Maafîu 21:41 - Yálá laawoo hɛɓɛ (dc)

⁴¹ Ɉaláá laa həli nwun nąmįną da tɔ́n galamɔ̨ɔ̨ɠaa di Jesus woo ŋąąpənə diɛ mą: «A góló kɛ nuą tii hon, ə gəlee paa kpɔ tɛ̨ɛ̨tɛ̨ɛ̨? Hva dɔ̨nɔ̨ kpɛli ɲɛ̨imąąwɛli kaa. Yili pulu a kólo kɛ nuą takpɛliɠaa həɠə ə di tɛɛ ɲəi ɉihɛn ɲɛa, yiiɠaai da pɛli gɛi ə nwɔ hihɛn dɔ̨nɔ̨ hɔlɔɓo ɓɛlɔwai gaa la bɔ.»

Yálá laawoo hɛɓɛ

⁴¹ Ɉaláá laa həli nwun nąmįną da tɔ́n galamɔ̨ɔ̨ɠaa di Jesus woo ŋąąpənə diɛ mą: «A góló kɛ nuą tii hon, ə gəlee paa kpɔ tɛ̨ɛ̨tɛ̨ɛ̨? Hva dɔ̨nɔ̨ kpɛli ɲɛ̨imąąwɛli kaa. Yili pulu a kólo kɛ nuą takpɛliɠaa həɠə ə di tɛɛ ɲəi ɉihɛn ɲɛa, yiiɠaai da pɛli gɛi ə nwɔ hihɛn dɔ̨nɔ̨ hɔlɔɓo ɓɛlɔwai gaa la bɔ.»

Bible

⁴¹ Nya ƃe dí ŋ̀óo su tòo, dîyɛɛ mai, “A pâi ŋ̀wana-lɔ̂ɔ-ƃelai tí su karâi kpɔ́ é ŋɔkpɔmɔ-ƃa-kpalaŋ tɛ́ɛ tíi-kɛ-ƃela da kpɛni-ŋa pɔ, nyii-ŋai pâi ŋɔkpɔmɔ-ƃai tɛɛ̂i bɔ a gbɔmɔ-ƃai kpɔ̂lu-tãi.”

Maafîu 21:41 ပူးပေါင်းရင်းမြစ်များ

Mąątɛ̨nɛ̨ 2:9

Ə́ kaa pai di kɛlɛi a kwɛli hvaɠa, yɛ́ di wolo yɛ ləɠi tɔɔ mun a kɛi nwɔ ləɠi wolo.»

Azaya 65:15

Nííɓa nuą da kɛi pa nɛ̨ŋɛ̨nnaa kɛi, da gɔɔn kaa, diɛ kɛ mą: «Yai-Laa Nąmu ə ə́ haa pələ kɛ kpɔlɔ tii!» Kɛlaa, laa ninɛ̨ kaa pai heei nwɔ́ tínuąi diɛ.

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Zakari 12:12

Nɔi kaa pai ɉaa wɔlɔi tii ɓoi, kwəli kəlee da nwɔɔ. Davidə nwɔ pɛlɛ́i mu nuą da kɛ a di tee, nɛ̨ąą di ɓo a di tee. Natan nwɔ pɛlɛ́i mu nuą da kɛ a di tee, nɛ̨ąą di ɓo a di tee.

Zakari 13:8

Yai-Laa yɛ diɛ: Mąą yələi tii, nɔi lonnii da kɛ haaɓa, veelɛ a haa, diɛ di kulɔ yɛnɛ̨ɛ̨ nuą lɔwai, Kɛlaa, ɉaaɓanąą tii, a lɛɛ yɛnɛ̨ɛ̨.

Maafîu 21:34

Viɲə ɓai lɔwai, ɉulɔnui tii ə nwɔ kɛlaɠaa tɛɛ laa ə gɛ yii góló kɛ nuą daa gulɔ di nwɛi tɛɛ.

Maafîu 21:40

«Akɛti, ɉihɛn ɲeai tii nąmu a pa yaa kpinįi, lə ɓə a gɛ a nuą tii?»

Maafîu 21:43

Jesus ə mo nwɔ̨nɔ̨ diɛ, yɛ giə: «Gáá moi kaa, Yálá-taa tɔɔlaa kaa pai kulɔi ka yəi, ə tɛɛ nu takpɛliɠaa pɔ, yiiɠaai di túwɔ́ pələ a kɛ a bɛliɛ dɔɔlaai tii ɓa.

Maafîu 3:12

Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Lukə 20:16

A pa, a nuą tii kəlee paa, ə ɉihɛn galihvaɓo nu takpɛliɠaa diɛ.» Nwoo tii mɛ̨n di mo, diɛ mą: «Ɲɔ̨nwɔ̨ɔ̨ ə hvóló!»

Gɛlaɠaa 15:7

Di ɉuyala kpɔ di kee lɔwai a nwalawalaa, yili ɓə gɛ, Piɛrə ə bələ həɠə yɛ diɛ: «Nąn nonnii, ka kili kaa ɉu káá kɛ, Yálá ə ɉə́ɠə́ ɉu ka lɔwai a gɔwɔ tɔɔ yələ, ə gɛ, huwu takpɛliɠaa diɛ pɛli nwəlɛɛ lɛlɛɛ mɛ̨n ɉii ná, ɛlɛɛ, diɛ gaa a tɛ̨ą.

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Gɛlaɠaa 28:28

«Ká kili ə pu kani ɉu káá, huwu takpɛliɠaa ɓə Yálá nwɔ ɓalo mɛ̨nįi tii aa tɛɛ di pɔ, diɛn di kaa pai di wəli tɔɔi mą.»

Gɛlaɠaa 28:8

Publiusə nąn ə kɛ ɲɔ̨n ɉaɠa ɓa, ɓahiwəlaa ə kɛ mą, da himangban gwəi kulɔ. Polə ə lɛɠɛ mą, ə Yálá hvɛli mą, ə ɲee pɛlɛ mɛ̨i, gɔlɔi ə pono.

Tɛsalonikə dɔlɔɔ 2:16

diɛ ɓə da kpɛ̨ąn ku tɔwɔ, diɛ ku hvo ɓalo woo laa həli huwu takpɛliɠaa diɛ, ɛlɛɛ, yələ kəlee, diɛ di wɔ nɛŋɛ̨nŋaai laa kulɔ la tii. Kɛlaa, lííholi aa too di mɛ̨i a gbəlamąą.

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?