Maafîu 20:26 - Yálá laawoo hɛɓɛ (dc)

²⁶ Ka wɛi, yili mąą hvo nɛ̨ɛ̨li hvo kɛ ka lɔwai. Yaamun, akɛ nu ta a kɛ ka lɔwai yii gaa bɔ ə kɛ a nu kɛnɛ̨; mąąnɛ̨ɛ̨ ə kɛ a mɛlaa di wɔ tí mun.

Yálá laawoo hɛɓɛ

²⁶ Ka wɛi, yili mąą hvo nɛ̨ɛ̨li hvo kɛ ka lɔwai. Yaamun, akɛ nu ta a kɛ ka lɔwai yii gaa bɔ ə kɛ a nu kɛnɛ̨; mąąnɛ̨ɛ̨ ə kɛ a mɛlaa di wɔ tí mun.

Bible

²⁶ Ve pâi kɛ̂i tí kásama. Kɛ́lɛ, ǹúui ŋ̀wɛ̂lii a gɛɛ é kɛ́ a núu kɛ̂tɛ kásamâi, fɛ̂ɛ é kɛ́ a káyee-mu-nuu.

Maafîu 20:26 ပူးပေါင်းရင်းမြစ်များ

Izikiɛ 24:13

Túwɔ pələ ɲɔ̨n mə a ə́ mąąliɓi, mąąhɔlɔɓo ŋą́ą́ ə́ mąąhəɠə, kɛlaa ə́ mąą hvo həɠə li. Ɛlɛɛ, ə́ mąą hvo pai həɠəi ə́ mąąliɓi hɛn tii yəi. Hvo kɛli ŋą́ níí holi ə́ pɔ, ŋą́ naa kulɔ.

Maafîu 20:27

Akɛ nwɔ̨nɔ̨ ka ta kaa bɔ ə kɛ a nu kɛnɛ̨mun, mąąnɛ̨ɛ̨ ə kɛ a ka wɔ tí mun.

Maafîu 25:44

«Nąąlɔwai diɛ kpɛli da nwoo ŋąąpənə diɛ mą: ‹Námu mįnɛ̨ lɔwai ɓə ku ə́ kaa la pulu ə ɓo yɛ́, ku hvo ə́ kɔ́ a kɔ̨nɔ̨n? Kpələ wɛli ə ɓo yɛ́ ku hvo yalaɠi tɛɛ ə́ pɔ? Ə́ kulɔ la kuɔ a nweą, ku hvo ə́ nweą laa kɛ? Ə́ mąą haɠaa, ku hvo həɠə kɛ yɛ́? A wala kɛ tii, ə́ ɓo gaho ŋą, ku hvo ku woo pili yɛ́?›

Maafîu 27:55

Nɛ̨ąą tamąą di kɛ laa di tɔɔ kwɛaala di ɲɛ̨i hiɛ Jesus ɓa. Nɛ̨ąą tii ɓə kɛ Jesus pɔ diɛ kpɔnmąątɛɛ bɔ, da diɛni kəlee ɓə həɠə Galile lɔi hu.

Markə 10:43

Ka wɛi, yili mąą hvo nɛ̨ɛ̨li ka lɔwai. Yaamun, akɛ nu ta a kɛ ka lɔwai, yii gaa bɔ ə kɛ a nu kɛnɛ̨, mąąnɛ̨ɛ̨ mąą nu ə kɛ a ka kəlee ka wɔ tímun

Markə 10:45

Mąąhɔlɔɓo, Nu Lon hvo kɛ pa li, əgɛ, nuą di tí mą. Kɛlaa, ə pa ə kɛ nuą di wɔ luwɔ, əlɛɛ, ə haa nu tamąą mąą mɛ̨nį ɓa.»

Markə 9:35

Jesus ə hee, ə galan nɛa pow kɔ́w hveelɛ təli. Yɛ diɛ: «Nui gaa bɔ ə kɛ tɔwɔ, mąąnɛ̨ɛ̨ ə kɛ a mɛlaa kəlee di ləɠə, ə kɛ a mɛlaa di wɔ tímun.»

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Lukə 22:26

Ka wɛi hvo kɛ tii; kɛlaa, nu kɛnɛ̨ laamun ka lɔwai, ə gbɔwɔ kɛ yɛ nokolo laamun. Nui ɲɛ̨itɔwɔ laa kaa ɲəi, ə gbɔwɔ kɛ a goló kɛmun.

Ɉaan 18:36

Jesus ə nwoo pulu pənə yɛ mą: «Ŋɔ́ tɔɔlaai hvo a yɛnɛ̨ɛ̨ ɓɛ tɔɔlaa, a kɛ kɛ a yɛnɛ̨ɛ̨ ɓɛ tɔɔlaa yɛ nwɔ́ holahiɠaai də li mą́ą́kɔ̨nwɔ̨, ə gɛ, Ɉuifəɠaa di hvo pa kɛ Ɉón. Kɛlaa, nwɔ́ tɔɔlaai hvo a yɛnɛ̨ɛ̨ ɓɛ tɔɔlaa.»

Gɛlaɠaa 13:5

Di həliɛ Salaminə, də li Yálá hvɛli pɛlɛ́ɠaa mu diɛ Yálá lawoo laa həli diɛ. Ɉaan-Markə ə kɛ di pɔ, yɛ kpɔnmąą tɛɛ di pɔ.

Korɛntə veelɛ 1:24

Ə kɛ ŋɛ̨i yɛ kwa hee ká wɔɔ kalan mɛ̨į, ya hvəə, kɛlaa, ku yee pɛlɛ ɓə ku kaa moi ká wɔɔ kwəinɛ̨ɛ̨ ɓa, hvo gaai, galan mɛ̨nį nwɛi, ká yee kaa mą a nwalawalaa.

Timote veelɛ 1:18

Gu Ną́mu ə gɛ, ə mɛ̨inɛ̨ɛ̨ hɔlɔɓo gu Nąmu kwɛlɛ a ɲələi tii. Ɛlɛɛ, mɛ̨inɛ̨ɛ̨ɠaai kpɔ ə gɛ mą́ą́ Efɛsə, yɛ́ kpinįi ə́ gɔlɔn gbɔ a nɛlɛɛ.

Filemɔn 1:13

Ŋą́ kɛ kpɔ bɔ ə lɛɛ ɓɛ gwɛ́lɛ, ə́ ə́ tɔɔi kɛ, ɓɛlɔwai ŋɛ̨i gáá la gaho ŋą nwɛlɛɛ lɛlɛɛ mąą mɛ̨nį ɓa.

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Piɛrə dɔlɔɔ 5:3

Nuąi di kalihvaɓoɔ káá, 'ká hvo di hon a heemɛ̨i laa, kɛlaa, di di wɔɔ yɛnɛ̨ɛ̨ kɔɔn ká wɛi kɛ pələ ɓa.

M̀ɛni-lɛɛi 17:6

Ŋą́ nɛ̨ɛ̨nui tii kaa, mąąhəɠə nuą da Jesus ŋą kɛlaɠaa di ɲąmą aa ɉon yɛ lɔɔ. Gaai ŋį́ mo, gwə́i ə pili kpɔ mą́ą́ kɛnɛ̨.