Maafîu 22:9 - Yálá laawoo hɛɓɛ (dc)

⁹ Yili ɓə gaa mą, ka tɛɛ bələ leeɠaa hu, gwəliɠaa lɔwai nui lɔpee ka gaa, ka mo mą ə pa.›

Yálá laawoo hɛɓɛ

⁹ Yili ɓə gaa mą, ka tɛɛ bələ leeɠaa hu, gwəliɠaa lɔwai nui lɔpee ka gaa, ka mo mą ə pa.›

Bible

⁹ M̀ɛni ma ka lí bere-tãaŋ-ŋai lá ǹûai ka díkàai, ká ƃɛlɛ-tôli ƃó a dia dí pa ǹɛnî-kula-kûui su.’

Maafîu 22:9 ပူးပေါင်းရင်းမြစ်များ

Izikiɛ 21:21

Ɓa-mįi-yee hu pələ, kɛɓɛyee hu pələ, ɓɛi lɔ pəə ya ə́ ɲɛ̨́i tinɛ̨n naa nąą ə lɛɛ a ɓɔwa kwɛaa laa lowo.

Abdiasə 1:14

Mąą hvo nɛ̨ɛ̨li kɛ, hvo tɔɔ bələ taŋąnaɠaa, nuąi da kɛi kɛ di pu, yɛ́ di paa, a wala kɛ tii, yiiɠaai da pu, yɛ́ di hon, yɛ́ di tɛɛ di yowoɠaa pɔ a mɛ̨nį nwąnąą hvólói tii.

Maafîu 20:7

«Di mo mą diɛ mą: ‹Mąąhɔlɔɓo, nu ta hvo kólo tɛɛ li ku pɔ.› Ə mo diɛ yɛ diɛ: ‹Ka li kaa kpɛli ka kólo kɛ ɲə́i ɲɛa, gaa pai ka halai.›

Maafîu 22:10

«Diɓo kɛ nuą di hɛgɛ də li gwəliɠaa lɔwai, nuą lɔpee di kɛi di kaa, nu lɛlɛɛ ma ə mą kɛ nu ɲɔ̨nwɔ, di kɛi di təli tɔɔmun nwɔ hɛli hu. Gəlee di pa di bɛlɛ́ laa hvɛɛ.

Maafîu 22:8

Tɔɔmun ə mo nwɔ tínuą diɛ, yɛ diɛ: ‹Vúlu lɔ kɔ̨nɔ̨n aa mɔ; kɛlaa, nuąi kɛ mąąnɛ̨ɛ̨ di mįi di hva kpɔ kɛa da mįi.

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Gɛlaɠaa 13:47

Ɛlɛɛ yaan, mɛ̨nįi kpɔ gu Ną́mu Yálá ə ku tí la, yaa li yɛ kɛ diɛ: «‹Ŋą́ą́ ə́ hee a huwu takpɛliɠaa di wɔ kɛɛpono yɛ́, ɲɛ̨nɛ̨ɛ̨i kpɛɛ hvo mą laa həli kpɔ lɔi kpon ɉeei.›»

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.