Maafîu 21:31 - Yálá laawoo hɛɓɛ (dc)

³¹ Akɛti, gáá ka mąąni kɛi; nɛapəlɛɛ hveelɛi tii, nɛlɛ ɓə nąn niiɓa kɛ?» Nuą tii di Jesus nwoo ŋąąpənə diɛ mą: «Nón dɔlɔɔ tii ɓə.» Jesus ə mo kɛa diɛ yɛ diɛ: «Gáá tɛ̨ą ɓoi kaa, niihɔ̨nwɔ̨ kulɔ nuą da wɛli hon nuą di kaa pai tɛi ka tɔwɔ Yálá-taa tɔɔlaa hu.

Yálá laawoo hɛɓɛ

³¹ Akɛti, gáá ka mąąni kɛi; nɛapəlɛɛ hveelɛi tii, nɛlɛ ɓə nąn niiɓa kɛ?» Nuą tii di Jesus nwoo ŋąąpənə diɛ mą: «Nón dɔlɔɔ tii ɓə.» Jesus ə mo kɛa diɛ yɛ diɛ: «Gáá tɛ̨ą ɓoi kaa, niihɔ̨nwɔ̨ kulɔ nuą da wɛli hon nuą di kaa pai tɛi ka tɔwɔ Yálá-taa tɔɔlaa hu.

Bible

³¹ Ǹúu feerɛi ŋí, nênɛ ƃe ǹâŋ ǹîa-mɛni kɛ̀i?” Dí mò mà dîyɛɛi, “Duɛ-tuɛi.” Nya ƃe Zîsɛ è mò dîa, ǹyɛɛi, “Ŋa tɔ̃yâ ƃoi kâa a gɛɛ ŋuŋ-fela-fei kula-ƃelai da ŋ̀ulu-wulu-nɛyaai da pâi liî Ɣâla ŋɔkâloŋ-laai sú kátuɛ.

Maafîu 21:31 ပူးပေါင်းရင်းမြစ်များ

Zôo 15:6

Ə́ laaləi ɓə ə́ kiti teei, ɲą́ą́ hvəi. Ə́ kpɔwɔ nɛ̨n gaa ə́ mąą kɛla hvaa ɓoi.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Maafîu 12:50

Mąąhɔlɔɓo, nuąi di kaa Ną́n Yálái yələkɔlɔn ɉu niiɓa kɛi, diɛ ɓə di kaa a néé da gááyɔwɔɠaa.»

Maafîu 18:3

Yɛ diɛ: «Gaa tɛ̨ą ɓoi kaa, akɛ ka wala ka kɛ pələ mąąhvalin ka hvo kɛ yɛ lɛapɛlɛɛ, ka hva pɛli lɔi Yálá-taa tɔɔlaa hu.

Maafîu 20:16

Jesus kpɛɛ kɛa a mɛ̨nįɠaa tii ɓoɔ, ə nwoo ŋɛ̨i ɓo kɛa, ə naa mɛ̨i yɛ diɛ: dɔɔ dɔwɔɠaa kaa pai kɛi a nɛɛ bulu nuą, nɛɛ pulu nuą di kɛ a dɔɔ dɔwɔ nuą.

Maafîu 21:30

Ɉulɔnui tii ə non veelɛ nąą pɔɔli yɛ mą: ‹Nón li ə kólo kɛ ɉihɛn ɲɛa.› Yili yɛ mą: ‹Oowei! Ną́n, gáá li.› Kɛlaa hvo gɛ hvo li.

Maafîu 5:18

Gáá tɛ̨ą ɓoi kaa, a kɛ yələ kɔ́lɔn, da lɔi da wala ni tɛɛ, mɛ̨nį yiiɠaai bɛ̨ɛ̨ dɔ́n ɉɛɓɛ́ hu, ɉɛɓɛ́ gɔw dɔ̨nɔ̨ kpɛli hva ɉəɠə mą. Gəlee ka kɛ, yɛ pələi bɛ̨ɛ̨ la, ə lɛɛ la ɉu, hvo kɛ li yɛnɛ̨ɛ̨ ɲąą kpɛɛi lɔwai.

Maafîu 5:46

Mąąhɔlɔɓo, akɛ, ka wɛlikɛmąą nuą lɔ ɓə ka di wɛli la kɛ, tɔ̨nɔ̨ lə kɛɛ ɓə ka pɛli Ɉɔlɔɓoi Yálá yəi yili hu? Niihɔ̨nwɔ̨ kulɔ nuą diɛ kpɛli da gɛ lɔ tii.

