Maafîu 22:16 - Yálá laawoo hɛɓɛ (dc)

¹⁶ Yili pulu, di di wɔ kalan nɛai taɠaa tɔɔ da Herodə yee pɔ nuą taɠaa, ə gɛ, di pa di Jesus mąąni kɛ, diɛ mą: «Mąąkwɛli kɛmun, ku gɔlɔn kuɔ ya tɛ̨ą ɓo, yɛ́ nuą kalan a Yálá liiɓa tɛ̨ą pələ mɛ̨i, hvá ɲɔ̨w nuą di wɔ kiliŋąhiɛ ɓa. Mąąhɔlɔɓo, mɛ̨nį yii nuą da gaa a mɛ̨nį walawala, hvá gaa a mɛ̨nį walawala.

Yálá laawoo hɛɓɛ

¹⁶ Yili pulu, di di wɔ kalan nɛai taɠaa tɔɔ da Herodə yee pɔ nuą taɠaa, ə gɛ, di pa di Jesus mąąni kɛ, diɛ mą: «Mąąkwɛli kɛmun, ku gɔlɔn kuɔ ya tɛ̨ą ɓo, yɛ́ nuą kalan a Yálá liiɓa tɛ̨ą pələ mɛ̨i, hvá ɲɔ̨w nuą di wɔ kiliŋąhiɛ ɓa. Mąąhɔlɔɓo, mɛ̨nį yii nuą da gaa a mɛ̨nį walawala, hvá gaa a mɛ̨nį walawala.

Bible

¹⁶ Dí dípôlu-ƃelai tɛɛ bɔ naa é pɛ́lɛ Ɛɛlɔ-ƃelai dîa, dîyɛɛi, “Kaamɔ̂ɔ, ku gɔ́lɔŋ a gɛɛ íkaa a tɔ̃yâ-nuu, íkɛ Ɣâla ŋɔperei lɛ́ a tɔ̃yâ, ífa yao núu da kélee ma. Ífe kpaaŋ ni núu tɔɔ̂i mɛni ma.

Maafîu 22:16 ပူးပေါင်းရင်းမြစ်များ

Tɔɔɓɛlaa dɔlɔɔ 22:14

Mise yɛ mą: «Yii kpɔ Yai-Laa kaa a vulú, mɛ̨nįi Yai-Laa kaa lii kɛi mą́ą́: ‹Mo!› ya ɓə gáá lii moi.»

Mąątɛ̨nɛ̨ 12:2

Yai-Laa, 'pa kilɛ-mą́ą́! Tələnmo nuą daa kpɛɛ, tələnmo mɛ̨nį aa kpɛɛ nu kanŋaa lɔwai.

Mąątɛ̨nɛ̨ 5:9

Yai-Laa, 'dɛ̨́nɛ̨n dɔɔ a yɛ́ tələnmolaai; bələi mąn mą́ą́hɛnɉi nuą tamąą la, Ə́ nwɔ pələi hąŋąn ɲɛ̨́i tɔwɔ.

Mąątɛ̨nɛ̨ 55:21

Ɉulɔnui tii ə kɛi mɛlaa kɛlɛ, nwooi ə gwɛlɛ, ə yili mąą kala.

Hanwon 29:5

Nui a ɉeeyɔwɔ mąątɛ̨nɛ̨, gaa hɛlɛn dɛi mɛlan dɔwɔ.

Malasi 2:6

Tɛ̨ą mɛ̨nį ɓə kɛ di la diɛ nuą mąąkwɛli la, da mɛ̨nį haŋąą, di hvo lɛ́ɛ́ tɔ̨nɔ̨ kpɛli kɛ. Kwa diɛni ku yee lɔɔ kɛ gee hu, mɛ̨nį haŋąą kɛɛ hu. Di nu tamąą kilaa pɔ̨nɔ̨, yiliɠaa di lənə mɛ̨nį ɲɔ̨n ma.

Malasi 2:9

Yili ɓa, ɲą́ą́ gbɛli, gáá Israɛlə nuą lii muhəɠə, ə gɛ, di ka ɓɛlɛkpɛɛ kaa, di ɓáá kulɔ káá, di ka hviiɓo. Mąąhɔlɔɓo, ka hvo nííɓa pɔ, ɛlɛɛ, káá mɛ̨nį hutɔɔ a ɲɛ̨ikɔlɔn.

Maafîu 22:24

«Mąąkwɛli kɛmun, mɛ̨nį Moisə ə mo ya ka, ‹Akɛ nu ta a nɛ̨ą həɠə, ə nɛ̨ą lɛɛ ə haa, hvo lon gaa li mą, mąąnɛ̨ɛ̨ gaayɔwaa da ə nɛ̨ɛ̨nui tii həɠə a nɛ̨ą, ə gɛ, nui ŋɛ̨i haa, ə ɉuwu kulɔ.›

Maafîu 22:26

Yili kpɛli hvo lon gaa mą ə haa. Di lɛɛ yili hu tii ə lɛɛ la ɉu ɉinąą mɛ̨ihveelɛi tii gəlee di haa, da hvo lon gaa nɛ̨ɛ̨nui tii ɓa.

Maafîu 26:18

Jesus yɛ diɛ: «Ka tɛ taai ka li mɛ̨i pɔɔli, kaa mą: ‹Ku wɔ mɛ̨nį nąmu yɛ nwɔ́ɔ́ lɔwai aa həli, kɛlaa, ə́ pɔɔli ɓə gaa nwɔ hɛli pui laa da nwɔ kalan nɛai.›»

Maafîu 26:49

Ɉudasə ə lɛɠɛ Jesus ɓa, ə nɛ̨nɛ̨ɓo yɛ mą: «Nwɔ́ mɛ̨nį nąmu! Ə́ yii kpɛli, ə́ yii kpɛli! Yili pulu, ə́ naa pɛlɛ naa ɓa.»

