Maafîu 22:24 - Yálá laawoo hɛɓɛ (dc)

²⁴ «Mąąkwɛli kɛmun, mɛ̨nį Moisə ə mo ya ka, ‹Akɛ nu ta a nɛ̨ą həɠə, ə nɛ̨ą lɛɛ ə haa, hvo lon gaa li mą, mąąnɛ̨ɛ̨ gaayɔwaa da ə nɛ̨ɛ̨nui tii həɠə a nɛ̨ą, ə gɛ, nui ŋɛ̨i haa, ə ɉuwu kulɔ.›

Yálá laawoo hɛɓɛ

²⁴ «Mąąkwɛli kɛmun, mɛ̨nį Moisə ə mo ya ka, ‹Akɛ nu ta a nɛ̨ą həɠə, ə nɛ̨ą lɛɛ ə haa, hvo lon gaa li mą, mąąnɛ̨ɛ̨ gaayɔwaa da ə nɛ̨ɛ̨nui tii həɠə a nɛ̨ą, ə gɛ, nui ŋɛ̨i haa, ə ɉuwu kulɔ.›

Bible

²⁴ dîyɛɛi, “Kaamɔ̂ɔ, Mose è mò, a gɛɛ, ‘À kɛ̀ núu à sàa, ve lóŋ kaa ní, fɛ̂ɛ ǹeɣe-ɣelei é bɔɔ-nɛnîi kúla é lóŋ kaa ma ǹîa mɛni ma.’

Maafîu 22:24 ပူးပေါင်းရင်းမြစ်များ

Zɛnɛse 38:11

Ɉuda yɛ kɛa non nɛ̨ą Tamarə ɓa: «Yɛ bələi yáá lɛɛ la a kalanin, 'li ə́ lɛɛ ə́ nąn ɲəi bɛlɛ́n, ə́ nąą mąą kpɔn, ə lɛɛ ɉu nón Sela ə laŋą.» Ɉuda ə kɛi mo gwəi pələ, yɛ kɛ mą: «Və́ bɔ Sela yaa kpɛli hvo haa, yɛ bələi niɛni di haa la.» Tamarə ə li nąn ɲəi bɛlɛ́n, ə lɛɛ laa.

Zɛnɛse 38:8

Nąąlɔwai, Ɉuda yɛ non Onan ɓa: «Ə́ liɛ aa haa, nɛ̨ąi tii həɠə, əgɛ, ə́ ɉuwu kaa mą.»

Maafîu 22:16

Yili pulu, di di wɔ kalan nɛai taɠaa tɔɔ da Herodə yee pɔ nuą taɠaa, ə gɛ, di pa di Jesus mąąni kɛ, diɛ mą: «Mąąkwɛli kɛmun, ku gɔlɔn kuɔ ya tɛ̨ą ɓo, yɛ́ nuą kalan a Yálá liiɓa tɛ̨ą pələ mɛ̨i, hvá ɲɔ̨w nuą di wɔ kiliŋąhiɛ ɓa. Mąąhɔlɔɓo, mɛ̨nį yii nuą da gaa a mɛ̨nį walawala, hvá gaa a mɛ̨nį walawala.

Maafîu 22:25

Yaan, nąn kaa mɛ̨ihveelɛ kaa kɛ ɓɛ dɔlɔɔ ə nɛ̨ą həɠə, hvo lon gaa mą ə haa. Nɛ̨ɛ̨nu ə lɛɛ bulu ləɠə yəi.

Maafîu 22:36

«Mąąkwɛli kɛmun, tɔ́n nɛlɛ ɓə gɛnɛ̨ dɛɛ tɔ́n gəlee ɓa?»

Maafîu 7:21

«Nuąi da kɛ mą́ą́: ‹Ną́mu, Ną́mu›, gəlee hvo pai lɔi Yálá-taa tɔɔlaa hu. Hvɛɛ yiiɠaai da Ną́n gaa yələi, niiɓa kɛ, diɛ ɓə pai lɔi laa.

Markə 12:19

«Mąąkwəli kɛmun, dɔ́n Moisə ə bɛ̨ɛ̨ ə dɛɛ ku pɔ, ya ka, yɛ: ‹Akɛ nu ta a nɛ̨ą həɠə, ə nɛ̨ą lɛɛ ə haa, di hvo lon gaa li di yaa; mąąnɛ̨ɛ̨ nąn non da ə nɛ̨ɛ̨nui tii həɠə, ə lon gaa mą a nui ŋɛ̨i haa ɉuwu.›

Lukə 20:28

Diɛ mą: «Kalamɔ̨ɔ̨, tɔ́n Moisə ə bɛ̨ɛ̨ ə dɛɛ ku pɔ ya ka; yɛ mą; akɛ nu ta a haa, nɛ̨ą a lɛɛ, hvo lon gaa li mą; mąąnɛ̨ɛ̨ nąn nonnii ta ə nɛ̨ɛ̨nui tii həɠə a nɛ̨ą, ə lon gaa mą, ə ɉaamun tii huwu kulɔ.

Lukə 20:33

Akɛti, haaɓɛlaa nwun ɲələ a ɉələi, nɛ̨ɛ̨nui tii a lɛɛ a gbɛɛ nɛ̨ą? Mąąhɔlɔɓo, ə hee mɛ̨ihveelɛi tii kəlee pɔ.»

Lukə 6:46

«Lə mɛ̨nį ɓa, ka káá kɛi mą́ą́: ‹Ną́mu, Ną́mu?› Ə lɛɛ, yii gáá moi, ka hvo gɛi?

Rutə 1:11

Naomi yɛ diɛ: «Nónnii, ka pənə ka li, lə mɛ̨nį ɓa ka káá bɔ gwa kaa ni gwəli! Və́ kɛa pai pənəi və́ lon ɉinąą takpɛli hɔlɔɓo yiiɠaai, da pɛli di kɛ a ka hilɛni.

Rutə 3:13

Gu lɛɛ ɓɛ yələ ə ɓɔ, yələ a ɓɔi, akɛ mąą nui a pɛli ə́ mąą mɛ̨nį ɲɛ̨i kulɔi, a kɛ tii, mɛ̨nį lɛlɛɛ li. Kɛlaa, a wala kɛ bɔ hvo ə́ mąą mɛ̨nį ɲɛ̨i kulɔ, gáá nwóó kwɛlɛi yɛ́ Yai-Laa ɲɛ̨i ɓa, gɛ́ yɛ́: A wala pɛli mą, yii mąąnɛ̨ɛ̨ ŋą́ gɛ, ŋą́ yili kɛ, 'lɛɛ ɓɛ yələ ə ɓɔ.»

Rutə 4:5

Boozə ə pənə yɛ mą: «Akɛ ya nɔi ya Naomi yəi, Moabə nɛ̨ɛ̨nui ŋɛ̨i a Rutə, ya ɉəɠə a ə́ nɛ̨ą, ə gɛ, ɉilɛ pulu hɛnŋaa tii, di lɛɛ bɛlɛ́n.»