Maafîu 6:5

«Ka kɛi Yálá hvɛli, ka hvo gɛ yɛ tɛ ɲɛ̨i mɛ̨nį kɛ nuą; diɛi da kɛ bɔ, diɛ ɓo tɔɔni diɛ Yálá hvɛli di wɔ Yálá hvɛli pɛlɛ́ɠaa mu, da pələ taŋąnnaɠaa; ə gɛ, nuą di di kaa. Gáá moi kaa a tɛ̨ą, daa gbɛa di hvɛla hɔlɔɓo.

Maafîu 7:21

«Nuąi da kɛ mą́ą́: ‹Ną́mu, Ną́mu›, gəlee hvo pai lɔi Yálá-taa tɔɔlaa hu. Hvɛɛ yiiɠaai da Ną́n gaa yələi, niiɓa kɛ, diɛ ɓə pai lɔi laa.

Maafîu 9:9

Jesus həɠɛɛ laa yɛ li, gɛɛ tɛɛi, ə hulɔnu ta kaa heeni nįįhɔ̨nwɔ̨ kulɔ taɓali ɓa. Naa ɓa kɛ a Matie. Ə mo mą, yɛ mą: «'Hvilɛn búlú!» Yili ə muhəɠə, ə hvilɛn bulu.

Lukə 15:10

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Lukə 19:22

«Tɔɔmun yɛ mą: ‹Kóló kɛmun ɲɔ̨nwɔ̨ɔ̨ ɓaa yɛ; ə́ woo tii ə́ mo ya lɔ ɓə gáá ə́ kiti teei mɛ̨i. Ə́ gɔlɔn gbɔ kɛ yɛ́, gáá a nui nwɔ mɛ̨nį walawala, ɓɛi və́ hɛn nąą li laa, nąą ɓə ŋą ɉəɠə laa; ɓɛi və́ tíi kɛ li laa nąą ɓə ŋą mɔ̨nun dee laa.

Lukə 7:29

Nuąi tii kəlee, ə mą kɛ nįįhɔ̨nwɔ̨ kulɔ nuą, di kɛi di wəli tɔɔ Ɉaan-Batistə woo ɓa. Di gɔlɔn gɛ diɛ: Yálá tələnmoɔi, di kɛi pa Ɉaan pɔ, əgɛ, ə di mąąwaa.

Ɉaan 3:3

Jesus ə nwoo pulu pənə yɛ mą: «Gáá moi yɛ́ a tɛ̨ą, akɛ nu a wala kɛ a nu nįnɛ̨, hva pɛli lɔi Yálá-taa tɔɔlaa hu.»

Ɉaan 3:5

Jesus ə nwoo pulu pənə yɛ mą: «Gáá moi yɛ a tɛ̨ą, nu hva pɛli lɔi Yálá-taa tɔɔlaa hu, akɛ a wala hɔlɔɓo a yá da Kili.

Gɛlaɠaa 17:30

Kɛlaa, ɓɛlɔwai ti nuą kiliŋą hvo kɛ pono li la, Yálá hvo gili lɛɛ li yili hu, yiihu kɛa, gaa moi nu kanŋaa diɛ, yɛ nu kəlee, ɓɛi lɔpee nąą kəlee, di di hɔn mąą pənə.

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Lomaŋ 5:20

Dɔ́n ə pa, nɛ̨ŋɛ̨n mąą ponoi. Kɛlaa, ɓɛi nɛ̨ŋɛ̨n ɉu ə kɛnɛ̨ laa, Yálá nwɔ mɛ̨inɛ̨ɛ̨ gboloon ə laa laa.

Piɛrə veelɛ 3:9

Ną́mu Yálá nwɔ mįnɛ̨ həɠɛɛ hu hvo kwɛa li yɛ pələi nu taɠaa da kɛ di kiliŋąhiɛi la, diɛ kɛ mą: Hvo pai ɉa. Kɛlaa, nii ɓə aa naa nuą pɔ, hvo bɔ nu tɔ̨nɔ̨ kpɛli nwun na hvo pili, kɛlaa, gaa bɔ nu kəlee di tinɛ̨n di həɠə mɛ̨nį ɲɔ̨n bulu.