Markə 10:17

Jesus kɛɛ kɛa bələ pɔ, hulɔnu ta a pa ə too gɔwɔ mu, yɛ mą: «Mąąkwəli kɛmun nɛlɛɛ, lə ɓə mąąnɛ̨ɛ̨ ŋį́ gɛ, ə gɛ, yɛnɛ̨ɛ̨i kpɛɛ hvo mą ŋį́ Ɉɔlɔɓo?»

Markə 12:13

Di Farisiɛ̨ɠaa da Herodə nwɔ nuą taɠaa tɔɔ, əgɛ, di Jesus hon vaa woo hu.

Markə 12:14

Di pa diɛ mą: «Mąąkwɛli kɛmun, ku gɔlɔn kuɔ: ya tɛ̨ą ɓo. Hva ɲɔ̨w nuą di wɔ kiliŋąhiɛ ɓa, hva ə́ kiliŋąhiɛ nu nwɔ kɛnɛ̨ laa ɓa, yɛ́ nuą kalan a Yálá liiɓa, tɛ̨ą pələ mɛ̨i. Akɛti, gu wɔ tɔ́n a hvaa mą gu nįįhɔ̨nwɔ̨ kulɔ Sesarə ɓą, yaai gaa gu wɔ lɔi nwun na? Ku kaa bɔ, ə́ ku kilaa pono.»

Markə 3:6

Farisiɛ̨ɠaa di kulɔ Yálá hvɛli pɛlɛ́ mu a mąą hulaa da Herodə nwɔ nuą, də li di di nwun dɔɔ a bələi mąąnɛ̨ɛ̨ di tɛɛ la di Jesus hon di baa.

Markə 8:15

Jesus ə di liɛwoo ɓo yɛ diɛ: «'Ka gɛ a nɛlɛɛ: ka ka kpɔɔ mɛ̨i kaa Farisiɛ̨ɠaa da Herodə ni di wɔ lɛɠɛ tɛ hɛn mąą mɛ̨nį ɓa.»

Lukə 20:21

Di mąąni kɛ diɛ mą: «Kalamɔ̨ɔ̨, ku gɔlɔn gbɔ kuɔ diɛ yii ya mo, da yii ya nuą kalan na, gaa a ɉaŋąa. Hva ə ɲɛ̨i hee nu kɛ pələ ɓa, kɛlaa, yá nuą mąąkwɛli Yálá kɔ́lɔn bələ ɓa a tɛ̨ą.

Lukə 7:40

Jesus ə mo Farisiɛ̨ tii ɓa, yɛ mą: «Simɔn, mɛ̨nį ta kaa gwə́i, gɛ́ ŋį́ mo yɛ́.» Simɔn ə nwoo pulu pənə yɛ mą: «Kalamɔ̨ɔ̨, mo.»

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 18:37

Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»

Ɉaan 7:18

Nui a gbɔwɔ woo ɓo, a gbɔwɔ nwɔ mąąwiɛ kwɛli. Kɛlaa, nui a dímun nwɔ mąąwiɛ kwɛli, tɛ̨ą ɓomun, hva wɛa túwɔ́ ɓo.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Korɛntə veelɛ 4:2

Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Korɛntə veelɛ 5:16

Yili ɓa, yiihu kɛa, gu hvo nu ta kɔlɔn nu kan gɔlɔ hu, akɛ gu Kristə kɔlɔn a nu kanŋaa di wɔ nu kɔlɔn bələ, bələ yili hvəə kɛa ku gɔlɔn na.

Galatə 1:10

Gaa ká kwəi nuą di di ɲɛ̨i lɛlɛɛ hee mą́ą́ mɛ̨nį ɓə, a wala kɛ tii, Yálá nwɛi? Gaa ká kwəi nu liiɓa ɓə gáá gwɛlii? Akɛ yili ɓə, vá pɛli kɛ kɛi a Kristə ŋą tímun.

Galatə 2:6

Kɛlaa yii hvilɛn na nuąi kɛ di kwɛdɛn ŋąą yə́i, di mąą mɛ̨nį ɓa, yili yaan hvo kɛ walawala li, Yálá hva ɲɛ̨i hee nu kan dɔɔi ɓa; nuą tii, di hvo mɛ̨nį takpɛli laa nwúɔ̨.

Dutɛrɔnome 33:9

Diɛ ɓə ə́ wɛlila kɛ kpɔ ə tɛɛ di kaa nuą diɛ, da di kaayɔwɔɠaa, ə mą kɛ di lonnii diɛ, ɓɛlɔwai di ə́ woo hon na, diɛ ə́ wɔ mįnɛ̨i mąąwiɛ.

Tɛsalonikə dɔlɔɔ 2:4

Kɛlaa, Yálá ə ku mąąkpɛɛ, yili ɓə gɛ, ə nwɛlɛɛ lɛlɛɛ kalihvaɓo kuɔ; yili mɛ̨nį ɓə ku kaa naa həlii la, ku hvo ku nɛ̨ɛ̨i kwɛlii nu kanŋaa hu, kɛlaa, Yálái ku kwəi kili mąąkpɛɛ, ya ɓə ku kaa niiɓa kwɛlii.

Zĩi 3:17

Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.