔ da gəgən, ka di pulu waa a nɛlɛɛ. Kɛlaa, ka hu pələ laahvɛɛ a: nwuɔ̨ da lii ɲɔ̨n gwəi laa.

Lukə 6:45

Nu kwəi kiliŋąhiɛ lɛlɛɛ lɔ ɓə, mɛ̨nį lɛlɛɛ kɛɛ a kulɔ ɉu. Nu kwəi kiliŋąhiɛ ɲɔ̨nwɔ̨ɔ̨ lɔ ɓə, mɛ̨nį ɲɔ̨nwɔ̨ɔ̨ kɛɛ a kulɔ ɉu. Mąąhɔlɔɓo, yii gaa nu nwɔ kiliŋąhiɛ hu, ya ɓə a tɛ na.»

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Zĩi 4:8

'Ká ká mąą lɛɠɛ Yálá ɓa, a mąą lɛɠɛ káá. 'Ká ká wɔɔ nɛŋɛ̨n ɲeeɠaa mąą waa, 'ká ká lii hu mąąhəɠə, ká hu hveelɛ nuą ŋɛ̨i!