Maafîu 21:43 - Yálá laawoo hɛɓɛ (dc)

⁴³ Jesus ə mo nwɔ̨nɔ̨ diɛ, yɛ giə: «Gáá moi kaa, Yálá-taa tɔɔlaa kaa pai kulɔi ka yəi, ə tɛɛ nu takpɛliɠaa pɔ, yiiɠaai di túwɔ́ pələ a kɛ a bɛliɛ dɔɔlaai tii ɓa.

Yálá laawoo hɛɓɛ

⁴³ Jesus ə mo nwɔ̨nɔ̨ diɛ, yɛ giə: «Gáá moi kaa, Yálá-taa tɔɔlaa kaa pai kulɔi ka yəi, ə tɛɛ nu takpɛliɠaa pɔ, yiiɠaai di túwɔ́ pələ a kɛ a bɛliɛ dɔɔlaai tii ɓa.

Bible

⁴³ M̀ɛni ma ŋá m̀ó kâa, “Ɣâla ŋɔkâloŋ-laai a pâi kulâi káyêei é tɛ́ɛ lɔii da kpɛni pɔ, nyii zu-ƃelai da pâi m̀á lɛ̂i. [

Maafîu 21:43 ပူးပေါင်းရင်းမြစ်များ

Lɛɛ gbɔwɔ ɓa 19:6

Ka wɛi, gáá pai ka kɛi a nwɔ tɔɔlaa hu haláá laa həli nuą, a nu huwu mąąhəɠɛɛ.› Nwooɠaai mąąnɛ̨ɛ̨ ə́ mo Israɛlə lonnii diɛ, diɛ ka ti.»

Azaya 26:2

Ka gbonŋąą laaɓo, dəlimo lɔi hu nuą di lɔ, nɔi tii a kulɔ nwoo ɓai.

Azaya 28:2

Ną́mu nwɔ kɔ́ kuláa huwalawalaai ka, gɛ pələ ə ɓo yɛ hanwon tulɔ, yɛ kɛɛ kala hvaŋą; yɛ yánwąną kulɔ tulɔ; gaa pai hɛn gəlee ɓəleen ɉii yɛ di pu lɔi ɓa,

Maafîu 12:28

Kɛlaa, akɛ Yálá nwɔ Kilii nwɔ huwalawala ɓə gáá ɲį́nɛ̨n gbɛi la nuą pulu, Yálá-taa tɔɔlaa aa pa aa həli kaa.

Maafîu 21:41

Ɉaláá laa həli nwun nąmįną da tɔ́n galamɔ̨ɔ̨ɠaa di Jesus woo ŋąąpənə diɛ mą: «A góló kɛ nuą tii hon, ə gəlee paa kpɔ tɛ̨ɛ̨tɛ̨ɛ̨? Hva dɔ̨nɔ̨ kpɛli ɲɛ̨imąąwɛli kaa. Yili pulu a kólo kɛ nuą takpɛliɠaa həɠə ə di tɛɛ ɲəi ɉihɛn ɲɛa, yiiɠaai da pɛli gɛi ə nwɔ hihɛn dɔ̨nɔ̨ hɔlɔɓo ɓɛlɔwai gaa la bɔ.»

Maafîu 21:42

Yili pulu, Jesus ə mo diɛ yɛ diɛ: «Akɛti, mɛ̨nį Yálá laawoo hɛɓɛ́ ə mo ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lɛnɛ mą, ya ɓə kɛ a bɛlɛ́ tɔɔ kwɛni kpɔ-kpɔɔ. Yili ɓə Ną́mu Yálá ə gɛ, gaa gu ɲɛ̨i ɓa a kwəi pili mą mɛ̨nį.›»

Maafîu 21:44

Nui a too gwɛni ŋɛ̨i mɛ̨i, a wólo, ə lɛɛ gwɛni ŋɛ̨i a too nu ta mɔ̨i a vunwɔ̨.»

Ɉaan 3:3

Jesus ə nwoo pulu pənə yɛ mą: «Gáá moi yɛ́ a tɛ̨ą, akɛ nu a wala kɛ a nu nįnɛ̨, hva pɛli lɔi Yálá-taa tɔɔlaa hu.»

Ɉaan 3:5

Jesus ə nwoo pulu pənə yɛ mą: «Gáá moi yɛ a tɛ̨ą, nu hva pɛli lɔi Yálá-taa tɔɔlaa hu, akɛ a wala hɔlɔɓo a yá da Kili.

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,